JOSUA 22:9 - Bawm Common Language Bible Version

⁹ Churuangah Reuben leh Gad phun tla leh saklei mi Manaseh phun tla chu an in leiah an kîr rawh. Israel mi tla zawzawng Kanaan ram ah Siloh khua ah an mâk na le, Gilead ram Mosi mang hen LALPA nih thu a pêk na mi hâwi hen an lâk chia, anmah ram leiah chun tlung ding anna thawh rawh.

JOSUA 22:9 ပူးပေါင်းရင်းမြစ်များ

2 SAMUEL 2:9

Chunah Abner nih Isboseth chu lalchem ah a siam le, Gilead, Aser, Jezreel, Efraim, Benjamin, leh Israel ram zawzawng rang ding ah.

1 CHRONICLES 5:9

Gilead ram ah ranrual tam tak an nei le, churuang chun saklei ram ramkaro Eufretis Tiva lei kalnâk tiang an luah hep.

SAM 60:7

Gilead chu ka tâ asi le, Manaseh khawm; Ephraim chu ka lukhuh, Juda chu ka lal ṭhianṭhunh asi.

NUMBER 32:1

Reuben leh Gad phun nih ran rual tam tak an nei, Gilead leh Jazer ram chu an zauh nakah ran vulhnak ding hen thungai a rem hen an muh.

NUMBER 32:20

Mosi nih a sâng le, “Nan tum tak mi asi chun, LALPA mâika ah râltuk ding hen a tîm u.

NUMBER 32:22

LALPA nih a neh hen ram a lâk lânlo chu kan mêlma tla chu an do ding asi. Chu nûn chun LALPA sinah nan ti ding mi tla leh nan hâwi Israel tla sinah nan ṭuan ding mi chu nan ti thluh ruangah nan kîr kho lai rawh. Chu tikah Jordan saklei ram hi nan tâ asi tak rawh ti LALPA nih an theihtir na lai.

NUMBER 32:26

Kan nupi, kan fa tla, kan ranrual leh dawrâ tla chu hi Gilead ram khua tla ah hin um na ko seh.

NUMBER 32:29

“Reuben leh Gad mi tla nih Jordan an hawng kanh chun LALPA thupêk hen râltuk ding hen a tîm ule, anmah tla ṭangpi hen ram chu nan neh kho chun, chu tikah Gilead ram chu anmah rang ding ah pêk na u.

DEUTERONOMY 3:18

“Chu liau chun hi bang sîntirnâk tla hi ka pêk na: ‘LALPA kan Pathian nih Jordan Va saklei ram hi nan luah ding hen an pêk na asi. Tuah nan minung râltuktu tla chu râlthuam pêk na ule, Israel phun dang tla mâilei ah Jordan Va kanh ding hen fial na u, an ram luah ding hen ṭangpitu ding ah.

DEUTERONOMY 3:20

Nan hâwi Israel tla chu Jordan Va thlanglei kâng ram LALPA nih a pêk na mi an luah tiang hen leh hi ram ah nan rangah LALPA nih a ti mi hawi hen thlangam tak hen an um tiang hen ṭangpi na u. Chu nûnah ram nan rangah ka nan pêk na mi ah hin nan hawng kîr kho lai,’ a ti.

DEUTERONOMY 34:1

Mosi chu Moab phâi thawk hen Nebo Tlâng, Jeriko saklei Pisga Tlâng tlûnah a kâi le, chunah chun ram pumpi LALPA nih a zauhtir: Gilead ram marlei mi Dan khua tiang hen;

JOSUA 13:11

Gilead ram fawnh sih hen, Gesur leh Maakah, Hermon Tlâng zawzawng leh Basan ram tla, Salekah tiang hen.

JOSUA 13:25

An ram tla chu Jazer leh Gilead ram khuapi tla, Amon ram khingkhuai Aroer tiang hen, chu chu Rabah saklei ram asi.

JOSUA 13:31

Gileed ram khingkhuai Astarot, Edrei leh Basan ram ah mi Og lalchem khuapi tla telhsih hen. Hi bang zawng tla hi Makir fapa Manaseh phun thlâk khingkhuai tla rangah pêk mi chu asi.

JOSUA 22:10

Reuben, Gad leh saklei mi phun Manaseh chu Geliloth an va tleng le, Jordan thlanglei kap tiva kiang ah chun thinlung purh tak mi mâichâm lian tak an siam.

LÂIRÊL 20:1

Israel mi zawzawng tla chu marlei mi Dan thawk hen simlei mi Bersheba tiang, saklei kângah Gilead ram thawk hen khawm chu kawhnâk chu an sâng. LALPA mâika ah Mizpah ah thurual hen anna pûm.

LÂIRÊL 5:17

Gad phun tla chu Jordan saklei ah an um le, Dan phun chu timeilawng tla ah an um Aser phun tla chu tipi kap ah an um le; tivakap vima ah an um.