JOSUA 8:20 - Bawm Common Language Bible Version

²⁰ Ai khua mi tla nih an dunglei an hawng zauh le, meikhû vân leiah a dîr mi an muh rawh. Annih rangah suaknâk lampi rerêng an nei lo rawh, Israel tla mâng leiah tek mi tla chu anmah do ding hen an hawng a her nawlh.

JOSUA 8:20 ပူးပေါင်းရင်းမြစ်များ

GENESIS 19:28

Sodom leh Gomorah leh tivakuam zawzawng chu a chuanh le, chu ram thawk hen meikhû meialh fâk tak thawk hen a hawng suak mi hâwi hen a muh.

JOB LASUIBU 11:20

Sikhawmsele, misual tla chu lungdawng tak hen khua an hawi lai le, âwl khonâk lampi rêng an tawng lai loh. An tawng ding mi pakhat chu thihnâk cho asi.

SAM 76:5

An kawrsen râlṭha neih zawzawng chu an suh piak hep na le; tu chun mithi itnâk ah an it hep le; an chaknâk leh an thiamnâk zawzawng chu mang a tlâk lo rawh.

ISAI 34:10

A sûn a zân hen a kâng lai le, chu lakah meikhû chu kumleza hen a suak lai. A ram chu a kum kum hen â râwk lai, âukhawm ram sungah anna sawk rêng lai lo rawh.

JOSUA 8:19

A kut chu a lirh kâ hen anna thup mi tla chu an hawng thawk sawm le, khuapi sungah chun an tek le, an lâk rawh. Mawhsareh hen khuapi chu an duah sawm.

JOSUA 8:21

Josua leh a mi tla nih an lâk rawh mi leh mei tla chu an muh le, churawhchun an hawng a her le, Ai khua chu thah anna dawmh rawh.

THUPHUANG 18:9

Chun, tual ah lal tla amah pung tâwntu leh, a nuamsabut chenhpitu tla nih chun a kâng mi khû chu an zauh tikah,

THUPHUANG 19:3

Chun, an âu nawlh le, “Halleluia’’ (Pathian sawr u), khuapi a kâng mi khû chu zungzâl hen kâi seh,” ti hen.

LÂIRÊL 20:38

Israel kawrsen murui tam chem tla leh â thup mi tla chu khatlei khatlei simh tawnhnâk an siam. Khuapi thawk hen meikhû vân leiah a kâi mi an muh rawh chun,

LÂIRÊL 20:40

Churawhchun, sâwn tawnhnâk a hawng lang le, khua thawk hen meikhû vân leiah a kâi taktê rawh. Benjamin mi tla chu dunglei anna her le, khuapi pumpi ah meikhû an muh rawh chun thungâi chê an ti.

LÂIRÊL 20:41

Churawhchun, Israel tla chu an hawng a her le, Benjamin mi tla nih an ṭih rawh, zei ti khawm hen kan vei chiammâm rawh ti an theih ruangah.