JOSUA 22:29 - Bawm Common Language Bible Version

²⁹ LALPA lakah hel hen zûl kan tum lo ruangah duahphung thil apnâk leh eiphung bâwlnâk mawh apnâk ding hen mâichâm kan siam mi asi rîlmâl lo. LALPA umnâk Puanin mâika mi mâichâm lo hen mâichâm dang rerêng kan siam ding asi lo,” an ti.

JOSUA 22:29 ပူးပေါင်းရင်းမြစ်များ

GENESIS 44:17

Josef nih, “Silo, chu hâwi hen ka ti dah loh; hâi tawngnâk cho ka sal asi lai le, a dang vial chu him tak leh dam tak hen nan pa sinah nan kîr kho lai,” a ti.

GENESIS 44:7

Annih nih, “Pu, hi hâwi thu hi zeitin na sim zia? Chu hâwi thil kan ti lo zia chu siat khawm kan tleih ngam.

1 Lal 21:3

Naboth nih a sâng le, “Hi grep dûm hi hawng ka thlâktu ro ka ting mi asi; a nan pêk ding hen LALPA nih rem a ti lo!” a ti.

2 Lal 18:22

Asiria hotu nih, “Asi lo leh LALPA, na Pathian lakah dahmawh na ngauh ah? Hezekiah nih a râwk mi mâichâm Jerusalem ah mi lak cho ah Pathian sawnh ding hen Juda mi tla a simh na mi kha dahmawh?

2 CHRONICLES 32:12

Anih chu LALPA sawnhnâk leh mâichâm râwk hen Jerusalem leh Juda mi tla chu rimthâw duah hen mâichâm pakhat ah cho sawnh ding titu asi.

ROM 3:6

Si lo e, chu hâwi asi chun Pathian nih zeitin me laikulh lâi a rêl lai?

ROM 6:2

Si lo e; kannih sual leikângah thi rawh mi, sual hen zeitin me kan nung kho nget lai rih?

ROM 9:14

Zei me kan sim lai rawh? Pathian lakah chun replonâk a um masi? A um rîlmâl loh.

DEUTERONOMY 12:11

LALPA nih amah nan sawnhnâk ding hen mun pakhat cho a thîm lai le, chunah chun thu kan pêk na mi thil zeizawng a sinah nan kalpi lai. Nan bâwlnâk duahphung tla leh bâwlnâk dang tla, parâ lû pakhat leh nan thil ap tla, a bîk hen LALPA sinah thilpêk nanna tiam mi tla LALPA sinah nan pêk ding asi.

JOSUA 22:23

LALPA lakah ê-aw kan ngâilo hen mah rangah mâichâm siam hen bâwlnâk ding leh ei phung apnâk mawh, kawmhnâk apnâk mawh rang ding ah mang ding kan tum mi asi chun LALPA amah tak nih hawng kan rêp seh.

JOSUA 22:26

Churuang chun hi mâichâm hi kan siam le, a tlûnah bâwlnâk kan duah ding asi lo, thil ap khawm kan nei ding asi lo,

JOSUA 22:28

Kan thinlung ah kan ruatnâk ah hi hâwi hen a hawng um lai ti kan ruat ruangah, hi hâwi hen hawng um menza khawmsele, kan thlâk tla nih, ‘Zauhnik u me! Kan thlâktu tla nih LALPA mâichâm hâwitê an siam bâk hi teh. Duahphung apnâk mawh bâwlnâk mawh lam chu asi lo, nan mi leh kan mi tla rangah theihtirnâk cho asi’ an ti kho.

JOSUA 22:30

Phinehas bâwlpu leh a kalpi na mi minung parâ leh thlanglei kâng mi phun dâwngsungkhur lakah a lukhâi tla nih Reuben, Gad leh saklei mi Manaseh phun tla thusim chu an theih le, thungâi anna lâwm.

JOSUA 24:16

Zapi tla nih an sâng le, “pathian dang sawnh ding hen LALPA chu kan kaltâk lai lo!

1 SAMUEL 12:23

Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.