JOSUA 3:11 - Bawm Common Language Bible Version

¹¹ Nan mâilei ah laikulh zawzawng LALPA thudântuk Bâwm nih Jordan Va a kanh tikah Pathian nung chu nan sinah a um ti nan theih lai.

JOSUA 3:11 ပူးပေါင်းရင်းမြစ်များ

1 CHRONICLES 29:11

Nang chu na rokual hen thil na tikho, na rokual hen na chêu hen na lal. Tual leh vân ah mi thil zeizawng na tâ asi, nang chu lal zeizawng tlûnah lâirêltu sâng chem na si.

JOB LASUIBU 41:11

Âunih amah do hen hum kho lai? Laikulh mi âukhawm nih amah an ti kho lai loh.

SAM 24:1

Laikulh leh a sungah um mi zawzawng chu LALPA tâ asi. Tual leh a tlûnah um mi zawng khawm a tâ asi.

SAM 97:5

LALPA mâika ah chun tlâng tla chu khuailul hâwi hen an zawr le, tual zawzawng tla LALPA mâika ah.

ISAI 3:12

Tangka pûktirtu tla nih ka mi tla an nehsawh na le, lei anna batnâk tla nih an perpet na. Ka mi le tla, an rui natu tla nih a mahlo leiah an kalpi na le, churuangah zei lei lampi ah pial ding asi ti nan theih loh.

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

JEREMIA 10:7

Phun zawzawng tla lalchem, âunih a nan zah lo lai? Nang chu zah tlâk na si. Phun tla lakah mifing zawzawng leh an lalchem tla lak khawm ah nang hâwi pakhat khawm an um lo.

MIKAH 4:13

LALPA nih, “Jerusalem mi tla, kal ule, nan mêlma tla va rêp na u! Chawchal a kî thîr, a tin dâr nei a chak mi hâwi hen ka nan siam lai. Phun tam tak na veih na lai le, mi leh tuknâk ruangah neih leh siah anna ting mi chu laikulh pumpi LALPA, Keimah sinah na hawng pêk lai,” a ti.

ZEPHANIAH 2:11

LALPA nih annih tla chu a lauh na lai, tual a mi pathian tla chu zeikhawm lo ah a siam lai le, amah Pathian tak chu phun kip nih mah ram chiau ah an sawnh lai.

ZEKARIA 14:9

Churawhchun, LALPA chu tual pumpi tlûnah lal asi lai le, mikip nih amah chu an sawnh lai le, a min an theih dân â bang rang lai.

ZEKARIA 4:14

Churawhchun, anih nih, “Hi minung panih hi LALPA nih laikulh pumpi ah amah rianṭuantu ding ah sariak a thuh na hen a thîm na mi chu an si.”

ZEKARIA 6:5

Anih nih a sâng le, “Hi bang tla hi thli pali an si. Laikulh pumpi LALPA mâika thawk hen hawng mi an si,” a ti.

DEUTERONOMY 9:3

Sikhawmsele, nanmah ngelchel nih LALPA nan Pathian chu nan mâilei ah meihumpi hâwi hen a kal mi nan muh lai. Nan kalnâk zawng nan neh vima lai le, nan nar phin na lai, thu a tiamh hâwi hen tuko ah nan neh dep lai.

JOSUA 3:13

Bâwlpu tla nih laikulh zawzawng LALPA Pathian Thudântuk Bâwm zawnhtu nih tî an kê hen an lamh kâ hen Jordan Va chu a luang mi â dîn lai le, chu tiva ah mi tî chu munkhat kâ ah â dil hep lai,” a ti.