JOSUA 24:27 - Bawm Common Language Bible Version

²⁷ Zapi zawzawng sinah, “Hi lung hi kan rangah theihpitu si seh. Kan sinah LALPA nih thu a sim mi zawzawng chu a theih hep. Churuang chun, LALPA lakah hel lo ding hen theihpitu leh a nan vêng natu asi lai,” a ti.

JOSUA 24:27 ပူးပေါင်းရင်းမြစ်များ

JOB LASUIBU 31:23

Pathian rêpnâk ka ṭih ruangah chu hâwi thil chu ka ti dahlo.

JOB LASUIBU 31:28

Pathian zeizawng duhlotu asi ruangah, chu hâwi sual chu thihnâk hen rêp ding asi.

THUFING LASUIBU 30:9

Tamtak ka nei chun, Pathian ka herh loh ka ti lebang lai. Sikhawmsele, ka pâm chun ka fîr lai le, ka Pathian lakah ka mualpho lai.

ISAI 1:2

LALPA nih, “Tual leh vân, ka thusim ngâi u! Fa ka châwm na mi tla, ka lakah an hel.

ISAI 59:13

Na lakah kan hel le, kan nawng le, a nan zûl ding kan êl. Midang rangah kan nehsawh le, kâng dang leiah kan hawitâk. Kan thinlung dawn khawm a diklo rawh, kan thusim tla khawm âwkrâwl asi.

HABAKUK 2:11

Lungvâm tla khawm nih an auh lai le, kuaiber tla lakah a hâu a thangkhâwk lai.

NUMBER 11:20

ni kul mawh tiang cho nan ei awtlo le, dangtawk leh neng rê hen thla khat kar nan ei lai. Hi hi a hawng tlungnâk san chu LALPA nan sinah um mi chu nan duh lo le, a lakah nan chipchiar hen Aigupta ram nan thlah dahlo rih ruangah asi,’ ” a ti.

MATHAI 10:33

Sikhawmsele, âuzawng mi le tla mâika ah an hawng ka phehtu zawng ka Pa vân ah mi mâika ah ka pheh bâk lai.

LUK 19:40

Anih lam nih chun,”Ka nan simh na, hi bang tla hi an dâisip chun lung tla tal an âu ding asi,” a ti le, a sâng.

DEUTERONOMY 30:19

Tuhin thihnâk leh nungnâk, Pathian malsâwmnâk leh siatbarh thîm ding hen ka nan pêk na, nan thîm mi lakah theihpitu ding hen tual leh vân ka auh asi. Nungnâk chu thîm u.

DEUTERONOMY 31:19

“Tuah hi la hi rîn rawh. Israel mi tla rangah sîntir na le, an sinah thil a hawng um ding mi theihfiangnâk ruangrûl ah.

DEUTERONOMY 31:21

siatnâk ṭihnungkâi tam tak an lakah a hawng tlung lai. Sikhawmsele hi la hi sak kumza ding asi lai, an lakah thil a hawng um ding mi theihfiangnâk ruangrûl ah asi lai. Tu khawm ah thu ka tiamh na mi ram ah ka kalpi na lân khawm ah an thinlung ruat ka theih ko,” a ti.

DEUTERONOMY 31:26

“Hi LALPA dân bu hi lâk ule, LALPA nan Pathian Thudântuk Bâwm sungah siah u, Israel mi le tla lakah a lungsilo zia theihpitu ding ah chun a um ding asi.

DEUTERONOMY 32:1

“Tual leh vân, ka thu tla hi theih ule, nâi tek hen ngâi u.

DEUTERONOMY 4:26

Theihpitu ding ah tusûn ni ah hin nanmah ruangah tual leh vân ka auh asi, ka thu nan ngâilo asi chun chu ram ah mi chu nan vei dep sawm lai. Jordan Va kanh hen nan va umnâk ding ram ah chun tam nan um sâwt lai lo. Nan vei dep lai.

TITA 1:16

“Pathian kan theih” ti hen, anna ṭang tâwn le, sikhawmsele fihnungkâi tla, ê-aw ngâilo tla, thil ṭha kip ti leikângah Pathian duh lo mi zât an si, an thilti hen an phehtâk tâwn.

JOSUA 22:34

Reuben leh Gad mi tla nih chun, “Hi mâichâm hi kan ektê rangah LALPA chu Pathian asi ti hawng kan theihtirtu asi,” an ti. Churuangah a min ah Theihpitu (Ed) an ti.

JOSUA 24:28

Churawhchun, Josua nih mi zapi tla chu a ṭiaktir na le, anmah ram chiauah an tlung rawh.

THUPHUANG 3:8

Na thilti zia tla ka theih; ka sîntirnâk thu tla na zûl hen zumhkâi tak hen na um le, thiltikhonâk tâwmtê na nei ti ka theih, âukhawm nih an khâr kho lo mi kawtkâ na mâika ah kan awng piak asi.

1 SAMUEL 7:12

Churawhchun, Samuel nih lung a lâk le, Mizpah leh Shen karah a pawng le, “Lampi tluan hen LALPA nih hawng kan ṭangpi,” a ti. Churawhchun, a min ah “Ṭangpinâk Lung” (Eben-ezer) ti hen min a phuah.