JOSUA 5:1 - Bawm Common Language Bible Version

¹ Amor lalchem Jordan thlanglei mi zawzawng tla, Mediteranian Tipi kiangkam ah um mi Kanaan lalchem tla nih Israel mi tla nih an tan ver tiang hen LALPA nih Jordan Va tî chu a kangtir piak na ti an theih. Israel mi tla ruangah an thinlung a dâwk hep le, thungâi an ningṭih.

JOSUA 5:1 ပူးပေါင်းရင်းမြစ်များ

GENESIS 12:6

Sekem mun thenhlimh ah More thing thenhlimh tiang hen ram chu a va ṭawl le, (chu liau chun Kanaan mi tla chu, chu ram ah an um liau asi.)

GENESIS 48:22

Sekem chu na unau tla sinah silo hen nangmah sinah kan pêk le, ka chanhtiang leh ka nâmsâu hen Amor tla lakah mi ram ningno tak ka lâk mi asi,” a ti.

2 SAMUEL 21:2

(Gibeon mi chu Israel tla an si lo, Amor murui mêtê, Israel tla nih hum ding hen anna tiam mi asi. Sikhawmsele Saul nih Israel leh Juda tla rangah a ṭhanemsemsê ngâi ruangah râwk a tum na.)

1 Lal 10:5

A dawhkân lakah tî-râwl an timhtuah mi tla, a rianṭuantu tla umnâk, a lal in ah rianṭuantu tla leh anna thuam dân, a puai einâk ah a to-aw amah ngâktu tla, Biakin ah bâwlnâk a ap mi tla chu a muh le, chê a ti tuk le, a ngaihdân a theih lo rê.

Ezra lasuibu 9:1

Chubang zawzawng ti thluh asi rawh chun Israel mi leh ruitu tla chu an hawng le, zapi tla, bâwlpu leh Levi tla chu an kiangkam ram ah mi Amon, Moab, Aigupta, Kanaan mi, Hit mi, Periz mi, Jebus mi leh Amor mi tla lakah anna thliar loh ti thu an hawng ka simh. Chubang minung tla hâwi hen thil fihnungkâi an ti.

SAM 135:11

Amor lal Sihon, Basan lal Og, leh Kanaan ram lal zawzawng tla khawm.

EXODUS 23:28

Nan mêlma tla chu ningṭihnâk ka pêk na lai le, nan kalnâk zawng ah Hiv mi leh Kanaan mi leh Hit mi tla chu ka nar phin lai.

ISAI 41:5

“Ram lât tak ah um mi tla nih ka thilti an muh le, an ṭih le; lâu hen an thir. Churawhchun, an ektê hen anna pûm le, an hawng.

EZEKIEL 16:3

LALPA Zahkâi thusim chu Jerusalem simh rawh. “Kanaan ram ah suak mi na si, na pa chu Amor mi asi, na nu chu Hit mi asi.

EZEKIEL 21:7

Zei rangah ti ti na rûm ti hen an deih chun, thâwngthâng a hawng tlung mi ruangah ti hen simh na. A hawng tlung tikah chun, an thinlung chu lâunâk hen a khat lai le, an kut tla khêng hen an thlâi lai le, an râlṭhatnâk khawm a vei lai le, an khûp khawm a thir lai. A hun a tlung taktê rawh; hi hi asi rawh,” a ti. LALPA Zahkâi nih a sim asi.

DANIAL 5:6

Mawhsareh hen a hawng dâng ver le, a ṭih tuktarâi ruangah a khûp tla â nîn.

AMOS 2:9

“Sikhawmsele, ka mi tla, nanmah ruangah Amor mi tla sidar thing hâwi a sâng mi leh oak thing hâwi an khauh mi chu ka veih dep na.

NUMBER 13:29

Amalek mi tla chu simlei kâng ram ah an um le; Hit mi tla, Jebus mi tla leh Amor mi tla chu tlâng ram ah an um; Kanaan mi tla chu Mediteranian tipi kapah leh Jordan Tiva dung ah an um,” an ti.

JOSUA 17:12

Manaseh phun tla nih chun chubang khuapi ah um mi tla chu an nar na kho lo le, churuangah Kanaan mi tla chu chunah an um vima.

JOSUA 17:18

Tlângram chu nan tâ asi lai rawh. Chu lo khawm ah zachang mun a um, chubang tla chu khatlei thawk hen khatlei dawng tiang siam ule, a ting u. Kanaan mi tla chu thîr kari nei hen chak khawmsele nar hep na u,” a ti na.

JOSUA 24:15

Amah rian chu ṭuan ding nan duh lo asi âwk leh tusûn ni ah hin âu rian nan ṭuan awt a ruat set u. Tuah nan umnâk ram Amor tla pathian mawh Mesopotamia ram ah an thlâk natu pathian rian ma nan ṭuan awt thlûk u. Kei leh ka dâwngsung lam nih chun LALPA rian kan ṭuan lai,” a ti.

JOSUA 3:16

tî a luang mi tla â dîn thlo le, â pawng tung. Adam ti mi mun ah chun tiva ngâk hen a sâng le, chu chu Zarethan kiang asi. Tipi Thi leikângah a luang mi chu a chat bawk, churawhchun Jeriko khua kiangah an kanh kho rawh.

JOSUA 3:17

Mi zapi tla nih tual châr ah Jordan Va an tan liauah chun bâwlpu tla nih Jordan Va lâi tual châr tlûnah Thudântuk Bâwm put hen zapi tla nih an tan thluh ver tiang an dîr ko.

THUPHUANG 18:10

a rêpnâk ṭih ruangah lât takah an dîr mi tla nih chun, “Babulon khua rokual tak chu ṭihnung a kâi hen a tlûn a pit! Dârkar khat lak ko ah hi Babulon khua rokual tlûnah hin rêpnâk a hawng tlung ngâk chu!” an ti.

LÂIRÊL 1:1

Josua thih nûnah Israel mi tla nih LALPA sinah “Kan lakah a zei mi phun tla nih me Kanaan mi tla rangah kal masa chem hen do ding asi awt?” ti hen an deih.

LÂIRÊL 11:23

A mi Israel tla rangah Amor tla nartu chu LALPA, Israel Pathian asi.

LÂIRÊL 3:3

Chubang ram lakah um mi tla chu Philistia khuapi panga, Kanaan mi zawzawng, Sidon mi tla leh Hiv mi tla Lebanon tlângah um mi Baal Hermon tlâng thawk hen Hamath liamnâk tiang hen um mi tla zawzawng an si.

LÂIRÊL 4:2

Kanaan lalchem Hazor khuapi ah lâirêltu Jabin chu anmah nehtu ah a siam. A kawrsen hotu chem chu Sisera Jentel tla khua Haroseth ah um mi asi.

1 SAMUEL 25:37

Churawhchun, a hawng fîm nûnah thil zeizawng a simh rawh. Nabal chu veikhat ko ah a mawlh thlo le, châng khawm a châng kho lo.