JOSUA 7:12 - Bawm Common Language Bible Version

¹² Churuangah asi Israel tla nih an mêlma an neh lonâk san chu. Neh hen an um mi chu tuah anmah nih thil râwk ding mi lakah an mawh ruangah asi! Lâk lo ding ka ti mi thil kha nan veih lânlo chu nan sinah ka um ding asi lo.

JOSUA 7:12 ပူးပေါင်းရင်းမြစ်များ

SAM 44:10

Kan mêlma lakah na kan tektir le, kan thil neih chu anmah rangah anna lâk.

SAM 60:10

Na kan nawng tatak mi masi? Kan kawrsen tla sinah na kal bâk awtlo ma?

THUFING LASUIBU 28:1

Misual chu âukhawm nih ṭhâwl lo hen a tek. Sikhawmsele mi zumhkâi lam chu chakeibaknei hâwi hen a râl a ṭha.

ISAI 59:2

Nanmah sual ruangah an ngâi piak duh na lo mi asi. Sawnh ding nan awt liauah Pathian lakah mi an ṭhen natu chu nan sualnâk asi.

JEREMIA 23:33

LALPA nih ka sinah, “Jeremia, ka mi tla lakah minung pakhat nih mawh, khuavâng nih mawh bâwlpu nih mawh, ‘LALPA thuchah chu zei me si?’ ti hen a nan deih chun, ‘Nang hi LALPA lakah thilrit na si, a lakah mi a nan lawnh awt’ ti hen na simh ding asi.

JEREMIA 6:8

Jerusalem mi tla, hi bang nawknâk tla hi nan rangah simhkannâk si seh, chu hâwi asi lo chun ka nan kaltâk lai le; ramkaro âukhawm umlonâk hâwi hen na khuapi ka umtir awt,” a ti.

HOSEA 9:12

Fa ring menza na khawmsele ka lâk ving lai le, pakhat khawm nung hen ka siah na awtlo. Hi minung tla hi ka kaltâk na tikah chun, thil ṭihnungkâi an lakah a hawng tlung lai,” a ti.

HABAKUK 1:13

Sikhawmsele hi bang hâwi misual leh nehsawhtu tla hi zeitin na zuah kho na zia? Misual tla zauh ding hen chun na mit a thenhlimh tuk, mi nih thil diklo an ti mi khawm na zauh ziar kho lo. Churuang chun mi diklo nih mi dik rangah an veih liauah zeitin na dâisip zia?

NUMBER 14:39

Mosi nih LALPA thusim chu Israel tla a va simh na le, thungâi an lung a fâk.

NUMBER 14:42

Kal rîlmâl lah u, nan sinah LALPA a um awt lêm lo, nan mêlma tla nih an neh na lai.

NUMBER 14:43

Amalek mi leh Kanaan mi leiah nanna hawi chun tuknâk ah nan thi ding nget; LALPA chu zûl ding nan duh lo ruangah nan sinah a um awt lêm lo,” a ti.

NUMBER 14:45

Amalek mi leh Kanaan mi chu ram ah um mi nih chun an do na le, an neh na le, Hormah tiang hen an ṭhâwl na.

DEUTERONOMY 7:26

Chubang lem tla chu nan in sungkhur ah lûtpi lah u, chu hâwi asi lo chun an lakah siatnâk kha nan tlûnah a hawng tlung lai. Milem tla chu nan zauhnawmh hen hua ding asi, LALPA siatbarh mi an si ruangah.

JOSUA 6:18

Sikhawmsele, veih ding mi thil chu zeikhawm nan lâk ding asi lo; nan lâk chun Israel riakmun lakah râwknâk nan tlungtir mi asi lai.

LÂIRÊL 16:20

“Samson! Philistia mi tla an hawng,” ti hen a âu. A hawng thawk le, a lân hâwi hen sah hen suak kho ding a ruat. LALPA nih a kaltâk rawh ti a theih lo.

LÂIRÊL 2:14

Churawhchun, LALPA chu Israel tlûnah a thinthawk le, rûntu tla chu a dotir na hen a râwktir na. An kiangkam ah mi an mêlma zawzawng chu anmah ngâk hen thiltikho hen a siam na le, Israel tla chu anmah anna hum kho lo rawh.

LÂIRÊL 2:4

Hi hawi hen vânmifial nih a sim rawh chun an ektê hen an ṭap le,

1 SAMUEL 14:38

Churawhchun, Saul nih zapi ruitu tla sinah, “Hinah hawng u, tusûn ni ah hin zei sual me kan ti, hâwl nik u.