JOSUA 6:26 - Bawm Common Language Bible Version

²⁶ Chu liau chun Josua nih fawrhnâk thu a sim le: “Âuzawng Jeriko khua sak nawlh ding tumtu chu LALPA siatbarh hen um seh! Âuzawng nih a lungphûm phûmtu chu a fapa upachem nih tlâu tâk seh. Âuzawng a kulh kawtkâ siamtu nih chun a fapa a tlum chem mi nih tlâu tâk seh,” a ti.

JOSUA 6:26 ပူးပေါင်းရင်းမြစ်များ

1 Lal 16:34

A lal liauah Bethel ah mi Hiel nih Jeriko khua a tharh nawlh. LALPA nih Nun fapa Josua a simkanhtir rawh hâwi hen Hiel nih Jeriko lungphûm a dirh liauah a fapa upachem Abiram nih a thih tâk le, a kulh kawtkâ a siam liauah a fapa ngâksia chem mi Segub nih a thih tâk.

1 Lal 22:16

Sikhawmsele, Ahab nih, “LALPA min hen ka sinah thu na sim mi chu thudik sim rawh, vei zeizat ka nan ti awt?” a ti.

2 Lal 2:4

Churawhchun, Elija nih Elisa sinah, “Tuah hinah um le, LALPA nih Jeriko ah kal ding hen hawng ka fial,” a ti. Sikhawmsele, Elisa nih, “LALPA, a nung mi lakah zumhkâi tak hen ka um mi min hen na sinah thu ka sim asi, ka nan kaltâk lai loh,” a ti. Churawhchun, Jeriko ah an va kal.

MALAKI 1:4

Esau thlâk tla, Edom mi tla nih chun, “Kan khuapi tla chu râwk hen um khawmsele, kan dirh nawlh lai le, LALPA nih a hawng kan sâng nawlh lai,” an ti le, sikhawmsele LALPA nih, ‘Sak nawlh na ko seh, ka siat nawlh awt nget,’ a ti. Mi nih ‘Sualnâk ram leh LALPA thinrun kumzanâk phun,’ an ti lai.

MATHAI 26:63

Jisu lam chu a dâisip. Chun, Bâwlpu Lalchem nih chun a sinah, “Pathian nung min hen ka nan fâi. Mesia, Pathian Fapa chu na si ma? Hawng kan simh,” a ti.

THILTI 19:13

Chun, dâwi mang hen a zî lemang mi Juda âumawh, “Pawl nih a thu a phuang tâwn mi Jisu min hen ka nan fâi asi,” ti hen khuri nei tla tlûnah Lalpa Jisu min an lam nget tâwn.

JOSUA 16:7

Janoah thawk hen a um le, Atarot leh Naarah, Jeriko a va phanh le, Jordan ah a dawng.