JOSUA 24:33 - Bawm Common Language Bible Version

³³ Aron fapa Eleazar chu a thi le, Gibeah ah an vûi le, chu khua chu Efraim tlâng ram Phinehas, a fapa sinah a pêk mi chu asi.

JOSUA 24:33 ပူးပေါင်းရင်းမြစ်များ

2 SAMUEL 20:21

Chu chu kan thiltum asi lo. Mi pakhat a min Sheba, Bikri fapa, Ephraim tlâng ram ah mi nih lalchem David lakah helnâk a tuah asi. Hi pa hi hawng kan pêk ule, khua chu ka râwk lai lo,” a ti. Churawhchun, chu nunau nih, “A lû chu kulh vâm tlûnah kan hawng lâwnh lai,” a ti.

1 Lal 4:8

Ram khat lakah hotu chiau leinih ruat mi chu hi tla hi an si: Benhur: Efraim tlâng ram hotu asi.

2 Lal 5:22

Gehazi nih a sâng le, “A pawi mi a um lêm loh, sikhawmsele, ka pu nih, Efraim tlâng ram thawk hen khuavâng murui lakah mi panih tuko ah an hawng tlung le, tangka sâng thum leh nipuan thleng panih pêk na ding mi ruangah an simh ding hen hawng ka fial,” a ti.

Ezra lasuibu 7:5

Buki chu Abisua fapa asi, Abisua chu Phinehas fapa asi, Phinehas chu Eleazar fapa asi, Eleazar chu Aron fapa asi.

JOB LASUIBU 30:23

Ka thihnâk ding leikângah, mikip a thi mi tawngpumhnâk ah na ka put ti ka theih.

SAM 49:10

Mi â leh zeikhawm theihlo mi hâwi hen mi fing tla khawm an thi mi chu âuzawng nih an muh kho, an ektê hen an thlâk tla rangah an neih an mâk.

EXODUS 6:23

Aron nih Eliseba a umpi le, Aminadab fanu Nason farnu; anih nih Nadab, Abihu, Eleazar leh Ithamar a ring na.

EXODUS 6:25

Eleazar Aron fapa nih Putiel fanu a umpi le, Phinehas a ring. Levi chi thlâktu tla lukhâi dauh an si.

ZEKARIA 1:5

Chu nan thlâktu leh khuavâng tla chu an thi rawh.

NUMBER 3:32

Levi lakah an hotu chu Aron bâwlpu fapa Eleazar asi. Mun Thenhlimh ah rianṭuantu tla hotu asi.

THILTI 13:36

David lam chu a thlâk tla lakah Pathian thiltum chu a ṭuan dih nûnah khan a thi le, thlâktu tla sinah an vûi le, a thû rawh asi.

HEBRAI 7:24

Jisu lam chu zungzâl um kumza mi asi le, a bâwlpu sinâk chu midang sinah pêk kho asi lo.

JOSUA 14:1

Chu nûnah chun Kanaan ram Jordan Va thlanglei chu Israel tla rangah ṭhenh hen a hawng um nawlh. Bâwlpu Eleazar, Nun fapa Josua leh Israel dâwngsung lakah ruitu zapi tla lakah an ṭhenh zâr na.

JOSUA 22:13

Churawhchun, Phinehas bâwlpu Eleazar fapa chu Gilead ram ah mi Reuben, Gad leh saklei mi Manaseh phun tla sinah an fial rawh.

LÂIRÊL 17:8

Bethlehem khua kaltâk hen umnâk mun dang a hâwl. Chu hâwi hen khual a tlâwngnâk ah Efraim tlâng ram Mikah in ah a va tleng rawh.

LÂIRÊL 18:13

Chu thawk hen an kal le, Efraim tlâng ram ah mi Mikah in ah an va tlung.

1 SAMUEL 1:1

Efraim tlâng ram ah Ramah khua ah a um mi, minung pakhat a min Elkanah, Efraim phun lakah mi a um. Amah chu Jeroham fapa, Elihu tupa, Tohu dâwngsung, Zuph chi asi.

1 SAMUEL 9:4

Efraim tlâng ram tla leh Salisah tlâng ram tla ah an va kal le, sikhawmsele an tawng na lo. Churawhchun, Shaalim ram chu an pal le, sikhawmsele chunah khawm sanatung tla an um lo. Churawhchun, Benjamin ram tla an va kal le, chunah khawm an tawng na lo.