JOSUA 24:2 - Bawm Common Language Bible Version

² Josua nih zapi minung zawzawng sinah, “Hi hi asi, LALPA Israel Pathian nih a sim mi chu: ‘A lânah an thlâk natu tla chu Eufretis tiva râl leiah an um le, pathian dang tla an sawnh. Chu lakah mi pakhat chu Terah asi, amah chu Nahor leh Abraham pa asi.

JOSUA 24:2 ပူးပေါင်းရင်းမြစ်များ

GENESIS 11:22

Seruk chu kum 30 a tling ah fapa Nahor a nei;

GENESIS 11:24

Nahor chu kum 29 a tling ah fapa Terah a nei;

GENESIS 11:26

Terah chu kum 70 a tling ah Abram, Nahor leh Haran a neih na asi.

GENESIS 11:27

Hi bang tla hi Terah thlâk tla an si; Abram, Nahor leh Haran. Haran chu Lot pa asi.

GENESIS 31:19

Laban chu a dawrâ tla mul mêt ding hen a kal le, a umlo kar chun, Rakel nih a pa tâ an dâwngsung pathian lem tla chu a fîr.

GENESIS 31:30

In leiah tlung ding na duh thlo ruangah asi ti khawm ka theih, si menza khawmsele, zei rangah kan dâwngsung pathian lem tla na fîr?” a ti.

GENESIS 31:32

Sikhawmsele, hin ah mi âutal na pathian lem kiltu chu thah an si lai. Hinah kan mi tla theihpitu an um, zauh le, zei thil tal na tâ a um chun lâk,” a ti. Rakel nih a pa pathian lem a fîr mi Jakob nih a theih loh.

GENESIS 31:53

Abraham Pathian leh Nahor Pathian nih kan karah lâirêl seh,” a ti. Churawhchun, a pa Isak nih a sawnh mi Pathian min hen Jakob nih thu bir tak hen a tiamh rawh.

GENESIS 35:4

Churawhchun, ramdang pathian an nei mi zawzawng leh an nabeh anna beh mi tla Jakob sinah an pêk hep le, Sekem kiang mi Oak thing tangah a phûm rawh.

1 CHRONICLES 1:27

Abram (Abraham ti mi.)

ISAI 51:2

Nan thlâktu, Abraham leh Sari thawk hen thlâk nan si mi kha dawn u. Abraham ka kawh liauah fa nei lo hen a um le, sikhawmsele mal ka sâwm le, fa tla ka pêk; thlâk tam tak nei hen ka siam.

EZEKIEL 16:3

LALPA Zahkâi thusim chu Jerusalem simh rawh. “Kanaan ram ah suak mi na si, na pa chu Amor mi asi, na nu chu Hit mi asi.

LUK 3:34

chu chu Jakob fa asi le, chu chu Isak fa asi le, chu chu Abraham fa asi le, chu chu Terah fa asi le, chu chu Nahor fa asi le,

DEUTERONOMY 26:5

Churawhchun, LALPA mâika ah hi bang thu tla hi nan sim ding asi: ‘Hawng ka thlâktu chu Aramean mi mivâi asi le, ramdang minung dawrnâk nei lo mi asi, um ding hen a dâwngsung tla Aigupta ram ah kalpitu asi. An kal liauah chun minung tâwmtê an si, sikhawmsele, phun rokual leh thiltikho tak an hawng si rawh.

JOSUA 24:15

Amah rian chu ṭuan ding nan duh lo asi âwk leh tusûn ni ah hin âu rian nan ṭuan awt a ruat set u. Tuah nan umnâk ram Amor tla pathian mawh Mesopotamia ram ah an thlâk natu pathian rian ma nan ṭuan awt thlûk u. Kei leh ka dâwngsung lam nih chun LALPA rian kan ṭuan lai,” a ti.