JOSUA 23:7 - Bawm Common Language Bible Version

⁷ chu tikah hi a leifuan um mi minung sinah hin kawpkaihnâk nan nei lai lo le, an pathian min khawm nan lam lai lo, an min sim hen thutiamnâk khawm nan nei lai loh, chubang tla pathian sawnh hen an sin khawm ah nan kûn lai lo.

JOSUA 23:7 ပူးပေါင်းရင်းမြစ်များ

2 Lal 17:12

LALPA thupêk milem sawnhlo ding a ti mi chu ngâilo hen an thilsual ti zawzawng hen LALPA thin an thawktir.

2 Lal 5:18

Siria pathian, Rimmon biakin ah sawnh ding hen lal hen kan va kal mi khawm LALPA nih hawng ka ngaihdam lai ti ka ruat. LALPA nih hawng ka ngaihdam ngelchel lai!” a ti.

2 CHRONICLES 7:19

Sikhawmsele nang leh na mi tla nih ka dân thu leh ka thupêk tla nan zûl lo hen, pathian dang tla nan sawnh mi asi chun,

SAM 16:4

Pathian dang tla leiah kaltu tla chu anmah lakah nawknâk tam tak anna siam. Anna bâwlnâk ah chun ka tel lai lo le, an Pathian khawm ka sawnh awt lo.

EXODUS 20:5

Zei ruk khawm sawnh hen kûn lah u, Kei, LALPA nan Pathian kasi, helnâk rêng ka sâithiam lo. Hawng ka huatu tla chu an thlâk tla tusîn fapâr tiang ka rêp na awt.

EXODUS 23:13

“Kei, LALPA nih nan sinah ka sim mi zawzawng chu ngâi u, pathian dang tla sinah thlacham lah ule, an min khawm sim lah u.

EXODUS 23:33

Nan ram ah chu minung tla chu nan umtir na ding asi lo, nan umtir na chun ka lakah thilsual an titir na lai. An pathian tla nan sawnh chun nan rangah thihnâk thang asi lai.

THUFING LASUIBU 4:14

Misual kalnâk leiah kal lah. Misual umdân khawm châwng lah.

JEREMIA 12:16

An thinlung zawzawng hen ka mi tla phung an pawm awt hen ‘LALPA a nung kar vial chu’ ti hen thu anna tiam chun Baal sinah thutiam ding hen ka mi tla veikhat an sîntir na hâwi hen ka mi tla lakah mi an si bâk lai le, an sul-le-lam a tluang lai.

JEREMIA 5:7

LALPA nih, “Ka mi tla sualnâk zei rangah ka ngaihdam lai? An ka kaltâk le, pathian tak silo mi tla an sawnh. Ka mi tla chu an khim lânlo ka châwm na, sikhawmsele ṭângdang an pawm le, â zuar mi nunau tla hen an tik an mang.

HOSEA 2:17

Baal min rerêng ka simtir lai lo rawh.

ZEPHANIAH 1:5

Nî, thlâ leh ârfi tla sawnh ding hen in tlûnah kâitu vial chu ka veih hep na awt. Keimah hawng ka sawnhtu leh zumhkâi tak hen thutiamtu sikhawmsele, Milkom pathian an ti mi min hen thutiamtu tla chu ka veih na lai.

NUMBER 32:38

Nebo, Baal Meon (hi min hi an thleng), leh Sibmah an sak nawlh. An sak nawlh mi khua tla min thar an sak.

NUMBER 33:55

Sikhawmsele, chu ram ah um mi tla nan nar hep lo chun, nan thah bang tla nih an nawktir na lai le, nan mit sunhtu leh nan tak lakah ling hâwi an si lai le, nanmah dotu an si lai.

1 KORIN 15:33

Perpet hen um lah u; hâwi sual tla nih chun nunchan ṭha an râwk tâwn.

EPHESI 5:11

Chun, mûi thilti rah dahlo lakah chun telnâk rerêng nei lah u, tel ngâk hen an mawh zia theihtir dauh na u;

DEUTERONOMY 10:20

LALPA nan Pathian thu cho ngâi ule, amah cho sawnh u. A sinah zumhkâi tak hen um ule, amah min cho hen thutiamnâk nei u.

DEUTERONOMY 6:13

LALPA nan Pathian chu ṭih ule, amah cho chu sawnh u, amah min cho hen thutiamnâk nei u.

DEUTERONOMY 6:14

Pathian dang sawnh lah ule, nan kiangkam ah um mi tla pathian zeikhawm sawnh lah u.

JOSUA 23:12

Zumh nan kâi lo hen hi phun a leifuan mi hen nanna tlâi hen nupi pasal nanna umh chun,

JOSUA 23:8

Chu hâwi ding ngâk hen, tuah nan umdân hâwi hen LALPA lakah chun zumhkâi hen um u.