JOSUA 6:4 - Bawm Common Language Bible Version

⁴ Bâwlpu pasarih tla chu tâwtawrâwt put chiau hen Thudântuk Bâwm mâilei ah an kal ding asi. A ni sarih ni ah chun nang leh na kawrsen tla chu a vei sarihnâk ah khuapi chu nan hêl lai le, chu liauah chun bâwlpu tla nih chun tâwtawrâwt an tum lai.

JOSUA 6:4 ပူးပေါင်းရင်းမြစ်များ

GENESIS 2:3

A ni sarihnâk ni chu mal a sâwm le, chu ni ah chun a thilsiam chu a lîm rawh ruangah leh rianṭuan a dinhtâk ruangah a bîk hâwi hen a dangtê hen a thlei rawh.

1 Lal 18:43

a to-awpa rangah, “Kal le, tipi leikâng khi va zauhnik,” a ti. A to-aw chu a va kal le, a hawng kîr nawlh le, “Zeikhawm ka muh lo,” a ti. Chu hâwi va zauh ding hen Elija nih vei sarih a fial.

2 Lal 5:10

Elisa nih a to-aw sinah, “Va suak le, Naaman sinah, Jordan Va ah vei sarih tak va khawlh sele a dam ko lai a nan ti,” ti hen a simh.

2 Lal 5:14

Churawhchun, Jordan Va ah a va kal le, vei sarih a va a nîm le, Elisa nih a sim mi hâwitê hen a phâr chu a dam ziar. A vun tla chu a hawng a remh le, ngâksia vun hâwitê hen a no.

2 CHRONICLES 13:12

Pathian tak chu hawng kan ruitu asi le, a bâwlpu tla khawm hinah kan sinah tâwtawrâwt hen an um le, nanmah do ding hen râltuk ding ah kawhnâk tum ding hen râlring zet hen an um. Israel mi tla, nan thlâktu tla LALPA Pathian chu do lah u! Nan neh ṭung lai lo!” a ti na.

2 CHRONICLES 20:17

Râltuknâk hi nannih nih do lo hen nan um mun ah ngâk ko u. LALPA nih nehnâk an pêk na ding mi chu nan muh lai. Nannih Jerusalem leh Juda ah mi minung tla, dâwk lah ule, ṭih lah u. Râltuk ding hen kal ule, nan sinah LALPA a um lai!” a ti.

2 CHRONICLES 20:19

Levi chi Kohat leh Korah thlâk chu an dîr le, LALPA Israel Pathian chu âu bû hen an chawnglawmh.

2 CHRONICLES 20:21

Chu hâwi hen zapi tla krai a pêk thluh na rawh chun lasaktu murui chu ni thenhlimh ah anna aih mi thuam tla aih hen, “LALPA dâwtnâk chu zungzâl asi! Amah chu sawr hen um seh,” ti la sak bû hen kawrsen tla mâilei ah kal ding hen thu a pêk na.

JOB LASUIBU 42:8

Tuah nanmah rang ding ah chawchal pasarih leh dawrâ chal pasarih Job sinah kalpi ule, bâwlnâk rangah ap u. Job nih thla an cham piak na lai le, kei nih a thlachamnâk ka sâng lai le, nan ti mi hâwi hen nan rangah ningzak a kâi lai loh. Anih nih a ti mi hâwi hen ka thu hi dik hen nan sim lo,” a ti.

ISAI 27:13

Chu ni chu a hawng tlung tik chun, Asiria leh Aigupta ah Israel mi tla sal ah tâng hen um mi ruangah kîr ding hen kawhnâk tâwtawrâwt an tum lai. An hawng lai le, LALPA chu Jerusalem ah mi a tlâng thenhlimh ah an sawnh lai rawh.

LEVITICUS 14:16

a vawrhlei kutdawng a nîm lai le, LALPA umnâk chu vei sarih a theh lai.

LEVITICUS 4:6

A kutdawng chu thisen lakah a nîm lai le, puanzar mâika ah vei sarih a theh lai.

ZEKARIA 4:2

“Zei na muh?” ti hen hawng ka deih. Kei nih ka sâng le, “Khâwnvâr ngûn hen siam mi, a pâr ah a hâng siahnâk khêng um mi, khâwnvâr pasarih a mun pasarih seng siah mi,

ZEKARIA 4:6

Chu vânmifial nih chun Zerubabel sinah Lalpa thu va sim ding hen hawng ka simh: “Kawrsen chaknâk leh nangmah chaknâk chu silo hen, keimah thlarau chaknâk hen asi dauh lai.

NUMBER 23:1

Balak sinah, “Hinah hin mâichâm pasarih hawng ka siam piak le, chawchal pasarih leh dawrâ chal pasarih hawng put,” a ti.

JOSUA 6:3

Nang leh na kawrsen tla nih ni khat ah veikhat vima hen ni ruk tiang nan hêl vima ding asi.

JOSUA 6:5

A hâu chu hâu khat hâwi hen a rual hen sâwt vat tum ding asi. Chu rihâu chu nan theih ka hen mi zawzawng hâu fâk tak hen âu ding asi. Churawhchun, khuapi kulh chu a chim ko lai rawh. Churawhchun, kawrsen zawzawng nih ding zar hen khuapi lei chu fûk chawlh ding asi,” a ti.

THUPHUANG 1:20

ka kut vawrhlei ârfi pasarih tla leh ngûn meichêu siahnâk pasarih na muh mi thuthup chu; ârfi pasarih tla chu kawhmi pasarih vânmifial tla an si, meichêu pasarih chu kawhmi pasarih tla chu an si.

THUPHUANG 1:4

Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,

THUPHUANG 10:3

chun, chakeibaknei hûk hâwi hen hâu fâk tak hen a hûk rawh, chun a hûk dih rawh chun (chu mi rual hen khuarît hâu pasarih nih a zulh) khuarît pasarih tla nih a aw-hâu chu an sang bâk rawh.

THUPHUANG 15:1

Chun vân ah chun singsiahnâk dang rokual tak leh chê tak ka muh le, vânmifial pasarih, rêpnâk pasarih puttu tla chu, chu chu rêpnâk madung chem chu asi, chu ri rawh chun Pathian thinthawknâk chu a dawng rawh.

THUPHUANG 15:7

Chun, thilnung pali lakah pakhat nih chun, vânmifial pasarih tla sinah, zungzâl hen a nung kumza mi Pathian thinthawknâk hen a khat mi ngûn berhbu pasarih a pêk na.

THUPHUANG 16:1

Chun, Pathian biakin thawk hen hâu fâk tak hen vânmifial pasarih tla sinah, “Kal ule, Pathian thinthawknâk berhbu tla chu tual ah thlêt u,” a ti mi ka theih.

THUPHUANG 5:1

Chun, laltophah ah a to mi kut vawrhlei ah chun lasuibuzual, sunglei leh lênglei hen â rîn mi, singsiahnâk pasarih hen singsiah thlir mi chu ka muh.

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.

THUPHUANG 8:2

Chun, Pathian mâika ah vânmifial pasarih an dîr mi ka muh le, an sinah chun tâwtawrâwt pasarih an pêk na.

THUPHUANG 8:6

Chun, vânmifial pasarih tâwtawrâwt pasarih puttu tla chu tum ding hen anna timhtuah rawh.