JOSUA 23:6 - Bawm Common Language Bible Version

⁶ Mosi Dân bu ah rîn mi thil, zeizawng zûl ding hen a thiamthih u. A zeitê khawm thlawrhthlâu lah ule,

JOSUA 23:6 ပူးပေါင်းရင်းမြစ်များ

1 Lal 2:3

LALPA na Pathian nih ti ding thu a nan pêk mi lakah bir tak hen um rawh. Mosi Dân ah rîn mi a thupêk leh a dân thu zawzawng zûl le, chu tikah na kalnâk kip ah thil zeizawng na ti mi kip chu tluang tak hen a um lai.

SAM 101:3

sualnâk rêng ka tuar lai lo. Pathian thawk hen a pial mi minung tla thilti tla chu ka hua; annih hen zeikhawm kawpkaihnâk ka nei awtlo.

SAM 119:102

Na sîntirnâk chu ka thlawrhthlâu lo; nangmah tak chu hawng ka sîntirtu na si ruangah.

JEREMIA 9:3

Ram sungah dik tak lâirêl ding ngâk hen âwkrâwl thu sim kumza mi leh zumhkâilo an si. LALPA nih, “Ka mi le tla nih thilsual dang dang an ti le, an Pathian kasi mi an hawng ka theih loh,” a ti.

1 KORIN 16:13

A vêng ule, lungnâk ah chun dîr thlir ule, nan râl a ṭhattir ule, chak tak hen um u.

DEUTERONOMY 12:32

“Thu ka nan pêk na mi zawzawng ti ule, chu lakah mi chu zeikhawm sap lah ule, lawnh ber lah u.

DEUTERONOMY 17:20

A hâwi Israel tla ngâk hen ṭha dauh hen â ruat ding mi leh LALPA thupêk lakah zei kâng khawm ah a zûl lonâk ding mi lakah chu nih chun a vêng ding hen. Churawhchun, kum tam tak lâi a rêl lai le, a thlâk tla nih Israel tla chu thlâk tam tak rangah lâi an rêl lai.

DEUTERONOMY 28:14

Sikhawmsele, zei lak khawm ah ê-aw ngâilo hen nan um ding asi lo, pathian dang tla sawnh hen a rian nan ṭuan ding asi lo.

DEUTERONOMY 5:32

“Israel mi tla, LALPA nan Pathian nih thu an pêk na mi thil zeizawng nan ti mi chu theih u. A dân pêk pakhat khawm zûl lo hen um lah u.

HEBRAI 12:4

Sual do hen thih phah rê hen nanna ṭang lo rih.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.