JOSUA 3:1 - Bawm Common Language Bible Version

¹ A thâituan zingtê hen Josua leh Israel mi zawzawng tla an thawk le, Akasia mun chu an kaltâk le, Jordan Va kanh hen anna ngâknâk mun leiah an kal rawh.

JOSUA 3:1 ပူးပေါင်းရင်းမြစ်များ

GENESIS 21:14

A thâituan zîngtê ah Abraham nih Hagar chu buh leh savun tî dûr tî khat phak mi a pêk. A dunglei ah a fa chu a pâwktir le, a kaltir rawh. Hagar chu a kal le, Bersheba ramkaro ah a vâi lemang.

GENESIS 22:3

A thâituan zîngtê ah Abraham nih a bâwlnâk rangah thing châr a khawmh le, sanatung a phurhtir le, Isak leh a to-aw panih chu a sinah a put na. Pathian nih a simh mi mun ah chun kal ding anna thawh rawh.

SAM 119:60

Na thupêk tla zûl ding hen ka nam.

JEREMIA 25:3

“Amon fapa Juda lalchem Josiah a lal mi kum leithum thawk hen kum kul leh kum thum tusûn ni tiang hen LALPA nih ka sinah thu a sim mi chu pakhat khawm relhlo hen kan simh hep na. Sikhawmsele nan ngâi duh lo.

JEREMIA 26:5

ka to-aw khuavâng tla nan sinah ka hawng fial lemang na mi thu ngâi hen ka thu nan zûl ding asi. An thusim nan zûl dahlo.

JEREMIA 7:13

Chubang hâwi sualnâk tla nan ti le, sikhawmsele ka nan simh lemang na le, a ngâi ding rêng nan duh lo. Ka nan kawh na liau khawm ah nan hawng ka sâng lo.

MIKAH 6:5

Ka mi tla, Moab lal Balak nih nan sinah thilti ding a tum mi leh Beor fapa Balaam nih a thu a sâng dân tla kha theihkumza u. Akasia thawk hen Gilgal leiah kalnâk lampi ah thil a hawng tlung mi tla kha theihkumza u. Nanmah ruang an suah na ding hen thil ka ti mi tla kha nan theih ko ruangah hi bang thil tla hi theihkumza u,” a ti.

NUMBER 25:1

Israel mi tla Akasia Vakuam ah an um liauah, chunah um mi Moab nunau tla chu an pung na.

MARK 1:35

Chun, a thâizîngtê, khuadei lânah a thawk le, in ah mi chu a suak. Khuapi thawk hen mun kingnak ah a va kal le, chunah chun thla a cham.

JOSUA 2:1

Josua nih thlingthlâktu panih Akasia ah mi riakmun thawk hen a thup hen Kanaan ram ah mi Jeriko khua zauh ding hen a fial na. Khuapi ah an va lût le, nunau â zuar mi Rahab in ah, zân ah an riak.

JOSUA 6:12

Josua a thâi zîngtê ah a thawk le, a veinihnâk khawm chu bâwlpu leh kawrsen tla nih khuapi chu a lânah mi ni ah an ti hâwi hen an hêl rawh: a masa hen kawrsen vêngtu, a dunglei ah tâwtawrâwt tumtu bâwlpu pasarih, chu zûl ah bâwlpu LALPA Thudântuk Bâwm puttu tla, a dunglei chem ah vêngtu kawrsen tla. Hi kar zawzawngah hin tâwtawrâwt chu tum kumza asi.

JOSUA 6:15

A ni sarih ni ah khuadei bâiah an thawk le, vei sarih a ti hâwi hen an hêl le-- a ni sarih ni cho vei sarih an hêl.

JOSUA 7:16

A thâituan zîngtê ah Josua nih Israel tla chu a phun phun hen a kalpi na le, chu lakah Juda phun chu thur asi.

JOSUA 8:10

A thâi zîngtê ah Josua chu a thawk le, kawrsen tla a pumh na, amah leh Israel ruitu tla nih Ai leiah an kalpi na.

LÂIRÊL 20:19

A thâizîng ah chun Israel tla chu anna thawh le, Gibeah khuapi kiangah riakmun an khuar.

1 SAMUEL 17:20

David chu a thâizing zîngtê ah a thawk le, midang sinah dawrâ zauh ding hen thu a mâk le, a pa Jese nih a simh mi hâwi hen buh a put le, a kal rawh. Riakmun ah Isarel tla chu râltuk ding hen an âu liau chirah a va tleng rawh.