JOSUA 22:6 - Bawm Common Language Bible Version

^6-8 Josua nih mal a sâwm na le, hi bang thu tla a simh na rawh chun, in leiah a tlungtir na le, “Tuah nan in leiah neih bû hen nan tlung awt rawh asi, ranrual, tangka, ngûn, dâr, thîr leh nipuan tam tak hen. Nan phun hâwi tla rangah nan mêlma thawk hen nan tawng mi tla pêk na bâk u,” a ti. Churawhchun, in leiah an tlung rawh. Mosi nih Jordan Va saklei Manaseh phun khingkhuai a pêk na le, sikhawmsele phun khingkhuai dang chu Josua nih phun dang tla hen Jordan Va thlanglei ram a pêk na.

JOSUA 22:6 ပူးပေါင်းရင်းမြစ်များ

GENESIS 14:19

mal a sâwm le, “Chungnungchem Pathian tual leh vân siamtu nih Abram chu malsâwm seh!

GENESIS 47:10

Jakob nih lalchem chu a dawnghnâk ah mal a sâwm le, a kal rawh.

GENESIS 47:7

Josef nih a pa chu lalchem mâika ah a va langh bâk, Jakob nih lal chu mal a sâwm rawh.

2 SAMUEL 6:18

Chu bâwlnâk a ap mi a lîm rawh chun, LALPA zeizawng tikho min hen Israel tla chu mal a sâwm na.

2 SAMUEL 6:19

Churawhchun, zapi tla chu ei ding a pêk na, nunau, mipa Israel lakah mi zawzawng chu sang tlang khat, meh em leh grep rah châr tla a pêk na. Churawhchun, mikip in leiah an lâwi rawh.

2 SAMUEL 6:20

Churawhchun, David chu a dâwngsung chibai bûk ding hen a va kal le, Mikal chu amah dawng ding hen a hawng suak le, “Tusûn chu Israel lal nih a min a rokual tir, amah murui a to-aw nungak sinah mi â hâwi â langh!” a ti.

1 Lal 8:66

A ni riat ni ah chun Solomon nih mi zapi tla chu in leiah a tlungtir na rawh. LALPA nih a to-aw David leh Israel mi tla rangah mal a sâwm na ruangah Solomon rangah an ektê hen an sawr le, in leiah lâwm tak hen an tlung rawh.

2 CHRONICLES 30:18

Mi tam tak Efraim, Manaseh, Isakar leh Zebulun phun hawng kal mi tla khawm dân hâwi hen thenhlimhnâk anna timhtuah lo le, churuang chun Kalkanh Kût chu mang ding hâwi hen an mang kho lo. Lalchem Hezekiah nih hi hâwi hen an rangah thla a cham piak na:

EXODUS 39:43

Mosi nih chubang thil zawzawng tla chu LALPA thupêk hâwi hen an siam mi a muh le, mal a sâwm na.

LUK 2:34

Chun, Simeon nih mal a sâwm na le, a nu Mari sinah, “Hi ngâksia hi Israel tla lakah mi tam tak tlûktir ding leh thawktir ding hen ruat asi; chun duh lo mi chu asi ti singsiahnâk ding chu asi;

LUK 24:50

Chun, Bethani khua vâu tiang hen annih chu a kalpi na le; chun, a bân a phar le, mal a sâwm na.

JOSUA 14:13

Josua nih Jephuneh fapa Kaleb rangah mal a sâwm le, amah tâ siding hen Hebron khuapi chu a pêk rawh.

JOSUA 24:28

Churawhchun, Josua nih mi zapi tla chu a ṭiaktir na le, anmah ram chiauah an tlung rawh.

1 SAMUEL 10:25

Samuel nih zapi tla chu lal rianṭuan ding mi leh thuneihnâk tla rangah a simhfiang na le, lasuibu ah an rîn le, mun thenhlimh ah an siah. Churawhchun, in leiah a lâwitir na rawh.

1 SAMUEL 2:20

Eli nih Elkanah leh a nupi chu mal a sâwm na le, Elkanah sinah, “LALPA nih amah rangah nan pêk mi rûlah fa dang tla hi nunau rangah hin pêk nawlh seh,” a ti. Churawhchun, in leiah an tlung rawh.