JOSUA 5:2 - Bawm Common Language Bible Version

² Churawhchun, LALPA nih Josua chu a simh le, “Lung hen nâmtê siam le, Israel fa tla fêm tan na,” a ti.

JOSUA 5:2 ပူးပေါင်းရင်းမြစ်များ

EXODUS 4:25

A nupi Zipporah nih lung a hâr siar mi a lâk le, a fapa fêm a tan piak le, chu hen chun Mosi kê a va tawngh. Zipporah nih, “Kei rangah chun fêmtan ruangah thisen suahtu pasal na si,” a ti. Churuang chun LALPA nih Mosi nungnâk a zuah.

ROM 2:29

Khawmsele, a lêngpuan si lo hen Juda mi si chu Juda mi tak asi. Chun, fêmtan tak chu thinlung leikângah tan asi, lasui thu ah ko si lo hen thlarau ah asi; chu lakah chun minung sawr a lawh lo le, Pathian sawr an lawh dauh asi.

ROM 4:11

Chun, fêmtan lo hen a um liauah lungnâk ah repnâk a tawng ti theihnâk fêmtan singsiahnâk chu â ting le, chu repnâk chu an rangah ruat a sinâk ding hen fêmtan lo tla lakah lungtu zawzawng thlarau pa asi khonâk ding hen.

DEUTERONOMY 10:16

Churuangah chun LALPA thu ngâi ule, nan lung khungtir lah u rawh.

DEUTERONOMY 30:6

LALPA nan Pathian nih nanmah leh nan thlâk tla rangah ê-aw ngâinâk thinlung a nan pêk na lai le, churawhchun nan thinlung zawzawng hen amah nan dâwt lai le, chu ram ah chun nan um kumza lai.

KOLOSA 2:11

Krist fêmtannâk ah chun taksa tîttak lît ver hen amah lak ber ah kut a fêmtan silo hen fêmtan nan si kha;

JOSUA 5:3

Josua nih LALPA thupêk hâwi hen a ti le, Israel tla chu Fêmtannâk Tlâng (Gibeat haaralot) an ti mi ah fêm a tan na.