JOSUA 4:23 - Bawm Common Language Bible Version

²³ LALPA nan Pathian nih Tipi Sen a kangtir mi hâwi hen Jordan Va khawm tual châr lakah an tan hep lânlo chu tî chu a kangtir.

JOSUA 4:23 ပူးပေါင်းရင်းမြစ်များ

1 Lal 8:43

an thlachamnâk chu ngâi piak na. Na mi Israel tla nih an ti mi hâwi hen zei se ti piak ding hen a nan deih, na umnâk vân thawk hen ngâi piak na, laikulh mi zawzawng nih na thu an ngâi khonâk ding hen; chu tikah hi Biakin ka sak mi hi nangmah sawnhnâk in asi ti an theih lai.

NEHEMIAH 9:11

Na mi tla rangah tipi lan dak hen lampi na siam piak na le, tual hul tlûnah na kalpi na. Anmah ṭhâwltu tla chu tipi tlingtlawk lakah lung a pil mi hâwi hen tî thûknâk ah na piltir na.

SAM 78:13

Tipi chu a ṭhen le, a lanpi na; tî tla chu vâm hâwi hen a dîrtir.

EXODUS 14:21

Mosi nih a kut chu tî tlûnah a phar le, LALPA nih saklei mi thli hen tipi tî chu a khirh. Zân khuadei ver hen thli a râng le, tipi chu tual châr ah â chang rawh. Tî chu a hawng a ṭhêk le,

EXODUS 15:19

Israel tla chu tual hul tlûnah tipi an tan. Sikhawmsele, Aigupta mi kari leh rang tla a khalhtu tla chu tî lakah an tlâ. LALPA nih tî chu a khirh le, a vurh dep na.

ISAI 43:16

A lânah LALPA nih tipi tî a hêl mi lan dak hen lampi a siam.