JOSUA 8:28 - Bawm Common Language Bible Version

²⁸ Josua nih Ai khua chu a duah hep le, râwk dep hen a mâk. Tutiang hen chu hawi hen a um kumza.

JOSUA 8:28 ပူးပေါင်းရင်းမြစ်များ

2 Lal 19:25

“Alân thawk hen ka thiltum zawzawng tla hi na theih dah tâwn ma? Tu chun ka hawng langh rawh. Tu chun kulhnei khua tla chu nâwmpawng ah siam kho ding hen thiltikhonâk ka nan pêk.

ISAI 17:1

LALPA nih, “Damaska chu khuapi asi lai lo rawh le; thil râwk mi pawng cho asi lai rawh.

ISAI 25:2

Khuapi tla chu râwk dep hen na tuah le, an kulh tla khawm na râwk ver. Kan mêlma tla nih lal in an sak mi chu a vei pawt rawh.

JEREMIA 49:2

Sikhawmsele Rabah khuapi mi tla chu râltuknâk hâu ka theihtir na lai le, râwk dep hen mâk hen a um lai le a khua tla duah hen a um ding mi tik chu a tlung rawh. Israel tla nih an ram lâktu lakah mi chu an suh nawlh na lai.

JEREMIA 50:26

Munkip thawk hen do ule, an fâng siahnâk mun tla chu phawngh u! Fâng an pawng mi hâwi hen râllâk thil tla pawng u! Ram râwk dep u! Zeikhawm mâk lah u!

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

MIKAH 3:12

Churuang chun Zion chu nangmah ruangah phâisen hâwi hen nâwn asi lai le, Jerusalem chu nâwm pawngnâk asi lai, Biakin tlâng chu tumun asi lai.

DEUTERONOMY 13:16

Chunah mi tla neih-le-siah tla chu munkhat ah pawng ver ule, kil li hen pawng u. LALPA sinah thil ap rang ding ah thil zeizawng a khua hen duah hep u. Râwk dep hen siah asi lai le, zeiliau khawm sak nawlh asi lai lo rawh.

DEUTERONOMY 13:17

Zei thil tal rawk ding hen nawmh asi mi chu mah rangah kil lah u, chu tikah LALPA nih a thinthawknâk a lêt lai le, nan lakah khua a ruat lai. A nan thlâk natu tla sinah thu a tiamh mi hâwi hen nan lakah khua a ruat lai le, a nan puatir na lai.

JOSUA 4:9

Chun, Josua nih Jordan Va lâi ah bâwlpu tla nih Thudântuk Bâwm an zawnh le, an dîrnâk mun ah lung leinih a pawng. (Chu lung tla chu a um ko rih.)

JOSUA 8:29

Ai khua lalchem chu thing pâr ah a thlâi le, zânlei tiang a ruak chu an siah thlap. Josua nih nî tlâk nûnah a ruak chu lâk hen khuapi lûtnâk kawtkâ ram ah lawnh thlap ding hen thu a pêk na. A tlûnah lung cherkhet an pawng le, tusûn ni tiang hen a um ko.