JOSUA 6:27 - Bawm Common Language Bible Version

²⁷ Churawhchun, LALPA chu Josua sinah a um le, chun ram pumpi ah a min a thang rawh.

JOSUA 6:27 ပူးပေါင်းရင်းမြစ်များ

GENESIS 39:21

LALPA chu Josef sinah a um le, mal a sâwm; churawhchun rêngtlâk vêngtu nih a lawmh thlo.

2 SAMUEL 7:9

Na kalnâk zawng ah na sinah ka um le, na mêlma zawzawng tla ka nan nehtir. Laikulh ah mi minthang ruitu rokual chem ah ka nan siam awt.

1 CHRONICLES 14:17

Ram kip ah David chu a min a thang le, LALPA nih phun zawzawng amah a ṭihtir na.

ESTHER 9:4

Ram pumpi mi nih Mordekai chu lal in ah mi thiltikho tak leh thuneihnâk sâng tak neitu asi ti an theih hep.

MATHAI 14:1

Chu liau chir chun lal Herod nih Jisu thâwngthâng chu a theih le,

MATHAI 18:20

Minung panih mawh pathum mawh ka min hen anna pûmnâk zawng ah an lakah ka um tâwn,” a ti.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

MATHAI 4:24

Chun, Siria ram zawzawngah a thâwng a thang le, chun mi damlo zawzawng damlonâk leh nganfâknâk kip tuar tla, khuri vawnh tla, rualthlû tla, mi khêng tla a sinah an hawng put le, a damh ver na.

2 KORIN 13:14

Lalpa Jisu Krist zângfahnâk leh Pathian zângfahnâk leh Thlarau Thenhlimh kawmhnâk chu nan ektê sinah um seh.

DEUTERONOMY 31:6

Zumh thlir le, tum thlir. Annih tla chu ṭih na lah u. Nan Pathian, LALPA amah tak chu nan sinah a um lai. A nan thlahthlamh hen a nan kaltâk na lai lo,” a ti.

2 TIMOTHE 4:17

Thâwngthâng Ṭha keimah ruangah simh chiau hen a um khonâk ding hen, Phundang tla zawng nih an theih khonâk ding hen, Lalpa nih chun a ka ṭanh le, a ka chaktir lehlam asi; chun chakeibaknei kâ ah mi kha suah hen ka um rawh asi.

2 TIMOTHE 4:22

Lalpa chu na thlarau sinah um seh. Pathian Zângfahnâk nan sinah um seh.

JOSUA 1:5

Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

JOSUA 9:1

Israel tla nih nehnâk anna ting mi chu Jordan thlanglei mi lalchem zawzawng tlângah mi, Mediteranian Tipi phâi ah mi zawzawng, Lebanon tlâng marlei tiang hen an theih ver. Hi bang Lalchem tla hi Hit mi lalchem tla, Amor mi lalchem tla, Kanaan mi lalchem tla, Periz mi lalchem tla, Hiv mi lalchem tla leh Jebus mi lalchem tla an si.

JOSUA 9:3

Sikhawmsele, Gibeon mi tla chu Hiv mi an si le, Josua nih Ai leh Jeriko ah an thilti an theih le,

JOSUA 9:9

Churawhchun, hi thu hi an simh, “Ram lât tak thawk hen hawng mi kan si Pu, LALPA na Pathian thâwngthâng kan theih ruangah hawng mi kan si. Aigupta ram ah a thilti tla kan theih le,

1 SAMUEL 18:14

LALPA chu a sinah a um ruangah a ti mi zawng chu a dingchang vima.

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.