JOSUA 7:1 - Bawm Common Language Bible Version

¹ Israel tla sinah LALPA thupêk, Jeriko khua sungah mi thil zeikhawm râwk ding mi thil rerêng lâk lo ding ti hen LALPA thupêk chu an zûl lo. Mi pakhat Akan an ti mi nih thupêk chu a zûl lo. Churuangah LALPA thinthawknâk chu Israel tlûnah a hawng tlung. (Akan chu Karmi fapa, Jabdi tupa, Juda phun lakah mi Zerah thlâk asi.)

JOSUA 7:1 ပူးပေါင်းရင်းမြစ်များ

GENESIS 34:27

Chu an thah na nûnah Jakob fapa dang tla nih khua chu an va rawk le, an farnu thang an nawmh mi ruangah phû an lam:

2 SAMUEL 24:1

LALPA thinrunhnâk chu Israel tla tlûnah a um fâwn, an lawksawngtir ding hen David chu a mang. LALPA nih a sinah, “Kal le, Israel leh Juda mipi rêl rawh,” a ti.

2 Lal 5:24

Gehazi nih tangka sâwngkhâwi nih chu a lâk le, in sungah a lûtpi. Naaman to-aw tla chu a kîrtir na rawh.

1 CHRONICLES 21:7

Chu hâwi thilti chu Pathian nih a duhzia asi lo le, Israel tla chu a rêp na rawh.

2 CHRONICLES 24:18

Churawhchun, mi tla nih Biakin ah LALPA an thlâktu Pathian sawnh chu bâng hen milem leh pathiannu Aserah chu an sawnh rawh. An thilsual ti ruangah Pathian thinthawknâk chu Juda leh Jerusalem tlûnah a hawng tlung.

Ezra lasuibu 9:6

A sinah, “Pathian, na mâika ah ka lû tung ding khawm thungâi ka ningzak. Kan sualnâk chu kan dung ngâk sâng hen â pawng. Vân tawngh khet hen a sâng rawh.

JOB LASUIBU 35:8

Na sual ruangah tuartu leh na ṭhat ruangah ṭhat phahtu chu na hâwipa rang asi.

THUSIMTU 9:18

Finghnâk nih chun riamnâm ngâk hen thil ṭha a ti dauh le, sikhawmsele misual pakhat nih thil ṭha tam tak a râwk kho.

DANIAL 9:7

LALPA, nang lam chu thil dik na ti kumza le, sikhawmsele kannih chu kanmah karo ningzak kanna saih kumza. Na lakah kan diklo rawh ruangah, Israel tla ram nâi leh ram lât ah na rekrâwi tir mi zawzawng tla leh Judai ram leh Jerusalem ah um mi zawzawng tla chu kanna bang hep.

LEVITICUS 10:6

Churawhchun, Mosi nih Aron leh a fapa tla Eleazar leh Ithamar sinah, “Nan lungfâk ruangah nan nipuan thlêk lah ule, nan lû khawm thurhtir lah u. Chu hâwi nan ti chun nan thi lai le, zapi pumpi tlûnah LALPA a thinrun lai. Sikhawmsele LALPA mei thlâk nih a thah na mi asi ruangah nan unau Israel tla lam chu an lungfâk siang asi.

JONA 1:7

Churawhchun, lawng dawngpu tla chu thu anna ruah tawnh le, “Hi ṭihnungkâi umtirtu theih ding hen chamchawhnâk kan siam lai,” an ti. Chu hâwi hen an ti le, Jona tlûnah a tlâ.

JOSUA 22:16

LALPA mi zawzawng ruangrûl ah an sinah thu an va sim. “Zei zia, Israel Pathian duh lo zia thilsual nan ti zia? Nanmah nih mâichâm nan siam mi hi LALPA lakah nan hel mi asi, amah chu nan zûl lo rawh ma hi!

JOSUA 22:18

Tuhin LALPA chu nan zûl duh awtlo rawh mi masi? Tusûn ni hin LALPA lakah nan hel mi asi chun, thâituan ah Israel mikip lakah a thinthawk lai.

JOSUA 22:20

Zerah fapa Akan nih thu ngâi duh lo hen râwk dep ding mi thil a veih lo ruangah Israel tla rêp an si; amah Akan sual ruangah amah cho mazei a thi,” an ti.