JOSUA 5:14 - Bawm Common Language Bible Version

¹⁴ “Zei leikâng mi khawm ka silo,” ti hen chu minung nih a sâng. “Kei chu hinah LALPA kawrsen tla thupêktu ah um mi kasi,” a ti. Josua chu a mâika ah a bawkbukhup le, a mâimûk le, a sinah, “Pu, na to-aw kasi, zei ti ding na ka duh?” a ti.

JOSUA 5:14 ပူးပေါင်းရင်းမြစ်များ

GENESIS 17:17

Abraham chu a mêl tual tawngh khet hen a kûn le, a dawn dudup le, a nih a suak, “Mi kum zâ a tling nûnah fa nei kho asi awt ma le? Sari hi kum sâwmkua asi mi nih fa a nei kho awt ma?” a ti.

GENESIS 17:3

Abram chu tual tawngh khet hen a kûn; chun,

2 SAMUEL 7:19

Sikhawmsele, na thilti hi ruat ngâk hen a tam. LALPA zahkâi, tik a hawng um ding mi lakah thlâk tla hawng ka neitir ding hen thu na tiam. LALPA, zahkâi, chubang chu minung rangah na muhtir!

2 SAMUEL 7:20

Na sinah thusim ding dang zei me ka nei lai rawh! Na to-aw chu na ka theih asi.

SAM 110:1

LALPA nih chun lalchem ka lal sinah, “Na mêlma na kezahphah tangah ka siah lânlo chu ka vawrhlei ah hin to rawh.

SAM 24:10

Lal rokual hi âu mesi? Nehtu LALPA, amah chu Lal rokual tak chu asi!

EXODUS 4:10

Sikhawmsele, Mosi nih, “Silo, LALPA, hawng ka fial lah. Thusim thiam mi ka silo, na hawng ka sawnhnâk thawk hen khawm mi hawlh ring thiam ka silo. Mi hawlh ring thiamlo tak kasi, ka hawlh a fûm hen ka hawlh a hak,” a ti.

EXODUS 4:13

Sikhawmsele, Mosi nih a sâng le, “Silo, LALPA, zângfahtê hen midang âumawh fial râu rawh,” a ti.

ISAI 55:4

Anih chu phun tla lakah ruitu ah leh thupêktu ah ka siam le, amah mang hen ka thiltikhonâk ka langh.

ISAI 6:8

Churawhchun, Lalpa thusim ka theih, “Âu me ka fial lai? Kan mifial chu âu asi awt?” a ti. Kei nih ka sâng le, “Keimah ka kal lai! Hawng ka fial rawh!” ka ti.

EZEKIEL 3:23

Churawhchun, ka suak le, tivakuam ah ka va kal le, Kebar tiva kapah ka muh mi hâwitê hen LALPA rokualnâk chunah chun ka muh.

DANIAL 10:13

Persia ram vêngtu vânmifial nih ni kul leh ni khat kar hawng ka do, churawhchun Persia ram ah keimah lâwng siah hen ka um ruangah vânmifial lakah a lianchem mi Mikael keimah ṭangpi ding hen a hawng.

DANIAL 12:1

Puan nêm aih mi vânmifial nih, “Chu tik chun na mi tla vêngtu vânmifial rokual tak Mikael a hawng lang lai. Churawhchun, lawksawngnâk tik a hawng um lai le, phun tla a hawng um dawmhnâk hen a fâk chem mi asi. Chun hun chu a hawng tlung tik chun na mi tla Pathian lasuibu lakah an min rîn hen a um mi vial an him lai.

DANIAL 8:11

Vân kawrsen hotu men a zuam le, nisiar hen a sinah bâwlnâk ap mi tla a khap hen Biakin a nawmh.

LEVITICUS 9:24

Lâkkhat ko ah LALPA nih mei a hawng thlâk le, mâichâm tlûnah duahphung thil ap leh a thâu chu a kâng hep. Chu chu zapi tla nih an muh le, an ektê hen an âu le, tual leiah an buk hep.

NUMBER 16:22

Sikhawmsele Mosi leh Aron chu an mêl tual lei hawih hen an kûn le, “Pathian, nang chu nungnâk bul zawzawng na si. Minung pakhat sual ruangah zapi minung tlûnah na rothawk na maw?” an ti.

NUMBER 16:45

“Hi minung tla sinah mi hi dunglei kângah a ṭhial u, kha munah khan ka veih na awt asi!” a ti. An lakah minung panih chu tual leiah an buk le,

NUMBER 22:31

Churawhchun, LALPA nih Balaam chu vânmifial nâmsâu put bû hen a dîr mi a muhtir le; churawhchun Balaam chu tual lei hawi hen a kûn rawh.

MATHAI 22:44

‘LALPA nih chun ka Lalpa sinah, na mêlma tla na kezaphah tangah ka siah lânlo chu ka vawrhlei ah to rawh,’ a ti, ti hen, zeitin zia hen me anih chu Lalpa a ti ne?

MATHAI 8:2

Chun, a sinah phâr a hawng kal le, “Lalpa, na duh chun na ka thenhlimhtir kho,” ti hen, mâi a mûk.

LUK 1:43

Ka Lalpa nu ka sinah na hawng kal hi zei zia me si le?

LUK 20:42

Sawrnâk Labu ah David tak nih, ‘LALP nih chun ka Lalpa sinah,

LUK 5:12

Chun, khua pakhat ah a um liauah mi pakhat a pum hen phâr mi a um. Anih nih chun Jisu a muh le, a bawk le, “Lalpa, na duh chun na hawng ka thiangtir kho,” a ti le, a ngiar chiam.

JOHAN 20:28

Thom nih a sinah, “Ka Lalpa leh ka Pathian na si,” a ti le, a sâng.

THILTI 9:6

Sikhawmsele, thawk le, khua ah lût rawh, chun na ti ding mi a nan simh lai,” a ti.

PHILIPI 3:8

asi chiammâm, ka Lalpa Krist Jisu theihnâk rokual khun ruangah thil zeizawng khawm dawknâk ah ka ruat asi; amah ruangah thil zeizawng ka dawk ver le, chubang chu thanawmrawpâi tluk cho ah ka ruat le,

HEBRAI 2:10

Pathian thil zeizawng siamtu leh kiltu nih chun fa tam tak a rokualnâk ting ding hen a hawng put kim na ding hen a tuarnâk ruangah Jisu siam rangtling chu a dik asi. Jisu chu ruangsuahnâk ding hen anmah tla rui natu pakhat asi ruangah.

JOSUA 20:1

Churawhchun, LALPA nih Josua chu

THUPHUANG 12:7

Chun, vân ah chun tuknâk a hawng um le, Mikael leh a vânmifial tla nih rûlrêu chu an do le, rûlrêu leh a mifial tla khawm nih an hawng do na bâk.