JOSUA 24:25 - Bawm Common Language Bible Version

²⁵ Churawhchun, Josua nih chu ni ah chun zapi rangah thudântuk a siam, Sekem ah an zûl ding hen dân leh ti ding mi a pêk na.

JOSUA 24:25 ပူးပေါင်းရင်းမြစ်များ

GENESIS 35:4

Churawhchun, ramdang pathian an nei mi zawzawng leh an nabeh anna beh mi tla Jakob sinah an pêk hep le, Sekem kiang mi Oak thing tangah a phûm rawh.

2 Lal 11:17

Bâwlpu Jehoiada nih Joash chu lal ah a siam le, zapi tla khawm LALPA thupêk zûl hen LALPA mi tla an si rawh; mi zapi leh lal karah thudântuk a siam piak na.

2 CHRONICLES 15:12

Anmah thlâktu LALPA an Pathian chu an thinlung leh an thlarau zawzawng hen thutiamnâk nei hen lungâwi tak hen an sawnh.

2 CHRONICLES 15:15

Juda tla zawzawng chu an thinlung tak hen thutiamnâk an nei ruangah lâwmnâk an nei le, anih khawm nih a pawm na le, mun kip ah thlangamnâk a pêk na.

2 CHRONICLES 23:16

Bâwlpu Jehoiada nih lalchem Joash chu a tawng rawh le, mi tla nih LALPA mi siding hen thutiamnâk lakah thu an rualpi rawh.

2 CHRONICLES 29:10

“LALPA Israel Pathian hen tuah thudântuknâk siam ka tum, kan lak ah a thin a thawk lo rawhnâk ding hen.

NEHEMIAH 9:38

Hi bang zawzawng thil hi a um ruangah, kannih Israel mi tla nih remnâk ding hen kan min kan rîn asi. Hawng kan ruitu tla, Levi tla nih an singsiahnâk an rîn.

EXODUS 15:25

Mosi nih semse ngâi tak hen LALPA sinah thla a cham le, LALPA nih thing ṭeng a muhtir le, chu chu tî lakah a lawnh le; tî chu din ding â tawng rawh. Chunah chun LALPA nih an zûl ding hen dân a pêk na, chunah chun anmah a nik na mi khawm asi.

EXODUS 24:3

Mosi nih mi zapi zawzawng chu LALPA thupêk mawh dân tla chu a simh na le, mi zapi tla chu a rual hen, “LALPA nih a sim mi zawng kan ti lai,” ti hen an sâng.

DEUTERONOMY 29:1

Hi bang tla hi Moab ram ah LALPA nih Mosi sinah Israel tla rangah thudântuk siam piak na ding hen thu a pêk mi chu asi; hi bang zawzawng tla hi Sinai Tlângah LALPA thudântuk sap singsuan mi asi.

JOSUA 24:1

Josua nih Israel mi zawzawng Sekem ah a pumh hep na. Upa tla, ruitu tla, lâirêltu tla, Israel lakah hotu tla a kawh na le, Pathian mâika ah an hawng ver.

JOSUA 24:26

Josua nih LALPA dân bu ah hi bang thupêk tla hi a rîn. Lungtlêp lianpî a lâk le, oak thing tangah LALPA mun thenhlimh tangah a phun.