JOSUA 24:18 - Bawm Common Language Bible Version

¹⁸ Hi ram ah hin kan hawng kal le, hinah Amor um mi tla khawm a nar ver na. Churuangah chun LALPA rian chu kan ṭuan bâk awt, amah chu kan Pathian asi,” an ti.

JOSUA 24:18 ပူးပေါင်းရင်းမြစ်များ

SAM 116:16

LALPA, kei chu na to-aw kasi; ka nu nih rian a ṭuan hâwi hen kei khawm nih na rian ka ṭuan. Thihnâk lakah mi nangnih na hawng ka hum.

EXODUS 10:2

nan fa le nan tu le tiang nan sim ding hen lalchem leh a rianṭuantu tla chu an lung ka khungtir na le, Aigupta mi tla khawm chu thilchê ka ti liauah chun â tak hen ka siam na zia kha. Kei LALPA chu kasi ti nan theih ver ding hen,” a ti.

EXODUS 15:2

LALPA chu hawng ka vêngtu chak tak asi; amah chu ruang hawng ka suahtu asi. Amah chu ka Pathian asi, ka sawr lai; ka pa Pathian asi, rokualnâk la ka sak lai.

EXODUS 23:31

Nan ram chu Agaba likâwlneng thawk hen Eufretis tiva tiang leh Mediteranian Tipi thawk hen ramkaro tiang ka kauh lai. Chu mi ram ah um mi tla tlûnah thiltikhonâk kan pêk na lai le, nan kalnâk zawng ah nan nar vima na lai.

MIKAH 4:2

Chu tla nih chun “LALPA tlângah mi, Israel Pathian Biakin ah kan kal lai. Anih nih ti ding hawng kan duh mi chu hawng kan sîntir awt ruangah; a thîm mi lampi ah chun kan kal lai rawh. LALPA sîntirnâk chu Jerusalem thawk hen a hawng um lai le, a mi tla sinah Zion thawk hen thu a sim lai,” an ti.

ZEKARIA 8:23

Chubang ni ah chun ramdang mi parâ Juda mi pakhat sinah an va kal lai le, ‘Na sinah Pathian a um ti kan theih ruangah na hun dawnghnâk leikângah na vo an pêk ding kan duh,’ an ti lai,” a ti.

THILTI 7:45

Chu ber chu kan thlâktu tla thlâk nawlh khawm nih an nei vima ding hen, Pathian nih kan thlâktu tla mâiah Phundang a nar mi tla ram an luah liauah khan Josua hen an lût; David hawng um tiang khan chunah chun a um ko.

DEUTERONOMY 10:21

Sawr u, anih chu nan Pathian asi, thilchê rokual tak an ti piak na mi chu nan mit ngelchel hen nan muh asi.

DEUTERONOMY 33:27

Pathian chu nanmah vêng kumzatu asi; A zungzâl bân chu nanmah ṭangpitu asi. Nan kalnâk zawng ah nan mêlma tla chu a nar le, An ektê râwk ver ding hen an simh na.

JOSUA 23:9

LALPA nih phun rokual leh thiltikho tak chu nan kalnâk zawng ah a nar le, nanmah do ding hen pakhat khawm an dîr kho lo.

JOSUA 24:17

LALPA kan Pathian nih chun Aigupta ram ah kan pa leh kanmah sal ah kan tâng mi hawng kan suah le, thilchê a ti mi tla khawm kan muh. Kan kalnâk leh kan pal mi zawzawng phun lakah mi hawng kan hum.

JOSUA 24:19

Josua nih zapi tla sinah, “Sikhawmsele, LALPA rian nan ṭuan kho ding asi lo. Pathian thenhlimh asi, nan sualnâk a ngaihdam ding asi lo, dotu chu a sâithiam lo.