JOSUA 22:5 - Bawm Common Language Bible Version

⁵ Mosi nih dân a nan pêk na mi chu zûl ding hen theihkumza ule; LALPA, nan Pathian chu dâwt ule, a duhzia hen thil ti u, a thupêk tla zûl ule, a lakah zumhkâi hen um u, nan thinlung leh nan thlarau zawzawng hen a nâwl zulh u,” a ti.

JOSUA 22:5 ပူးပေါင်းရင်းမြစ်များ

SAM 106:3

Thil dik a ti kumza mi thupêk zûltu tla chu an thaw a suak.

SAM 78:7

Hi hâwi hen Pathian lakah an lungnâk ngauh ding hen leh a thilti tla chu an philh lonâk ding hen, a thupêk tla an zûl kumzanâk ding hen.

EXODUS 15:26

“Thudik ka ruat mi leh ka thupêk nan zûl hep chun Aigupta tlûnah râi ka tlungtir mi hen kan rêp na lai loh,” a ti. “Kei, LALPA, a nan damh natu kasi,” a ti.

EXODUS 20:6

Sikhawmsele, hawng ka duhtu leh ka dân zûltu tla chu, an thlâk tla, san sâng tiang hen ka dâwtnâk an sinah ka langh lai.

EXODUS 23:13

“Kei, LALPA nih nan sinah ka sim mi zawzawng chu ngâi u, pathian dang tla sinah thlacham lah ule, an min khawm sim lah u.

EXODUS 23:25

Kei, LALPA nan Pathian, nan hawng ka sawnh lam chun, ti leh râwl hen mal kan sâwm na lai le, nan nganfâknâk zawzawng ka lâk peng lai.

THUFING LASUIBU 4:23

Na thil dawn lakah a thiamthih le, na dawnnâk zia zia hen na nunchan chu a um lai.

ISAI 55:2

Khawp lo ding mi lakah zei rangah tangka nan veih? Sungvâng nget ṭung ding hen zei rangah ni lawh nan lawnh? Ka thu ngâi ule, ka sim mi chu ti u. Buh zawzawngah a ṭha chem mi lakah nanna lâwm lai.

JEREMIA 12:16

An thinlung zawzawng hen ka mi tla phung an pawm awt hen ‘LALPA a nung kar vial chu’ ti hen thu anna tiam chun Baal sinah thutiam ding hen ka mi tla veikhat an sîntir na hâwi hen ka mi tla lakah mi an si bâk lai le, an sul-le-lam a tluang lai.

MATHAI 22:37

Chun, anih nih chun a sinah, “ ‘Lalpa na Pathian chu na thinlung zawzawng hen, na thlarau zawzawng hen, na dawnruatnâk zawzawng hen na dâwt ding asi, ti hi.

MATHAI 4:10

Chu ka hen Jisu nih a sinah, “Setan, kal ving! ‘Lalpa na Pathian sawnh le, amah rian cho ṭuan rawh,’ ti rîn asi,” a ti.

MATHAI 6:24

“Âukhawm nih hotu panih rian an ṭuan kêp kho lo, pakhat hua hen pakhat a duh lai, asi lo leh, pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai lo.

LUK 1:74

kan leido tla lakah hawng kan hum lai le,

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

JOHAN 14:15

“Nannih nih nan ka dâwt chun, ka thupêk tla nan zâwt lai.

THILTI 11:23

Chun, anih chu a va tleng le, Pathian zângfahnâk chu a muh le, thungâi â lâwm, ṭhanemngâi tak hen Lalpa lakah zumhkâi ding hen an ektê hen a fawrh na rawh.

THILTI 27:23

A tâ kasi le, ka sawnh tâwn mi Pathian nih a vânmifial pakhat tuzân ah hin ka kiang ah a hawng dîr le, ka sinah,

ROM 1:9

Ka thlachamnâk lakah chun bâng lo hen nan min ka lam tâwn le, tutan hin nan sinah ka hawng kalnâk ding hen Pathian thu thu hen tlâwngnâk tik ka tawng rarâm khonâk ding hen ka deih tâwn ti a Fapa Thâwngthâng Ṭha ah ka thlarau ah a rian ka ṭuan tâwn mi Pathian chu a theihtu asi.

