JOSUA 8:2 - Bawm Common Language Bible Version

² Jeriko khua leh a lalchem tlûnah na ti mi hâwitê hen Ai khua leh a lalchem tlûnah na ti ber lai. Sikhawmsele, tutan mi lam chu thil-le-rî leh a ranrual tla nangmah tâ asi lai. Khuapi do ding hen a tîm le, râl vêngtu tla siam na,” a ti.

JOSUA 8:2 ပူးပေါင်းရင်းမြစ်များ

2 CHRONICLES 13:13

Chu liau chun Jeroboam nih a kawrsen zeimaw zat ding chu Juda kawrsen bawh ding hen a dang chereh hen a fial na le, a dang vial chu an mâitawnh hen a siah na.

2 CHRONICLES 20:22

La sak anna dawmh rawh chun, LALPA nih an do na mi kawrsen tla chu zerhnâk a pêk na.

SAM 39:6

dâidul tluk khawm asi lo. A thilti zawzawng zeikhawm asi lo; âunih â ting awt ti theihlo thlo hen neih a khawng.

THUFING LASUIBU 13:22

Mi ṭha nih a tu tla rangah a neih a roh lai. Sikhawmsele misual tla neihnâk chu mirep nih â ting lai.

THUFING LASUIBU 28:20

Mi zumhkâi tla nih chun, thinlung ah duhnâk tling hen nunnuam tak hen an um lai. Sikhawmsele neih mawhlah tuk na si chun, rêp hen na um lai.

JEREMIA 17:11

Mi, zumhkâilo tak hen tangka tawngtu chu, va, amah ti silo mi awptu hâwi asi. A san lâi liauah a neih chu a vei lai le, a dawnghnâk ah zeikhawm silo hen mi â hâwi asi lai.

JEREMIA 51:12

Dotu lakah hotu tla nih, “Nan chanhtiang thalzûm tla tât u! Nan phaw tla lâk zet u! Babulon kulh do ding hen theihtirnâk pêk u. Vêngtu chu chaktir u! Râlvêngtu tla siah u! Bawhtu tla siam u!” a ti. LALPA nih Babulon mi tla lakah ti ding a tum mi chu a ti rawh.

DEUTERONOMY 2:35

Ranrual tla kan lâk le, khua tla kan rûn.

DEUTERONOMY 20:14

Nunau tla, fa tla, an ran vulh tla leh thil dang zawzawng an khua lakah um mi tla mah rangah nan lâk kho lai. Nan mêlma thil-le-rî zeizawng chu nan mang kho lai. LALPA nih a nan pêk na mi asi.

DEUTERONOMY 3:2

Sikhawmsele LALPA nih ka sinah, Anih chu ṭih rîlmâl lah, a ram leh a minung zawzawng chu nangmah ka nan pêk awt. Hesbon lâirêltu Amor lalchem Sihon lakah na ti hâwi hen a lakah ti rawh,’ a ka ti.

JOSUA 10:1

Adonizedek, Jerusalem lalchem nih Josua nih Ai khua leh a lalchem chu Jeriko khua leh a lalchem tlûnah a ti mi hâwi hen a lâk le, a râwk dep ti a theih. Gibeon mi tla khawm nih Israel tla hen remnâk an siam le, anmah tla sinah an um bâk ti a theih.

JOSUA 10:28

Chu ni ah chun Josua nih Makedah leh a lalchem chu a neh na le, khua mi tla zawzawng chu a thah na le, pakhat khawm nung hen a zuah na lo. Jeriko khua lalchem tlûnah a ti ziatê hen Makedah lalchem tlûnah khawm a ti rawh.

JOSUA 11:14

Israel mi tla nih thil sung tla, ranrual tla, chubang khuapi thawk hen an lâk mi chu mah rangah anna ting. Minung lam chu an thah hep na le, pakhat khawm an zuah na lo.

JOSUA 6:21

Nâmsâu hen khua lakah mi chu mikip mipa, nunau, ngâksia leh upa an thah na. Ranrual tla, dawrâ tla, sanatung tla khawm an thah na.

JOSUA 8:12

Mi sângnga ding chu khuapi thlanglei kângah Ai leh Bethel karah a thuh na.

JOSUA 8:14

Ai lalchem nih Josua minung chu a muh na le, mawhsareh hen â tîm rawh. A lânah mi hâwitê hen amah leh a minung zawzawng tla hen Jordan Vakuam ah Israel tla do ding hen an suak rawh, bawhtu tla nih hawng kan do awt ti rêng an theih lo.

JOSUA 8:19

A kut chu a lirh kâ hen anna thup mi tla chu an hawng thawk sawm le, khuapi sungah chun an tek le, an lâk rawh. Mawhsareh hen khuapi chu an duah sawm.

JOSUA 8:24

Israel tla nih anmah ṭhâwltu tla chu mâng ah an thah hep na. An kîr le, Ai khua khawm ah chun an va thah hep na.

JOSUA 8:3

Josua chu a kawrsen zawzawng hen Ai khua leiah kal ding hen â tîm rawh. A kawrsen a ṭha chem mi sâng sâwmthum a thîm le, zânah a fial na.

JOSUA 8:7

Chu tikah nannih nanna thupnâk ah mi nan hawng suak lai le, khuapi chu nan lâk lai rawh. LALPA nan Pathian nih a nan pêk na lai rawh.

JOSUA 8:8

Khuapi nan lâk rawh chun, LALPA thupêk hâwi hen, duah hep u. Chu chu nan rangah thupêk chu asi,” a ti.

JOSUA 8:9

Josua nih a fial na le, anna thupnâk lei an va kal le, chunah chun an ngâk na ko, chu ram chu Ai thlanglei ah Bethel leh Ai kar asi. Josua chu, chu zân ah chun riaknâk mun ah a riak rih.

JOSUA 9:3

Sikhawmsele, Gibeon mi tla chu Hiv mi an si le, Josua nih Ai leh Jeriko ah an thilti an theih le,