JOSUA 6:6 - Bawm Common Language Bible Version

⁶ Josua nih bâwlpu tla a kawh na le, an sinah, “Kha Thudântuk Bâwm kha lâk ule, minung pasarih a mâilei ah kal ule, tâwtawrâwt put chiau u,” a ti.

JOSUA 6:6 ပူးပေါင်းရင်းမြစ်များ

EXODUS 25:14

khatlei khatlei sîr vevê ah mi a nâ lakah lan dak hen sawh.

THILTI 9:1

Sawl lam nih chun Lalpa ṭhiruai tla a ṭhih mi leh thah a tum mi thu a sim nget rih le, Bâwlpu Lalchem sinah a kal.

JOSUA 24:11

Jordan Va nan kanh le, Jeriko nan hawng tleng. Jeriko mi tla nih Amor mi, Periz mi, Kanaan mi, Hit mi, Girgasit mi, Hiv mi leh Jebus mi tla hâwi hen an do na. Chubang tla lakah nehtu ah kan siam na.

JOSUA 3:3

“Bâwlpu tla nih LALPA nan Pathian Thudântuk Bâwm an zawnh mi nan muh tikah chun riaknâk mun tla siat ule, zûl na u.

JOSUA 3:6

Churawhchun, bâwlpu tla chu thudântuk Bâwm put hen zapi mâilei ah kal ding hen a simh na le, a simh na mi hâwi hen an kal rawh.

JOSUA 6:5

A hâu chu hâu khat hâwi hen a rual hen sâwt vat tum ding asi. Chu rihâu chu nan theih ka hen mi zawzawng hâu fâk tak hen âu ding asi. Churawhchun, khuapi kulh chu a chim ko lai rawh. Churawhchun, kawrsen zawzawng nih ding zar hen khuapi lei chu fûk chawlh ding asi,” a ti.

JOSUA 6:7

Churawhchun, a minung tla chu khuapi hêl ding hen thu a pêk na rawh, LALPA Thudântuk Bâwm mâilei ah kaltu ding mi tla hen.

JOSUA 6:8

Churawhchun, Josua nih thu a pêk na mi hâwi hen bâwlpu tla chu mâilei ah tâwtawrâwt tum hen an kal le, chu dunglei ah chun Thudântuk Bâwm zawnhtu bâwlpu tla an kal, vêngtu kawrsen tla nih an zûl na. Chat lo hen tâwtawrâwt chu an tum kumza.

1 SAMUEL 4:3

A thibang tla an mun ah an hawng kîr nawlh rawh chun Israel ruitu tla nih, “Zei rangah tusûn ni ah LALPA nih kanmah nehtu ding hen Philistia mi tla a siam na zia? Siloh ah mi LALPA Thudântuk Bâwm kan va lâk lai, chu tikah kan sinah a hawng bâk lai le, kan mêlma lakah hawng kan suah kho ding hen,” an ti.