ROM 12:9

Dâwtnâk chu perpetnâk tel lo hen si seh. Sual lei chu hua ule, ṭhat lei chu tleih thlir u.

ROM 8:28

Chun, Pathian dâwttu amah ruat hâwi hen a kawh mi tla rangah chun ṭhatnâk ding hen zeizawng hen a ṭuan piak na tâwn ti kan theih.

DEUTERONOMY 10:20

LALPA nan Pathian thu cho ngâi ule, amah cho sawnh u. A sinah zumhkâi tak hen um ule, amah min cho hen thutiamnâk nei u.

DEUTERONOMY 11:1

“LALPA nan Pathian chu dâwt ule, a dân zawzawng tla chu zûl kumza u.

DEUTERONOMY 11:13

“Churuangah, thupêk tusûn ni ah kan pêk na mi tla hi zûl ule, LALPA, nan Pathian chu dâwt ule, nan thinlung zawzawng hen amah nâwl zulh u.

DEUTERONOMY 11:22

“Dân ka nan pêk na mi zawzawng chu zumhkâi tak hen zûl ule, LALPA nan Pathian chu dâwt ule, thu a nan pêk na mi kip ti hen a lakah zumhkâi tak hen um u.

DEUTERONOMY 13:4

LALPA chu ṭih hen amah chu zûl ule, ê-aw ngâi tak hen a thupêk tla zûl u, zumhkâi tak hen amah chu sawnh u.

DEUTERONOMY 4:29

Chunah chun LALPA nan Pathian nan hâwl lai le, nan thinlung zawzawng hen amah chu nan hâwl tikah nan tawng kho lai.

DEUTERONOMY 4:4

sikhawmsele, LALPA nan Pathian ah zumhkai hen umtu tla chu tusûn ni tiang nung dam hen an um asi.

DEUTERONOMY 4:6

Zumhkâi tak hen zûl ule, phun dang tla lakah mifing nan sinâk a lang lai. Chubang dân zawzawng an theih tikah chun, ‘Hi phun rokual tak nih finghnâk leh theihthiamnâk an nei a!’ an ti lai.

DEUTERONOMY 4:9

A vêng thlir u! Philh lo ding hen theih set u, nan mit ngelchel hen nan muh mi kha nan thih lânlo philh lah u. Sinai Tlângah LALPA nan Pathian mâika ah

DEUTERONOMY 5:10

Sikhawmsele hawng ka dâwttu leh ka dân zâwttu tla chu san sâng tiang an lakah ka dâwtnâk ka langh asi.

DEUTERONOMY 6:17

Dân a nan pêk na mi nan zûl mi zawzawng kha fiang tak hen theih u.

HEBRAI 12:15

Âukhawm Pathian zângfahnâk lakah mi nan tlû lonâk ding hen leh thil khâ chu a hawng ṭhang le, mi tam tak a nawktir na mi hâwi hen nan si lonâk ding hen a thiamthih u.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

JOSUA 23:8

Chu hâwi ding ngâk hen, tuah nan umdân hâwi hen LALPA lakah chun zumhkâi hen um u.

THUPHUANG 15:3

Chun, Pathian to-aw Mosi la leh Dawrâ Fa la chu an sak le, Lalpa Pathian zeizawng tikho, na thilti tla chu a rokual hen a chê le! Nang phun kip Lalchem, na lampi tla chu a dik hen â rep asi!

1 SAMUEL 12:20

“Ṭih lah u ” ti hen Samuel nih a sâng. “Chu hâwi hen thilsual ti menza khawm ule, LALPA lakah mi kâng dang ah hawitâk lo hen, nan thinlung zawzawng hen a nâwl zulh lehlam u.

1 SAMUEL 12:24

LALPA lakah ê-aw ngâi ule, nan thinlung zawzawng hen a rianṭuan u. Nan rangah thil rokual tak an ti piak na mi chu theihkumza u.

1 SAMUEL 7:3

Samuel nih Israel mipi tla sinah, “LALPA leiah nan kîr ding tak asi chun nan thinlung zawzawng hen ramdang pathian tla leh pathiannu Astarte lem tla lakah nanna thliar ding asi. Nanmah tak kha LALPA sinah a pumpêk tlak ule, chu tikah Philistia thiltikhonâk ah mi chu ruang an suah na lai,” a ti.