JOSUA 23:3 - Bawm Common Language Bible Version

³ Nanmah ruangah hi bang phun zawzawng tlûnah LALPA nan Pathian nih thil a ti mi tla nan muh rawh asi. LALPA nan Pathian nih an do piak na rawh.

JOSUA 23:3 ပူးပေါင်းရင်းမြစ်များ

EXODUS 14:14

Nan rangah LALPA nih an do piak na awt, nannih nih zeikhawm nan ti ding a herh lo,” a ti.

EXODUS 19:4

“Kei, LALPA nih Aigupta mi tla lakah ka thilti zia leh mupi tla nih a thla tlûnah a fa tla a put hâwi hen hinah ka sinah kan put na mi tla na muh.

EZEKIEL 20:28

Pêk ding hen ka tiamh na mi ram ah ka kalpi na. Tlâng sâng tla leh thing ring tla an muh rawh chun chu lakah bâwlnâk an ap. Bâwlnâk an duah mi leh uain an ap mi hen ka thin an ka thawktir.

MALAKI 1:5

Israel nih anmah mit ngelchel hen an muh lai le, “Israel ram lênglei khawm ah LALPA chu a chak asi! ” an ti lai.

DEUTERONOMY 1:30

LALPA nan Pathian nih an rui na lai le, an do piak na lai; Aigupta leh ramkaro ah nan muh mi hâwi hen khan.

DEUTERONOMY 20:4

LALPA nan Pathian chu nan sinah a hawng a tel lai le, nehtu ah a nan siam na lai, a ti ding asi.

DEUTERONOMY 4:9

A vêng thlir u! Philh lo ding hen theih set u, nan mit ngelchel hen nan muh mi kha nan thih lânlo philh lah u. Sinai Tlângah LALPA nan Pathian mâika ah

DEUTERONOMY 7:17

“Hi bang minung tla hi rêl châwk an silo, kannih suah kho na ding mi asi lo ti hen a ruah lah u.

DEUTERONOMY 7:24

An lalchem tla chu nanmah neh ding hen a siam na lai. Nan thah na lai le, theih an si lai lo rawh. Âukhawm nih a nan kham kho na lai lo; mikip nan veih phin na lai.

JOSUA 10:14

A lânah chu hâwi a um dah loh, hi hâwi tluk hen LALPA nih minung thu a ngâi piak dah loh. LALPA nih Israel tla chu a dopi na.

JOSUA 10:42

Josua nih veikhat rûnnâk ah lalchem zawzawng leh a ram tla a lâk hep, LALPA, Israel Pathian nih Israel tla ruangrûl ah a do piak na ruangah.

JOSUA 23:10

Nan lakah pakhat khawm nih chun minung sâng khat tektirtu nan um lo ruangah thu a tiamh mi hâwitê hen LALPA nan Pathian nih an do piak na asi.