JOSUA 24:19 - Bawm Common Language Bible Version

¹⁹ Josua nih zapi tla sinah, “Sikhawmsele, LALPA rian nan ṭuan kho ding asi lo. Pathian thenhlimh asi, nan sualnâk a ngaihdam ding asi lo, dotu chu a sâithiam lo.

JOSUA 24:19 ပူးပေါင်းရင်းမြစ်များ

2 CHRONICLES 36:16

Sikhawmsele, Pathian mifial chu an do le, a thu tla siarlo hen khuavâng chu an nihsanh, a dawnghnâk ah chun LALPA thinthawknâk chu a fâk tuktarâi le, pakhat khawm a him mi an um lo.

SAM 99:3

A min rokual leh zah a kâinâk chu mikip nih an sawr lai. Amah chu a Thenhlimh asi!

SAM 99:5

LALPA kan Pathian chu sawr u; a laltophah mâika ah amah chu sawr u! Amah chu a Thenhlimh asi.

SAM 99:9

LALPA kan Pathian chu sawr u, a tlâng thenhlimh ah amah chu sawnh u! LALPA kan Pathian chu a thenhlimh asi.

EXODUS 20:5

Zei ruk khawm sawnh hen kûn lah u, Kei, LALPA nan Pathian kasi, helnâk rêng ka sâithiam lo. Hawng ka huatu tla chu an thlâk tla tusîn fapâr tiang ka rêp na awt.

EXODUS 23:21

A thu ngâi ule, zûl u. A lakah hel lah u, keimah fial mi asi, hel mang chu a ngaihdam awtlo.

EXODUS 34:14

“Kei, LALPA nih helnâk ka sâithiam lo ruangah pathian dang rerêng sawnh lah u.

EXODUS 34:7

San sâng tla tiang thutiam kil thlirtu leh sualnâk leh palhnâk ngaihdamtu kasi; sikhawmsele, an tu leh fa tla san thum leh san li thlâk tiang an nu leh an pa sualnâk ruangah ka rêp na ding mi chu an âwl rerêng lai loh,” a ti.

ISAI 2:9

Mikip nâutir hen ningzak saih an si lai. LALPA, ngaihdam rîlmâl lah na!

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

ISAI 30:11

Kan lampi ah mi suak ule, lam hawng kan kham mi hi bâng u. Nan Israel Pathian thenhlimh thu rerêng theih ding kan duh lo,” an ti.

ISAI 30:15

LALPA zahkâi, Israel Pathian thenhlimh nih, mi zapi tla sinah thu a sim le: “Hawng kîr ule, keimah lakah dâisip hen hawng a ngauh u. Chu tikah nan chak hen nan him lai,” a ti. Sikhawmsele, nan êl.

ISAI 5:16

Sikhawmsele LALPA Zeizawng tikho nih chun a rokualnâk chu a thilti dik hen a zauhtir le, a thenhlimh zia chu a mi le tla lakah lâirêlnâk hen a langhtir.

LEVITICUS 10:3

Churawhchun, Mosi nih Aron sinah, “Hi hi asi LALPA nih âuzawng ka rianṭuantu nih chun ka thenhlimhnâk hi an zah ding asi, ka mi le sinah ka rokualnâk ka langh lai a ti liauah a sim mi chu,” a ti. Sikhawmsele Aron chu a dâisip.

LEVITICUS 11:44

Kei, LALPA, nan Pathian kasi, Keimah ka thenhlimh ruangah nanna thenhlimh tir ding asi.

LEVITICUS 11:45

Kei, Aigupta ram ah mi an suakpi natu kasi, churuangah nan Pathian kasi. Keimah ka thenhlimh ruangah nanna thenhlimh ding asi.

LEVITICUS 19:2

Israel mi tla sinah thusim ding hen a simh, “Kei, LALPA nan Pathian ka thenhlimh ruangah nanna thenhlimh ding asi.

LEVITICUS 20:26

Nanna thenhlimh ding asi, keimah lakah cho nan um ding asi; Kei, LALPA kasi, ka theihlimh ruangah. Keimah tâ lâwng nan siding hen phundang thawk hen kan thlei na mi nan si.

LEVITICUS 20:7

Thenhlimh hen um u, Kei, LALPA nan Pathian kasi ruangah.

NAHUM 1:2

LALPA Pathian nih heltu a sâithiam lo le, Amah dotu tla chu a rêp na, a thinthawknâk hen lehrûl a sam na.

HABAKUK 1:13

Sikhawmsele hi bang hâwi misual leh nehsawhtu tla hi zeitin na zuah kho na zia? Misual tla zauh ding hen chun na mit a thenhlimh tuk, mi nih thil diklo an ti mi khawm na zauh ziar kho lo. Churuang chun mi diklo nih mi dik rangah an veih liauah zeitin na dâisip zia?

MATHAI 6:24

“Âukhawm nih hotu panih rian an ṭuan kêp kho lo, pakhat hua hen pakhat a duh lai, asi lo leh, pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai lo.

JOSUA 24:18

Hi ram ah hin kan hawng kal le, hinah Amor um mi tla khawm a nar ver na. Churuangah chun LALPA rian chu kan ṭuan bâk awt, amah chu kan Pathian asi,” an ti.

JOSUA 24:23

“Asi chun, ramdang pathian nan nei mi thawk hen a thliar u,” ti hen thu a pêk na le, “LALPA Israel Pathian sinah buar lo ding thu tiam u,” a ti.

RUTH 1:15

Naomi nih a sinah, “Ruth, na hâwinu chu a mi leh a pathian sinah a kîr le, nang khawm a sinah kîr bâk ko,” a ti.

1 SAMUEL 3:14

Fiang tak hen Eli dâwngsungkhur tla nih chun bâwlnâk leh thil ap hen chu thil ṭihnungkâi chu veih ding hen hawng ka pêk na khawmsele tikho asi lai loh,” a ti.

1 SAMUEL 6:20

Churawhchun, Beth Semes mi tla nih chun, “LALPA, Pathian thenhlimh mâika ah âu a dîr kho lai? Kan lakah mi ṭhial ding hen zei leiah kan kaltir lai rawh,” an ti.