JOSUA 3:16 - Bawm Common Language Bible Version

¹⁶ tî a luang mi tla â dîn thlo le, â pawng tung. Adam ti mi mun ah chun tiva ngâk hen a sâng le, chu chu Zarethan kiang asi. Tipi Thi leikângah a luang mi chu a chat bawk, churawhchun Jeriko khua kiangah an kanh kho rawh.

JOSUA 3:16 ပူးပေါင်းရင်းမြစ်များ

GENESIS 14:3

Hi lalchem panga tla hi Sidim Vakuam ah anna bawp le, chu chu tu liauah Tipi Thi asi.

1 Lal 4:12

Ahilud fapa Baana: Taanak leh Megido khuapi tla, leh Beth Shean leh Zarethan khuapi kiang leh ram zawzawng, Jezreel khuapi simlei kâng tla, Abel Meholah leh Jokmeam khuapi tiang hen hotu asi.

1 Lal 7:46

Jordan Vakuam ah Sukot leh Zarethan mun ah thil siamnâk mun chu lalchem nih â ting rawh.

SAM 114:3

Tipi Sen nih a zauh le, a tek ving; Jordan Tiva a luang mi â dîn thlo.

SAM 114:5

Tipi, zei nih me an tektir ving? Nang Jordan, na luang lemang mi na dîn thlo?

SAM 29:10

LALPA nih chun tî thûk tak tlûnah Lalchem si hen zungzâl hen lâi a rêl.

SAM 33:7

Tipi tla chu munkhat ah a pumh le, a khawngnâk ah tisumsumriat thûk tak chu a dil.

SAM 66:6

Tipi tla chu tual châr ah a siam le, hawng kan thlâktu tla nih tiva chu kê hen an tan. chunah a thilti ruang chun kanna lâwm.

SAM 74:15

Tinungva leh tikhur na luangtir, tivapi tla na kangtir,

SAM 77:19

Tî tlingtlawk lakah na kal le; tipi thûk tak na tan. Sikhawmsele na keneh chu muh kho asi lo.

SAM 78:13

Tipi chu a ṭhen le, a lanpi na; tî tla chu vâm hâwi hen a dîrtir.

EXODUS 14:21

Mosi nih a kut chu tî tlûnah a phar le, LALPA nih saklei mi thli hen tipi tî chu a khirh. Zân khuadei ver hen thli a râng le, tipi chu tual châr ah â chang rawh. Tî chu a hawng a ṭhêk le,

EXODUS 14:22

Israel tla nih tipi chu tual châr tlûnah kal hen an tan, tî chu khatlei khatlei hen vâm hâwi hen â sawng dun.

EXODUS 14:29

Sikhawmsele Israel fa tla lam chu tî vâm hâwi â sawng mi karah tual châr tlûnah kal hen tipi an tan rawh.

EXODUS 15:8

Tipi chu na sêm le, tlûn luai hen â pâwng; vâm hâwi hen â sawng dun; tipi thûknâk chem chu tual hul a hawng si ving.

ISAI 50:2

“Zei rangah anmah ruangsuah ding hen ka kal liauah ka mi le tla nih an hawng ka sunhsak lo? Ka auh na liauah zei rangah an sâng lo? Anmah ruangsuah kho lo ding ma kasi? Tipi tla kang ding hen thu ka pêk kho hen tiva tla khawm tî umlo ruangah ngâ thi ver ding hen ka tuah kho.

EZEKIEL 47:8

Anih nih chun ka sinah, “Hi tî hi ram lakah lan chang hen saklei kângah a luang le, Jordan Vakuam leiah a luang le, Tipi Thi ah a lût. Tipi Thi ah a lût rawh chun chu tipi al chu tî thar ah a changtir.

NAHUM 1:4

Tipi chu thu a pêk le, a kang hep, tiva tla chu a kangtir. Basan ah mi phâisen tla chu a uai hep le, Karmel tlâng tla chu a senduk, Lebanon tlâng chawmpâr tla khawm a nawh hep.

HABAKUK 3:8

LALPA, chu tiva tla nih ma na thin an thawktir? Na thin runtirtu chu tipi ma asi? Na mi le tla rangah nehnâk na pêk liauah, thlipi vândâwm tla chu na kari asi.

NUMBER 34:3

Simlei kâng chun Zin ramkaro thawk hen Edom ramri tiang asi lai. Saklei thawk hen simlei kâng Tipi Thi dawngh tiang asi lai.

DEUTERONOMY 1:1

Hi lasuibu lakah mi thu tla chu Jordan saklei ramkaro ah an um liauah Mosi nih Israel mi tla sinah a sim mi asi. Jordan Vakuam ah mi Suph kiangah an um le, khatlei kângah Paran khuapi a um le, khatlei kângah Tophel, Laban, Hazerot leh Dizahab khuapi tla an um.

DEUTERONOMY 3:17

Thlanglei kângah chun Jordan Va tiang asi le, marlei kângah Galili rilî thawk hen simlei kângah mi Tipi Thi ah a kal le, saklei kângah Pisgah Tlâng bul tiang a asi.

JOSUA 12:3

Jordan Vakuam khawm uap sih hen simlei kângah Galili Rilî thawk hen Beth Jesimoth tiang hen (saklei ah Tipi Thi) leh Pisgah tlângbul lei tiang asi.

JOSUA 15:2

Hi simlei ramri hi Tipi Thi dawnghnâk thawk hen a kal le,

JOSUA 16:7

Janoah thawk hen a um le, Atarot leh Naarah, Jeriko a va phanh le, Jordan ah a dawng.

JOSUA 3:13

Bâwlpu tla nih laikulh zawzawng LALPA Pathian Thudântuk Bâwm zawnhtu nih tî an kê hen an lamh kâ hen Jordan Va chu a luang mi â dîn lai le, chu tiva ah mi tî chu munkhat kâ ah â dil hep lai,” a ti.

JOSUA 4:22

Israel tla nih Jordan Va tual hul lakah kal hen an tan liau mi asi ti nan simh na ding asi.

JOSUA 5:1

Amor lalchem Jordan thlanglei mi zawzawng tla, Mediteranian Tipi kiangkam ah um mi Kanaan lalchem tla nih Israel mi tla nih an tan ver tiang hen LALPA nih Jordan Va tî chu a kangtir piak na ti an theih. Israel mi tla ruangah an thinlung a dâwk hep le, thungâi an ningṭih.

LÂIRÊL 7:22

Gideon mi tla nih tâwtawrâwt an tum liau chun LALPA nih an mêlma kawrsen tla chu anmah leh anmah nâmsâu hen a dotir na. Zarethan leiah Bath Sittah tiang hen, Tabath kiang mi Abel Meholah khuapi tleng khet hen an tek.