JOSUA 24:11 - Bawm Common Language Bible Version

¹¹ Jordan Va nan kanh le, Jeriko nan hawng tleng. Jeriko mi tla nih Amor mi, Periz mi, Kanaan mi, Hit mi, Girgasit mi, Hiv mi leh Jebus mi tla hâwi hen an do na. Chubang tla lakah nehtu ah kan siam na.

JOSUA 24:11 ပူးပေါင်းရင်းမြစ်များ

GENESIS 15:19

Chubang chu hi tla hi an si: Kenit, Keniz tla, Kadmon tla,

SAM 105:44

Midang tla ram chu a pêk le, an phâisen tla chu a lâktir na.

SAM 114:3

Tipi Sen nih a zauh le, a tek ving; Jordan Tiva a luang mi â dîn thlo.

SAM 114:5

Tipi, zei nih me an tektir ving? Nang Jordan, na luang lemang mi na dîn thlo?

EXODUS 13:5

Kanaan mi, Hit mi, Amor mi, Hiv mi, leh Jebus mi tla umnâk ram chu LALPA nih a nan thlâk natu tla sinah pêk ding hen a tiamh ving na rawh. Chu ram neihnâk leh ram ningno ah a nan kalpi na tikah chun, kum siar hen hi a thla khatnâk kût hi nan ulh ding asi.

EXODUS 23:23

Ka vânmifial nan mâilei ah a kal lai le, Amor leh Hit mi tla, Periz leh Kanaan mi tla, Hiv mi leh Jebus mi tla umnâk ram ah a nan kalpi na lai le, annih tla chu ka veih dep na lai.

EXODUS 23:28

Nan mêlma tla chu ningṭihnâk ka pêk na lai le, nan kalnâk zawng ah Hiv mi leh Kanaan mi leh Hit mi tla chu ka nar phin lai.

EXODUS 23:31

Nan ram chu Agaba likâwlneng thawk hen Eufretis tiva tiang leh Mediteranian Tipi thawk hen ramkaro tiang ka kauh lai. Chu mi ram ah um mi tla tlûnah thiltikhonâk kan pêk na lai le, nan kalnâk zawng ah nan nar vima na lai.

EXODUS 3:17

Aigupta ram ah nehsawh hen an umnâk ah mi suakpi hen Kanaan mi, Hit mi tla, Amor mi tla, Periz mi tla, Hiv mi tla leh Jebus mi tla umnâk neihnâk leh ram ṭha mun ah kalpi na ding ka tum mi simh na,” a ti.

EXODUS 3:8

churuang chun Aigupta ram ah an um mi chu suakpi na hen ram kâu tak pakhat neihnâk ding hen ram ningno tak, Kanaan mi tla, Hit mi tla, Amor mi tla, Periz mi tla, Hiv mi tla leh Jebus mi tla tuah an umnâk leiah kalpi na ding hen ka hawng ṭum asi.

EXODUS 33:2

Nanmah an ruai natu ding hen vânmifial ka hawng fial lai le, Kanaan mi, Amor mi, Hit mi leh Periz mi, Hiv mi, Jebus mi tla ka nar hep na lai.

THILTI 13:19

Chun, Kanaan ram ah mi phun sarih a râwk nûnah khan an ram chu kum zali leh sâwmnga kar luah ding hen a pêk na.

THILTI 7:45

Chu ber chu kan thlâktu tla thlâk nawlh khawm nih an nei vima ding hen, Pathian nih kan thlâktu tla mâiah Phundang a nar mi tla ram an luah liauah khan Josua hen an lût; David hawng um tiang khan chunah chun a um ko.

DEUTERONOMY 7:1

“LALPA nan Pathian nih nan va luah ding mi ram ah an kalpi na lai le, a sungah mi phun tam tak tla chu a nar hep na lai. Nan kalnâk kip ah nanmah ngâk hen tam dauh mi leh thiltikho dauh mi phun sarih: Hit mi, Girgasit mi, Amor mi, Kanaan mi, Periz mi, Hiv mi leh Jebus mi tla a nar phin na lai.

JOSUA 3:10

Nan kalnâk zawng ah Kanaan mi tla, Hit mi tla, Hiv mi tla, Periz mi tla, Girgasit mi tla, Amor leh Jebus mi tla Kanaan ram ah mi a nar na lai.

JOSUA 4:1

Phun zawzawng nih Jordan Va an kanh rawh chun LALPA nih Josua sinah,

JOSUA 4:19

Zapi tla nih Jordan Va chu a thla khatnâk ni râ ni ah an kanh le, Jeriko saklei Gilgal ah riakmun an khuar.

JOSUA 4:23

LALPA nan Pathian nih Tipi Sen a kangtir mi hâwi hen Jordan Va khawm tual châr lakah an tan hep lânlo chu tî chu a kangtir.

JOSUA 9:2

Chubang tla chu thu a rual hen Israel leh Josua do an tum.