JOSUA 7:2 - Bawm Common Language Bible Version

² Josua nih mi zeimaw zat ding chu Jeriko khua thawk hen Ai khua ah a fial na le, Ai khua chu Bethel saklei ah Bethaven kiangah mi asi. Chu lei ram ah chun thlingthlâk ding hen a fial na mi asi.

JOSUA 7:2 ပူးပေါင်းရင်းမြစ်များ

GENESIS 12:8

Chu nûnah chun Bethel khuapi saklei tlâng ram ah â ṭhial le, chunah chun um mun a khuar. Thlanglei ah Bethel a um le, saklei kângah Ai khua a um. Chunah khawm chun mâichâm a siam le, LALPA a sawnh.

GENESIS 28:19

Chu mun min ah Bethel ti hen a sak. Chunah mi khuapi chu (Luz ti asi.)

1 Lal 12:29

Pakhat chu Bethel ah a siah, pakhat chu Dan ah a siah.

NEHEMIAH 11:31

Benjamin phun tla chu Geba, Mikmas, Ai, Bethel leh a kiangkam khuatê tla,

THUFING LASUIBU 20:18

Krai ṭha a ting le, na dingchang lai. Ruat tâ lo hen râltuk ding hen kal sut lah.

THUFING LASUIBU 24:6

Zeizawng nûnah râl hen nanna tuk lânah tumnâk thiamthih tak na nei ding asi. Krai ṭha na tawng mi hâwi hen ṭha tak hen na neh lai.

ISAI 10:28

Mêlma kawrsen tla nih Ai khuapi chu an lâk rawh! Migron an pal! An eibâr chu Mikmas ah an mâk!

JEREMIA 49:3

Hesbon mi tla, ṭap u! Ai khua chu râwk hen a um rawh! Rabah ah mi nunau tla, lungfâk tak hen um u! Salâpuan a aih ule, ulh u. Nawk ruangah tek u. Nan pathian Milkom chu a lal leh a bâwlpu tla hen sal ah kalpi hen an um lai.

HOSEA 4:15

“Nang, Israel chu ka lakah zumhkâilo hen um menza khawmsele, chu thil lakah Juda tla chu sual rîlmâl lah seh. Gilgal mawh Bethel ah mawh Pathian sawnh hen chunahchun LALPA a nung mi min hen thu tiamh lah u.

MATHAI 10:16

“Ngâinik u, chingngia nâwngah dawrâ um hâwi hen ka nan fial na hi: chuvachun, rûl hâwi hen fing hen, vaṭhu hâwi hen pawi khawih lo hen um u.

EPHESI 5:15

Chun, mifinglo tla hâwi a um lo hen, mifing tla hâwi a um dauh hen, nan umdân ah a thiamthih u;

JOSUA 12:9

Hi bang khuapi ah mi lalchem tla hi Israel mi tla nih an neh na. Jeriko, Ai (Bethel kiangah mi),

JOSUA 18:12

Marlei kângah ramri chu Jordan Va thawk hen Jeriko Suk marlei kâng asi le, thlanglei kângah tlâng ram pal hen Bethaven ramkaro tiang asi.

JOSUA 2:1

Josua nih thlingthlâktu panih Akasia ah mi riakmun thawk hen a thup hen Kanaan ram ah mi Jeriko khua zauh ding hen a fial na. Khuapi ah an va lût le, nunau â zuar mi Rahab in ah, zân ah an riak.

JOSUA 7:3

An kal rawh chun Josua sinah an hawng kîr le, an hawng sim, “Ai khua chu âukhawm nih a rûn a herh lo, minung sâng nih mawh sâng thum cho fial ko. Kawrsen zawzawng fial lah na ko, khua lian chiam asi lo,” an ti.

1 SAMUEL 13:5

Philistia tla chu Israel tla do ding hen anna pûm le; râltuknâk kari sîng thum an nei, rang tlûn to mi sâng ruk an nei, kawrsen dang tla khawm chu tipi kapah sep zat hen an tam. Mikmas ah an va kal le, Bethavan saklei asi, chunah chun mun an khuar.

1 SAMUEL 14:23

Bethaven lanh tiang lampi tluan hen anna do le, chu ni ah chun LALPA nih Israel tla a hum na.

1 SAMUEL 30:27

Bethel ah um mi tla sinah, Judai simlei kâng ram ah um mi tla leh Jatir khua ah um mi tla,