JOSUA 24:26 - Bawm Common Language Bible Version

²⁶ Josua nih LALPA dân bu ah hi bang thupêk tla hi a rîn. Lungtlêp lianpî a lâk le, oak thing tangah LALPA mun thenhlimh tangah a phun.

JOSUA 24:26 ပူးပေါင်းရင်းမြစ်များ

GENESIS 31:45

Jakob nih lung a lâk le, theihkumzanâk ding hen a phun.

GENESIS 35:4

Churawhchun, ramdang pathian an nei mi zawzawng leh an nabeh anna beh mi tla Jakob sinah an pêk hep le, Sekem kiang mi Oak thing tangah a phûm rawh.

GENESIS 35:8

Rebek umhtu Deborah chu a thi le, Bethel simlei ah Oak thing tangah an vûi rawh. Churuangah a min ah “Allon-bakuth’’ (Ṭahnâk Oak Thing) ti asi.

EXODUS 24:4

Mosi nih LALPA thupêk zawzawng chu a rîn rawh. A thâizîng zîngtê ah Mosi nih tlâng bul ah mâichâm a siam le, Israel fa phun zat, lung leinih a chuanh.

LÂIRÊL 9:6

Churawhchun, Sekem ah mi leh Bethmillo mi zawzawng chu a rual hen Sekem ah mi oak thing thenhlimh leiah chun an va kal le, Abimelek chu lalchem ah an siam.

1 SAMUEL 7:12

Churawhchun, Samuel nih lung a lâk le, Mizpah leh Shen karah a pawng le, “Lampi tluan hen LALPA nih hawng kan ṭangpi,” a ti. Churawhchun, a min ah “Ṭangpinâk Lung” (Eben-ezer) ti hen min a phuah.