JOSUA 23:12 - Bawm Common Language Bible Version

¹² Zumh nan kâi lo hen hi phun a leifuan mi hen nanna tlâi hen nupi pasal nanna umh chun,

JOSUA 23:12 ပူးပေါင်းရင်းမြစ်များ

GENESIS 2:24

Churuangah asi mipa nih a nu leh a pa a kaltâk le, a nupi hen anna sihawh le, pumkhat an hawng si.

GENESIS 34:3

Churawhchun, chu nunau chu thungâi a mêldî le, a nunau nih duh ding ko hen â ṭang.

1 Lal 11:2

LALPA nih Israel tla chu chubang ramdang nunau chu umpi lo ding hen thu a pêk mi lakah nupi rangah a lâk na. Chubang mi tla nih chun Israel tla chu pathian dang leiah an hertâk tir na tâwn ruangah.

1 Lal 11:4

a tar nûnah ramdang pathian an sawnhtir rawh. A pa David hâwi hen Pathian lakah zumhkâi hen a um lo.

SAM 125:5

Sikhawmsele, misual tla na rêp tikah chun Na lampi zawh lotu tla khawm rêp na. Israel tla sinah remnâk um seh!

SAM 36:3

A hawlh a ṭhalo hen âwkrâwl hen a khat; a fing mi leh a ṭha mi ti ding a duh lo.

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

EZEKIEL 18:24

“Sikhawmsele, mirep nih thil ṭha ti a bâng hen, thilsual ti a dawmh sele, misual nih an ti mi thil fihnungkâi ti sele, a nung lai ma? Nung lai lo! A thil ṭha ti tla zeikhawm theih piak asi lai lo. Zumh a kâilonâk leh a sualnâk ruangah a thi lai.

ZEPHANIAH 1:6

Hawng ka kîrtâk hen hawng ka zûl lo rawhtu tla, ka sinah hawng lotu mawh anmah rui ding hen hawng ka ngiar lotu tla chu ka veih na lai,” a ti.

MATHAI 12:45

Chu kâ hen a va kal le, amah ngâk hen sual dauh mi khuri dang pasarih a put na le, chunah chun an lût le, an um kumza tâwn le; chu minung umzia nehnûn lei chu a lân ngâk hen a ṭhalo khun tâwn. Chu hâwi ber hen tu san sual tla tlûnah hin a um teh lai,” ti hen, a sâng.

JOHAN 6:66

Chu nûnah chun amah zûltu tla lakah tam tak nih an kaltâk le; amah an kawmh nawlh lo rawh.

ROM 12:9

Dâwtnâk chu perpetnâk tel lo hen si seh. Sual lei chu hua ule, ṭhat lei chu tleih thlir u.

DEUTERONOMY 6:15

Pathian dang tla nan sawnh chun LALPA thinthawknâk chu nan lakah mei hâwi hen a hawng tlung lai le, an veih dep na lai, nan sinah um mi LALPA nan Pathian chu helnâk sâithiam lo mi asi ruangah.

DEUTERONOMY 7:3

Anmah tla chu nupi ah umpi na lah ule, nan fa tla khawm anmah hen umhtir lah na u, pathian dang tla sawnh ding hen

DEUTERONOMY 7:4

nan fa le tla chu LALPA lakah mi pathian dang sawnh ding hen an rui na awt ruangah. Chubang hâwi thil a hawng um sual chun, LALPA nan tlûnah a thinthawk lai le, an veih sawm na lai.

JOSUA 23:11

Churuangah LALPA nan Pathian chu dâwt ding hen a thiamthih u.

1 JOHAN 2:9

Mah unau hua ṭung hen, “Chêu ah ka um” titu chu tu khawm ah mûi ah a um ko asi.

LÂIRÊL 14:3

Sikhawmsele, a nu leh pa nih, “Zei rangah chubang lunglo mi Philistia mi sinah nupi hâwl ah na kal. Kanmah phun zawzawng lakah nungâk na tawng kho lo ma?” an ti. Sikhawmsele Samson nih a pa sinah, “Ka rangah nan hawng ka lâk piak ding hen ka duh mi tak asi,” a ti.

LÂIRÊL 3:6

Anmah tla hen nupi pasal anna umh le, an pathian tla chu an sawnh bâk rawh.