JOSUA 6:18 - Bawm Common Language Bible Version

¹⁸ Sikhawmsele, veih ding mi thil chu zeikhawm nan lâk ding asi lo; nan lâk chun Israel riakmun lakah râwknâk nan tlungtir mi asi lai.

JOSUA 6:18 ပူးပေါင်းရင်းမြစ်များ

2 SAMUEL 21:1

David a lal liauah pâm fâk tak kum thum kar chu an tuar. Churuangah David nih LALPA a râwn, churawhchun LALPA nih, “Saul leh a dâwngsung tla chu mi thah hen an sual, Gibeon mipi tla khawm a thah.

THUSIMTU 9:18

Finghnâk nih chun riamnâm ngâk hen thil ṭha a ti dauh le, sikhawmsele misual pakhat nih thil ṭha tam tak a râwk kho.

JONA 1:12

Jona nih a sâng le, “Tipi ah hawng ka lawnh ule, a reh ko lai, hi thli ṭihnungkâi nan tawng mi hi keimah sual ruangah asi ti ka theih,” a ti.

ROM 12:9

Dâwtnâk chu perpetnâk tel lo hen si seh. Sual lei chu hua ule, ṭhat lei chu tleih thlir u.

2 KORIN 6:17

Churuangah, Pathian nih chun, “An lakah mi hawng suak ule, a dang hen um u. Thil nâwmtâm rerêng khawm tawngh lah u; churawhchun ka nan lawmh na lai.

EPHESI 5:11

Chun, mûi thilti rah dahlo lakah chun telnâk rerêng nei lah u, tel ngâk hen an mawh zia theihtir dauh na u;

DEUTERONOMY 13:17

Zei thil tal rawk ding hen nawmh asi mi chu mah rangah kil lah u, chu tikah LALPA nih a thinthawknâk a lêt lai le, nan lakah khua a ruat lai. A nan thlâk natu tla sinah thu a tiamh mi hâwi hen nan lakah khua a ruat lai le, a nan puatir na lai.

DEUTERONOMY 23:10

Mi zân ah a mang asia hen a siaṭha lakah mipa chi a suak hen a nâwm chun riakmun lêngah a va suak lai le, chunah chun a va um ding asi.

DEUTERONOMY 7:26

Chubang lem tla chu nan in sungkhur ah lûtpi lah u, chu hâwi asi lo chun an lakah siatnâk kha nan tlûnah a hawng tlung lai. Milem tla chu nan zauhnawmh hen hua ding asi, LALPA siatbarh mi an si ruangah.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.

JOSUA 7:1

Israel tla sinah LALPA thupêk, Jeriko khua sungah mi thil zeikhawm râwk ding mi thil rerêng lâk lo ding ti hen LALPA thupêk chu an zûl lo. Mi pakhat Akan an ti mi nih thupêk chu a zûl lo. Churuangah LALPA thinthawknâk chu Israel tlûnah a hawng tlung. (Akan chu Karmi fapa, Jabdi tupa, Juda phun lakah mi Zerah thlâk asi.)

JOSUA 7:13

Thawk! A thenhlimh ule, ka mâika ah hawng ding a tîm u. Thâituan rangah a tîm zet ule, Kei, Israel LALPA leh Pathian nih hi thu hi ka sim awt ruangah: ‘Israel, na neih lakah veih ding mi, ka ti mi thil zeimawh na siah asi! Chubang thil lakah na thliar lânlo chu na mêlma na neh kho lai lo!’

JOSUA 7:15

Ka thur na mi zawng thil-le-rî ah mawh hen a lang mi chu mei ah duah an si lai, a dâwngsung leh a thil neih hen Israel lakah thil ṭihnungkâi a hawng tlungtir hen LALPA Thudântuk a buar mi ruangah,” a ti.

JOSUA 7:25

Josua nih, “Zei rangah kan lakah nawknâk na siam? LALPA nih na tlûnah nawknâk a hawng tlungtir bâk lai!” a ti. Churawhchun, mi zapi tla nih Akan chu lung hen thi thlo an seh; a dâwngsung tla khawm chu hâwi hen lung hen an seh na le, a neih zawzawng khawm an duah hep.

1 JOHAN 5:21

Ka fa le tla, pathian diklo tla lakah a dang hen a thlei u.

1 SAMUEL 15:9

Sikhawmsele, Saul leh a mi tla nih Agag nungnâk chu an zuah le, dawrâ rual lakah a ṭha chem mi tla leh ranrual lakah a ṭha chem mi tla, chawlâ leh dawrâ fa tla, a ṭha ṭha mi tla, thil dang a ṭha ṭha mi tla an zuah, mang tlâklo leh dodar lo mi cho an râwk.