JOSUA 6:22 - Bawm Common Language Bible Version

²² Chun, Josua nih thlingthlâktu panih sinah chun, “Nunau â zuar mi in ah va kal ule, thu nan tiamh mi hâwi hen amah leh a dâwngsung tla hinah hawngpi na u,” a ti.

JOSUA 6:22 ပူးပေါင်းရင်းမြစ်များ

2 SAMUEL 21:2

(Gibeon mi chu Israel tla an si lo, Amor murui mêtê, Israel tla nih hum ding hen anna tiam mi asi. Sikhawmsele Saul nih Israel leh Juda tla rangah a ṭhanemsemsê ngâi ruangah râwk a tum na.)

2 SAMUEL 21:7

Sikhawmsele, amah leh Jonathan nih thutiamnak bir tak a nei ruangah David nih Jonathan fapa Mephiboset, Saul tupa chu a nungnâk a zuah asi.

SAM 15:4

Pathian duhlotu tla chu a zauhnawmh le, LALPA lakah ê-aw ngâitu chu a sunhsak. Thu a pêk mi zawng chu a ti kumza le, Zeizat tal sikhawmsele pawi a ti lo.

EZEKIEL 17:13

Lal dâwngsung lakah mi pakhat chu thutiamnâk a neipi le, zumhkâi tak a um ding hen thu a tiamhtir.

EZEKIEL 17:16

LALPA Zahkâi nih, “Kei, Pathian nung kasi kar vial chu, lal ah siamtu Babulon lalchem sinah thu a tiam mi leh a siat tleih a buar ruangah hi lalchem hi Babulon ram ah a thi lai.

HEBRAI 11:31

Lungnâk hen Rahab â zuar mi nu kha lunglo tla lakah thah bâk asi lo le, thlingthlâktu tla a lawmh na ruangah.

JOSUA 6:17

Khuapi leh a sungah mi thil zeizawng LALPA rangah bâwlnâk ding hen veih hep ding asi. Rahab â zuar mi nunau leh a dâwngsungkhur tla cho zuah ding asi, anih nih kan lakah thlingthlâktu tla a thuh na ruangah.

JOSUA 6:23

Churawhchun, an va kal le, Rahab chu a nu leh a pa hen, a unau tla leh a dâwngsungkhur zawzawng an kalpi rawh. An dâwngsungkhur leh an to-aw tla leh an sal tla, Israel riakmun ah him tak hen an kalpi na.

JOSUA 9:15

Josua nih Gibeon mi tla hen hâwikawmh siding hen remnâk a siam le, um ding a siang piak na. Israel ruitu murui tla nih thutiamnâk bir tak nei hen remnâk an siam.

LÂIRÊL 1:25

Churawhchun, a simh na le, Efraim leh Manaseh mi tla nih chun khuapi sungah mikip, chu minung leh a dâwngsung cho lo chu an thah ver na.