JOSUA 4:6 - Bawm Common Language Bible Version

⁶ Hi lung nih hin LALPA thilti mipi tla rangah theihtirnâk asi lai. Hi nûnthâi ah nan fa tla nih hi bang lung tla hi zei tinâk me si an ti na chun,

JOSUA 4:6 ပူးပေါင်းရင်းမြစ်များ

SAM 44:1

Pathian, a lânah hawng kan thlâktu nih anmah san ah thil rokual tak tla na ti mi chu hawng kan simh le, kanmah nâ ngelchel hen kan theih rawh.

SAM 71:18

Pathian, tu chun ka tar rawh le, ka sam tla a pâr rawh; Hawng ka kaltâk rîlmâl lah. Thlâk hawng um ding mi zawzawng sinah na thiltikhonâk leh chaknâk ka sim liau hin ka sinah um kumza.

EXODUS 12:14

Hi hi Kei LALPA Pathian nih thil ka ti mi nan theih nawlh lemang ding hen Pathian lei phung nan ulh tâwn ding asi. Mâilei khawm zeiliau zawng ah nan ulh kumza ding asi,” a ti.

EXODUS 13:14

Mâilei ah nan fa tla nih, hi hi zei ulhnâk me si ti hen an deih na chun, ‘Sal ah kan umnâk Aigupta ram ah mi LALPA nih a thiltikhonâk rokual hen hawng kan suakpi mi ruangah asi’ ti hen nan sâng na ding asi.

EXODUS 13:9

Hi ulhnâk hi nan kut lakah mawh nan chal ah mawh theihkumzanâk ding hen khimh mi hâwi hen theih u; LALPA nih a thiltikhonâk hen Aigupta ram ah mi a nan suakpi na ruangah LALPA dân chu theih nawlh ding hen nanna sîn hen nan sim kumza ding asi.

EXODUS 31:13

“Sabbath ka dinhni hi ulh u. Nannih leh keimah karah hi nûnthâi zawzawng khawm ah, Kei, LALPA nih keimah minung ah ka nan siam na mi ti zauhtirnâk asi.

ISAI 38:19

A nan sawrtu tla chu a nung mi tla an si, Tuah ka nan sawr mi hâwi hen. Pa tla nih an fa tla rangah zumh na kâi zia an simh na.

ISAI 55:13

Bua nâwngah far thing chi dang tla a kho lai le, Lênmui kûng tla chu bualingnei ruangrûl ah a kho lai. Chu chu zungzâl um ding mi singsiahnâk asi lai le, Kei, LALPA nih ka ti mi theihtir nawlhnâk asi,” a ti.

EZEKIEL 20:12

Anmah leh keimah karah remnâk singsiahnâk Dinhni ulh ding hen kei, LALPA nih thenhlimh tak hen ka siam ti theihtir na ding hen.

EZEKIEL 20:20

Dinhni tla thenhlimh tak hen ulh ule, thudântuk kan siam mi singsiahnâk leh kei, LALPA nan Pathian kasi theihnâk asi lai.

NUMBER 16:38

LALPA mâichâm ah an hawng pêk liauah a thenhlimh asi. Churuangah an sual ruangah an thi mi tla meikhêng chu lâk ule, khêng pan der ah dêng u, mâichâm khuhnâk ah siam u. Israel mi tla rangah theihtirnâk ding asi lai,” a ti.

THILTI 2:39

A tiamh mi kha nannih rangah khawm, nan fa tla rangah khawm, lât tak ah mi zawzawng rangah khawm, Lalpa kan Pathian nih a sinah a kawh mi vial tla rangah khawm asi,” a ti.

DEUTERONOMY 11:19

Nan fa tla sîntir na ule, in ah khawm simh na u, mun dang khawm ah, rian nan ṭuan liau leh nanna dîn liau khawm ah sîntir na u.

JOSUA 22:27

sikhawmsele nan mi tla leh kan mi tla hi nûnthâi ah thlâk a hawng um vima ding mi nih LALPA Puanin thenhlimh mâika ah thil ap duahphung tla leh bâwlnâk, kawmhnâk thil ap tla nei hen LALPA kan sawnh tatak ti theihnâk ding hen asi dauh. Hi hi nan thlâk tla nih LALPA hen tlâinâk zeikhawm nan nei lo an ti kholonâk ding hen asi.

JOSUA 4:21

Israel mi tla sinah, “Hi nûnthâi ah nan fa tla nih hi lung hi zei tinâk mesi ti hen an deih na chun,

JOSUA 4:5

an sinah, “LALPA nan Pathian Thudântuk Bâwm mâilei ah va put u, Israel phun kip ruangrûl ah lung pakhat vima hen nan liang ah put u.