JOSUA 7:5 - Bawm Common Language Bible Version

⁵ Ai khua mi tla nih khuapi kawtkâ thawk hen lung khur an chawhnâk tiang hen tlâng leikângah lampi tluan hen minung sâwmthum leh paruk an thah na. Churawhchun, Israel tla chu an thin a dâwk hen an ningṭih rawh.

JOSUA 7:5 ပူးပေါင်းရင်းမြစ်များ

SAM 22:14

Tual ah tî a tlê mi hâwi hen ka tha â zûk ver. Ka liahchân zawzawng khawm a pelh hep; ka thinlung chu khuailul hâwi hen a zawr.

SAM 58:7

Tî a dat ving mi hâwi hen an lang lonâk ding hen leh lampi ah belh a uai mi hâwi hen um na seh.

ISAI 13:7

Mikip kut chu a uai lai le, mikip râlṭhatnâk khawm a vei lai.

EZEKIEL 21:7

Zei rangah ti ti na rûm ti hen an deih chun, thâwngthâng a hawng tlung mi ruangah ti hen simh na. A hawng tlung tikah chun, an thinlung chu lâunâk hen a khat lai le, an kut tla khêng hen an thlâi lai le, an râlṭhatnâk khawm a vei lai le, an khûp khawm a thir lai. A hun a tlung taktê rawh; hi hi asi rawh,” a ti. LALPA Zahkâi nih a sim asi.

LEVITICUS 26:36

“Sal ah put hen an um mi tla chu an lâu tuktarâi ah thing nah thlî nih a sêm mi hâu lak khawm ah an tek lai. Râltuk liauah ṭhâwl mi hâwi hen an tek lai le, mêlma nan kiangah umlo pet hen nan tlû phah rê lai.

NAHUM 2:10

Ninevi chu a vei rawh, a karo hen a um, a lâwng keng rawh! Thinlung chu ningṭihnâk hen a khat le, chaknâk a vei le, khûp tla a thir; mêl a dâng rê.

DEUTERONOMY 1:44

Churawhchun, Amor tla, chu tlâng ram ah um mi tla chu khuaibû lâisut mi hâwi hen nan lakah an hawng. Hormah tiang hen an ṭhawl na le, Edom tlâng ram ah an neh na rawh.

JOSUA 2:11

Chu chu kan theih kâ hen thungâi kan ningṭih, nanmah ruangah kan thinlung thungâi kan lâu. LALPA nan Pathian chu tual leh vân Pathian asi.

JOSUA 2:9

“LALPA nih hi ram hi an pêk na rawh ti ka theih. Ram sungah mikip nih an ṭih na ti ka theih rawh.

JOSUA 5:1

Amor lalchem Jordan thlanglei mi zawzawng tla, Mediteranian Tipi kiangkam ah um mi Kanaan lalchem tla nih Israel mi tla nih an tan ver tiang hen LALPA nih Jordan Va tî chu a kangtir piak na ti an theih. Israel mi tla ruangah an thinlung a dâwk hep le, thungâi an ningṭih.