JOSUA 23:10 - Bawm Common Language Bible Version

¹⁰ Nan lakah pakhat khawm nih chun minung sâng khat tektirtu nan um lo ruangah thu a tiamh mi hâwitê hen LALPA nan Pathian nih an do piak na asi.

JOSUA 23:10 ပူးပေါင်းရင်းမြစ်များ

2 SAMUEL 23:8

Hi tla hi David kawrsen minthang tla an si: a pakhatnâk chu Tachemon thawk hen mi Josheb Bashebeth asi, amah hi “Pathum” lakah hotu chem asi, veikhat râltuknâk ah a fei hen minung zariat a thah asi.

1 CHRONICLES 5:20

Pathian rinhsan hen ṭangpi ding hen thla an cham le, Pathian nih an thlachamnâk chu a sâng le, Hagrit mi leh an mêlma tla lakah nehtu ah a siam na.

1 CHRONICLES 5:22

Chu râltuknâk chu Pathian nih a bawmh na ruangah mêlma tam tak an thah na, chu ram ah chun sal ah an tâng tiang hen an um.

SAM 35:1

Hawng ka dotu tla chu do na le, LALPA, hawng ka sualpitu tla chu sualpi na!

SAM 46:7

LALPA thil zeizawng tikho chu kan sinah a um; Jakob Pathian chu kan himnâk asi.

EXODUS 14:14

Nan rangah LALPA nih an do piak na awt, nannih nih zeikhawm nan ti ding a herh lo,” a ti.

ISAI 30:17

Mêlma kawrsen pakhat nan muh chun, mi sâng khat nan tek lai, an tektir phin na ding hen kawrsen panga cho khawm â tâwk lai. Tlângah riangvâi tak hen puanzâr fung pakhat cho lo chu nan kawrsen pakhat khawm a him lai lo.

LEVITICUS 26:7

Nan mêlma lakah nehtu nan si lai;

LEVITICUS 26:8

minung panga nih minung zâ nan neh kho lai, minung za nih mi sâng râ nan neh kho lai.

ZEKARIA 12:8

Chu tikah chun Jerusalem ah um mi tla chu LALPA nih a hum na lai le, anmah lakah a chak lo chem mi khawm David hâwi hen an chak lai. David thlâk tla nih chun LALPA vânmifial hâwi leh amah Pathian tak hâwi hen an rui na lai.

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

DEUTERONOMY 20:3

‘Israel mi tla, ngâi u! Tusûn ni ah hin râl nan tuk awt asi. Nan mêlma tla chu ṭih lah na ule, zer hen nan thin dâwk lah u.

DEUTERONOMY 20:4

LALPA nan Pathian chu nan sinah a hawng a tel lai le, nehtu ah a nan siam na lai, a ti ding asi.

DEUTERONOMY 28:7

“Nan mêlma tla nih an do na tikah LALPA nih an neh piak na lai. Kâng khat lei hen an do na chun, a dang chereh hen an tek lai.

DEUTERONOMY 3:22

Annih tla chu ṭih na rîlmâl lah, LALPA na Pathian nih a nan do piak awt asi, a ti.

DEUTERONOMY 32:20

‘Ka ṭangpi na lai lo rawh; mi zumhkâilo leh mi lungkhung lakah zei me a hawng tlung ka zauhnik lai,’ a ti.

DEUTERONOMY 32:30

Zei ruangah minung pakhat nih minung sâng khat a neh na hen, Minung panih nih sâng râ an neh na zia? LALPA an Pathian nih a kaltâk na le; an Pathian chak nih anmah rangah a pêk na ruangah asi.

JOSUA 10:42

Josua nih veikhat rûnnâk ah lalchem zawzawng leh a ram tla a lâk hep, LALPA, Israel Pathian nih Israel tla ruangrûl ah a do piak na ruangah.

JOSUA 23:11

Churuangah LALPA nan Pathian chu dâwt ding hen a thiamthih u.

JOSUA 23:3

Nanmah ruangah hi bang phun zawzawng tlûnah LALPA nan Pathian nih thil a ti mi tla nan muh rawh asi. LALPA nan Pathian nih an do piak na rawh.

LÂIRÊL 15:15

Churawhchun, sanatung a thi mi kharuh a tawng sek. A kûn le a sar, chu hen chun minung sâng khat a thah na.

LÂIRÊL 3:31

Ruitu nawlh a hawng um mi chu Shamgar, Anath fapa asi. Anih nih chun chaw sunhnâk hen Philistia mi zaruk a thah na le, Israel tla ruang a suah na bâk.

1 SAMUEL 14:6

Jonathan nih tlangvâl sinah, “Khinah varâl lei Philistia lunglo tla umnâk ah kan va kal lai. Pathian nih hawng kan ṭangpi lai ba a; hawng kan ṭangpi mi asi chun, nehnâk hawng kan pêk ding mi chu zeikhawm a kham kho lai loh, kan tawm ruangah zeikhawm pawinâk a um lo,” a ti.