JOSUA 3:14 - Bawm Common Language Bible Version

^14-15 Fângzûn liau asi le, tî khawm a sah thlo rih. Mipi tla nih Jordan Va tan ding hen an riakmun an kaltâk rawh chun bâwlpu tla chu Thudântuk Bâwm put hen mâilei ah an kal rawh. Bâwlpu tla nih an kê hen tî an lamh rawh chun

JOSUA 3:14 ပူးပေါင်းရင်းမြစ်များ

SAM 132:8

LALPA, na Thudântuk Bâwm leh na thiltikho zia zauhtirnâk hen Biakin leiah hawng le, hinah hin zungzâl hen um rawh.

JEREMIA 3:16

Churawhchun, chu ram ah nan tam rawh chun, mi tla nih ka Thudântuk Bâwm thu an sim lai lo rawh. A dawn khawm an dawn lai lo, a theih khawm an theih lai lo; a herh khawm an herh lai lo le, a dang khawm an siam lai lo.

DEUTERONOMY 31:26

“Hi LALPA dân bu hi lâk ule, LALPA nan Pathian Thudântuk Bâwm sungah siah u, Israel mi le tla lakah a lungsilo zia theihpitu ding ah chun a um ding asi.

HEBRAI 9:4

Chu lakah chun ngûn mâichâm rimthâw duahnâk leh thudântuk bâwm, ngûn hen luanh mi chu a um, chu thudântuk bâwm sungah chun manna ngûn bêl, Aron ṭhianṭhunh chawrh mi, thudântuk lungtlêp tla panih dân thu rînnâk a um.

JOSUA 24:11

Jordan Va nan kanh le, Jeriko nan hawng tleng. Jeriko mi tla nih Amor mi, Periz mi, Kanaan mi, Hit mi, Girgasit mi, Hiv mi leh Jebus mi tla hâwi hen an do na. Chubang tla lakah nehtu ah kan siam na.

JOSUA 3:3

“Bâwlpu tla nih LALPA nan Pathian Thudântuk Bâwm an zawnh mi nan muh tikah chun riaknâk mun tla siat ule, zûl na u.

JOSUA 3:6

Churawhchun, bâwlpu tla chu thudântuk Bâwm put hen zapi mâilei ah kal ding hen a simh na le, a simh na mi hâwi hen an kal rawh.

JOSUA 6:6

Josua nih bâwlpu tla a kawh na le, an sinah, “Kha Thudântuk Bâwm kha lâk ule, minung pasarih a mâilei ah kal ule, tâwtawrâwt put chiau u,” a ti.