JOSUA 5:13 - Bawm Common Language Bible Version

¹³ Josua chu Jeriko khua kiangah a um liauah lâkkhatko ah minung nâmsâu put hen a mâika ah dîr mi a muh. Josua chu a sinah a va kal le, thu a deih, “Kan kawrsen lakah mi ma na si? Asi lo leh mêlma ma na si?” a ti.

JOSUA 5:13 ပူးပေါင်းရင်းမြစ်များ

GENESIS 18:1

Lalpa chu Abraham sinah Mamre ah mi thing thenhlimh ah â va langh. Abraham chu a puanin kawtkâ ah sûn nî linh liau chirah a to le,

GENESIS 18:2

â hawi le, chunah chun minung pathum an dîr mi a muh. A muh na kâ hen an sinah a va tek nawh sawm na le; a mêl tual tawngh khet hen a kûn.

GENESIS 28:16

Jakob chu a hawng a ṭhang le, hi hâwi hen a ti. “LALPA chu hinah a um ko ma hi a! Hi mun ah a um mi ka theih loh ma hi a!” a ti.

GENESIS 33:1

Jakob nih Esau chu minung zali hen a hawng mi a muh le, a fa le tla chu Leah, Rakel, leh a nupisûn panih tla sinah a ṭhen khuai na.

GENESIS 33:5

Esau chu â hâwi le, nunau ngâksia tla chu a muh na le, “Na sinah mi minung tla hi âu tla me an si?” ti hen a deih. Jakob nih, “Ka u, hi bang tla hi Pathian ka lakah a ṭha ruangah hawng ka pêk mi asi,” a ti.

1 CHRONICLES 12:22

Nisiar hâwi tluk hen David leiah bawptu an um vima le, churawhchun sâwtlotê ah kawrsen tam tak an hawng si rawh.

1 CHRONICLES 21:27

LALPA nih vânmifial rangah a nâmsâu chu siah ding hen a simh le, vânmifial nih chun a siah rawh.

1 CHRONICLES 21:30

Sikhawmsele, Pathian va sawnh ding hen chunah chun David a kal kho lo, LALPA vânmifial nâmsâu a ṭih ruangah.

EXODUS 23:23

Ka vânmifial nan mâilei ah a kal lai le, Amor leh Hit mi tla, Periz leh Kanaan mi tla, Hiv mi leh Jebus mi tla umnâk ram ah a nan kalpi na lai le, annih tla chu ka veih dep na lai.

DANIAL 10:5

tlûnlei ka zauh le, âumawh puan nêm aih hen ngûn tâisâwm â sâwm mi ka muh.

DANIAL 8:3

chu tiva kapah chun dawrâ chal ka muh le, chu dawrâ chal nih ki sâu tak panih a nei, pakhat chu pakhat dang ngâk hen a sâu dauh hen a thar dauh.

ZEKARIA 1:8

LALPA vânmifial rang sen tlûnah â chuan mi ka muh le, tivakuam ah lênmui thing nâwngah â dîn le, a dunglei ah rang dang tla, a sen mi, a senduk mi leh a ngo mi tla an um.

NUMBER 22:23

Sanatung nih vânmifial nâmsâu put hen a dîr mi a muh rawh chun lampi mi chu phâisen leiah a pial. Balaam nih a sanatung chu a vuak le, lampi leiah a kîrpi.

NUMBER 22:31

Churawhchun, LALPA nih Balaam chu vânmifial nâmsâu put bû hen a dîr mi a muhtir le; churawhchun Balaam chu tual lei hawi hen a kûn rawh.

THILTI 1:10

Chun, a kâi liauah vân lei an zauh ko liauah, mi panih puan ngo aih hen an kiangah an hawng dîr.

JOSUA 6:2

LALPA nih Josua sinah, “Jeriko khua chu lalchem tla leh an kawrsen râlṭha tla zawzawng nanmah kut ah ka siah rawh.

THUPHUANG 1:13

Meichêu tla lakah chun, minung hâwi, a kê pâr tiang hen puan â aih le, a ir ah ngûn ri hen â sâwm mi ka muh.

LÂIRÊL 13:11

Manoah chu a thawk le, a nupi chu a zûl rawh. Chu minungpa sinah a va kal le, thu a deih, “Ka nupi sinah thusimtu kha nangmah ma na si?” a ti. “Si ta a” ti hen a sâng.

LÂIRÊL 13:22

Manoah nih a nupi sinah, “Pathian kan muh ruangah kan thi ding ko rawh,” a ti.