JOSUA 6:17 - Bawm Common Language Bible Version

¹⁷ Khuapi leh a sungah mi thil zeizawng LALPA rangah bâwlnâk ding hen veih hep ding asi. Rahab â zuar mi nunau leh a dâwngsungkhur tla cho zuah ding asi, anih nih kan lakah thlingthlâktu tla a thuh na ruangah.

JOSUA 6:17 ပူးပေါင်းရင်းမြစ်များ

GENESIS 12:3

Mal a nan sâwmtu chu mal ka sâwm lai, sikhawmsele siat an barhtu chu siat ka barh lai. Chun nangmah ruangah phun zawzawng mal ka sâwm lai,” a ti

Ezra lasuibu 10:8

Âuzawng chu ni thum karah kal lotu chu a thilneih rêng piak hen zapi lakah tel khonâk a nei lo rawh.

ISAI 34:6

A nâmsâu chu bâwlnâk dawrâ leh kêl thisen leh thâu â buaih mi hâwi hen an thisen leh an thâu â buaih lai. LALPA nih hi bâwlnâk hi Bozrah khuapi ah a ap lai le; hi thahnâk rokual tak hi Edom ram ah a umtir awt.

JEREMIA 46:10

Tusûn ni hi LALPA, Zeizawng tikho zahkâi tak ni chu asi: Tusûn ah phû a lam lai le, tusûn ah a mêlma tla a rêp na lai. A nâmsâu nih a khim pang tiang a ei na lai, an thî tla chu a khawp pang tiang hen a din lai. Tusûn hin Zeizawng tikho nih a mi thah tla chu marlei kângah Eufretis kiangah bâwlnâk ah a mang lai.

EZEKIEL 39:17

LALPA Zahkâi nih ka sinah, “Thikho mi minung, bâwlnâk an rangah ka timhtuah mi ei ding hen va zawzawng leh ramsa tla a kiangkam ah mi hawng ding hen kawh na. Israel tlâng tlûnah sa an einâk leh thisen an dinnâk puai rokual tak asi lai.

LEVITICUS 27:21

A kum vei Rulh Nawlh Kum ah phâisen chu LALPA tâ asi pawt lai le, bâwlpu tla vo asi lai.

MIKAH 4:13

LALPA nih, “Jerusalem mi tla, kal ule, nan mêlma tla va rêp na u! Chawchal a kî thîr, a tin dâr nei a chak mi hâwi hen ka nan siam lai. Phun tam tak na veih na lai le, mi leh tuknâk ruangah neih leh siah anna ting mi chu laikulh pumpi LALPA, Keimah sinah na hawng pêk lai,” a ti.

MATHAI 25:40

Chun, Lalchem nih chun an sinah, ‘Thungâi tak hen ka nan simh na, hi bang ka unau mê chem mi tla lakah pakhat tlûnah nan ti mi chu ka tlûnah ti nan si, ti hen,’ a sâng na lai.

1 KORIN 16:22

Âuzawng nih Lalpa a dâwt lo chun siatphurh hen um seh! Maranatha- Kan Lalpa chu a hawng kal hi!

1 KORIN 2:7

Pathian finghnâk thuthup chu ka sim dauh tâwn asi, finghnâk â thup mi, kan rokualnâk ding ah Pathian nih laikulh um lânah a ruatkan rawh mi chu.

GALATIA 3:10

Dân thilti a um mi vial tla chu siatbarh hen an um ruangah, “Dân lasuibu ah thurîn zawzawng hâwi hen ti ding a um lotu zawzawng chu siatbarh hen um seh,!” ti hen Pathian lasui thu nih a sim ruangah.

GALATIA 3:12

Chun, Dân chu lungnâk ah mi asi lo, “Chu hâwi a titu chu, chu lakah chun a nung lai,” ti asi dauh.

DEUTERONOMY 20:17

Hit mi tla, Amor mi tla, Kanaan mi tla leh Periz mi tla, Hiv mi tla, Jebus mi tla chu LALPA nih thu a nan pêk na mi hâwi hen thah hep na u.

HEBRAI 11:31

Lungnâk hen Rahab â zuar mi nu kha lunglo tla lakah thah bâk asi lo le, thlingthlâktu tla a lawmh na ruangah.

HEBRAI 6:10

Tu ah nan ti liau hâwi hen, Kristian unau tla sinah Pathian min hen dâwtnâk ruangah nan ti mi leh nan ṭangpi na nâk tla chu philh ding hen Pathian chu mi replo asi loh.

JEM 2:25

Chu hâwi ber hen, Rahab â zuar mi nunau khawm nih khan, Israel mifial tla a lawmh na le, lampi dang lei hen a tlungtir na liau khan thilti ruangah mawh lo hen a um asi lo mazei?

JOSUA 2:1

Josua nih thlingthlâktu panih Akasia ah mi riakmun thawk hen a thup hen Kanaan ram ah mi Jeriko khua zauh ding hen a fial na. Khuapi ah an va lût le, nunau â zuar mi Rahab in ah, zân ah an riak.

JOSUA 2:22

Chu thlingthlâktu tla chu tlâng leiah an va kal le, anna thup rawh. Lalchem minung tla nih tlâng kiangkam ah nithum an hâwl na le, khawmsele an tawng na lo. Churawhchun, Jeriko leiah an kîr rawh.

JOSUA 7:1

Israel tla sinah LALPA thupêk, Jeriko khua sungah mi thil zeikhawm râwk ding mi thil rerêng lâk lo ding ti hen LALPA thupêk chu an zûl lo. Mi pakhat Akan an ti mi nih thupêk chu a zûl lo. Churuangah LALPA thinthawknâk chu Israel tlûnah a hawng tlung. (Akan chu Karmi fapa, Jabdi tupa, Juda phun lakah mi Zerah thlâk asi.)

1 SAMUEL 15:3

Kal le, Amalek mi tla chu do na le, an neih zawzawng râwk piak phin na. Zei thil khawm zuah lah le, mipa tla, nunau tla, ngâksia tla, fasêm tla, ranrual tla, sangâwngsâu tla, sanatung tla an ektê hen thah hep na,” a ti.

1 SAMUEL 15:6

Aigupta thawk hen thlaktu tla an hawng suak liauah Kenit mi tla chu zangfahtu an si ruangah Saul nih thu a simhkan na: “Ka nan thah sih na lonâk ding hen, Amelek mi tla sinah mi a dang hen a thlei u,” a ti.