JOSUA 22:34 - Bawm Common Language Bible Version

³⁴ Reuben leh Gad mi tla nih chun, “Hi mâichâm hi kan ektê rangah LALPA chu Pathian asi ti hawng kan theihtirtu asi,” an ti. Churuangah a min ah Theihpitu (Ed) an ti.

JOSUA 22:34 ပူးပေါင်းရင်းမြစ်များ

GENESIS 31:47

Laban nih Jegar Sahadutha ti hen min a phuah, Jakob nih chun Galeed ti hen a phuah.

GENESIS 31:48

Laban nih Jakob sinah, “Hi lung tiang mi hi kan panih rangah theihnawlhnâk rang ding si seh,” a ti. Churuangah chu mun chu Galeed ti asi.

1 Lal 18:39

Chubang chu mi zapi minung nih an muh rawh chun tual ah anna lawnh ro le, “LALPA chu Pathian asi, LALPA cho chu Pathian asi!” ti hen an âu.

ISAI 19:19

Chu tik chun, Aigupta ram ah LALPA mâichâm a um lai le, LALPA sinah ap mi lungphun Aigupta ramri ah a um lai.

ISAI 43:10

“Israel mi tla, nannih chu keimah theihpitu nan si; ka to-aw siding hen kan thîm na le, nan ka theih hen nan ka lung hen keimah cho Pathian kasi ti nan theihthiam khonâk ding hen. Keimah lo chu pathian dang rêng a um lo; a lân khawm a um dahlo, hi nûn khawm ah a um rerêng lai lo rawh.

MATHAI 4:10

Chu ka hen Jisu nih a sinah, “Setan, kal ving! ‘Lalpa na Pathian sawnh le, amah rian cho ṭuan rawh,’ ti rîn asi,” a ti.

JOSUA 22:27

sikhawmsele nan mi tla leh kan mi tla hi nûnthâi ah thlâk a hawng um vima ding mi nih LALPA Puanin thenhlimh mâika ah thil ap duahphung tla leh bâwlnâk, kawmhnâk thil ap tla nei hen LALPA kan sawnh tatak ti theihnâk ding hen asi dauh. Hi hi nan thlâk tla nih LALPA hen tlâinâk zeikhawm nan nei lo an ti kholonâk ding hen asi.

JOSUA 24:27

Zapi zawzawng sinah, “Hi lung hi kan rangah theihpitu si seh. Kan sinah LALPA nih thu a sim mi zawzawng chu a theih hep. Churuang chun, LALPA lakah hel lo ding hen theihpitu leh a nan vêng natu asi lai,” a ti.