JOSUA 24:14 - Bawm Common Language Bible Version

¹⁴ Josua nih thu a sim vima le, “Churawhchun, tuah, LALPA chu zah ule, zumhkâi tak leh rinh tlâk hen a rianṭuan u. A nan thlâk natu leh pathian tla Mesopotamia leh Aigupta ram ah an sawnh mi tla lakah mi chu a lêt ule, LALPA amah rian chu ṭuan u.

JOSUA 24:14 ပူးပေါင်းရင်းမြစ်များ

GENESIS 17:1

Abram chu kum sâwmkua leh kum kua asi liauah LALPA chu a sinah â langh le, “Kei Pathian zeizawng tikho kasi. Ka thu ngâi le, thil dik ti kumza rawh.

GENESIS 35:2

Churawhchun, Jakob nih a dâwngsung leh a sinah um mi tla zawzawng sinah chun, “Ramdang tla pathian nan nei mi kha lawnh u, nanmah kha a thenhlimh ule, ni le puan thiang a aih u.

2 Lal 20:3

“LALPA, zumhkâi tak hen leh ṭih tak hen na rian ka ṭuan le, ti ding hen na ka duh mi lakah chun ti ngelchel ding hen ka tum kumza mi kha theihkumza rawh,” a ti. Chun ngaihsia tak hen a ṭap rawh.

Ezra lasuibu 9:11

Na to-aw khuavâng tla mang hen thu na kan pêk mi tla khawm kan ngâilo fâwn rawh, kan luah ding mi ram chu a luahtu minung tla thil nâwmtâm leh fihnungkâi titu tla nih khatlei dawng thawk hen khatlei tiang an luah ti hawng kan simh ruangah.

JOB LASUIBU 1:1

Uz ram ah minung pakhat a um le, a min chu Job asi, amah chu Pathian sawnhtu leh mi zumhkâi tak asi. Mi ṭha tak asi le, thilsual lakah â thiamthih.

JOB LASUIBU 28:28

Pathian nih minung sinah, “Fing ding hen LALPA rangah nan sawnh ding asi. Theihthiamnâk nei ding hen sual nan kaltâk ding asi,” a ti.

SAM 111:10

Finghnâk lampi chu LALPA ṭih hi asi; amah thupêk zûltu chu lâirêlnâk tluang a pêk na. Amah chu zungzâl sawr ding mi chu asi.

SAM 119:1

An nungnâk sual tel lo mi chu an thaw a suak, LALPA dân hâwi hen um mi chu.

SAM 119:80

Na dân thu chu rangtling tak hen zûl ding leh chu hâwi ningzakkâi tak hen neh kasi lo ding hen hawng ka siam.

SAM 130:4

Sikhawmsele nangnih na kan ngaihdam le, zah tak hen kan zûl khonâk ding hen.

SAM 81:10

Kei LALPA nan Pathian, Aigupta ram ah mi a nan lâk natu chu kasi. Nan kâ âng ule, ka nan châwm na lai.

EZEKIEL 20:18

Chu ngâk hen anmah lakah seino tla rangah nun ka simh dauh na: An thlâk natu tla nih dân an siam mi zûl lah u; an dân zûl hen an milem lakah a nâwmtir lah u.

EZEKIEL 23:3

An nungâk liauah Aigupta ah an um le, an nungâk thenhlimh sinâk an thlâu le, â zuar mi nunau ah anna chang.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

LEVITICUS 17:7

Israel mi tla nih phâi ah kêl khuri sinah bâwlnâk rang ding ah an ran tla thah hen LALPA lakah zumhkâilo hen a um ding asi lo rawh. Hi nûnthâi mâilei zawng khawm ah hi dân hi Israel fa tla nih an mang kumza ding asi.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

LUK 8:15

Tual ṭha lakah chî a tlâ mi lam chu hi bang tla hi an si; thinlung rep leh ṭha hen thu an theih le, an chîng thlir le, felfê tak hen an rah tâwn.”

THILTI 9:31

Chun, kawhmi tla chu Juda ram kiangkam ah, Galili kiangkam tla, Samaria kiangkam tla ah chun an bir dadauh le, lungngam tak hen an um rawh. Chun, Lalpa ṭih îk hen, Thlarau Thenhlimh lungngamh hen an um le, an pung dadauh.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

EPHESI 6:24

Kan Lalpa Jisu Krist chuai lo hen a zângfahtu zawzawng tla sinah dâwtnâk um seh.

DEUTERONOMY 10:12

“Tuah Israel mi tla, LALPA nan Pathian nih a nan ngiar na mi chu ngâi u: LALPA chu sawnh ule, thu a nan pêk na mi zawng chu ti u, amah chu nan thinlung zawzawng hen dâwt ule, a nâwl zulh u,

DEUTERONOMY 18:13

LALPA lakah zumhkâi thlir hen um u,” a ti.

DEUTERONOMY 6:13

LALPA nan Pathian chu ṭih ule, amah cho chu sawnh u, amah min cho hen thutiamnâk nei u.

JOSUA 24:2

Josua nih zapi minung zawzawng sinah, “Hi hi asi, LALPA Israel Pathian nih a sim mi chu: ‘A lânah an thlâk natu tla chu Eufretis tiva râl leiah an um le, pathian dang tla an sawnh. Chu lakah mi pakhat chu Terah asi, amah chu Nahor leh Abraham pa asi.

JOSUA 24:23

“Asi chun, ramdang pathian nan nei mi thawk hen a thliar u,” ti hen thu a pêk na le, “LALPA Israel Pathian sinah buar lo ding thu tiam u,” a ti.

1 SAMUEL 12:14

Nan lalchem leh nanmah nih LALPA, Pathian chu nan zûl hen nan zah hen a duhzia nan ti hen a thu nan ngâi hen a thupêk tla nan zûl chun zeizawng tluang tak hen a kal lai.

1 SAMUEL 12:24

LALPA lakah ê-aw ngâi ule, nan thinlung zawzawng hen a rianṭuan u. Nan rangah thil rokual tak an ti piak na mi chu theihkumza u.

1 SAMUEL 7:3

Samuel nih Israel mipi tla sinah, “LALPA leiah nan kîr ding tak asi chun nan thinlung zawzawng hen ramdang pathian tla leh pathiannu Astarte lem tla lakah nanna thliar ding asi. Nanmah tak kha LALPA sinah a pumpêk tlak ule, chu tikah Philistia thiltikhonâk ah mi chu ruang an suah na lai,” a ti.