JOSUA 22:22 - Bawm Common Language Bible Version

²² “Mi thiltikho chu Pathian asi, amah chu LALPA asi! Mi chak pakhat chu Pathian asi! Amah chu LALPA asi! Zei rangah hi hi kan ti amah nih a theih asi, nannih khawm nih nan theih ding hen kan duh na! LALPA lakah kan hel hen amah kan zumh lo mi asi chun hawng kan zuah rerêng lah seh!

JOSUA 22:22 ပူးပေါင်းရင်းမြစ်များ

1 Lal 8:39

vân ah mi na in thawk hen ngâi piak na le, ngaihdam na le, ṭangpi na. Nang cho nih minung thinlung dawnnâk na theih. An thilti hâwi vima hen rêl piak na le,

JOB LASUIBU 10:7

Ka palh lo ti na theih le, na lakah mi chu âukhawm nih an ka hum kho lo.

JOB LASUIBU 23:10

Sikhawmsele, Pathian nih kê ka kâr mi kip hi a theih. Hawng ka nik khawmsele, thenhlimh tak hen hawng ka muh lai.

JOB LASUIBU 31:22

ka bân tla kiak sele, ka liang thawk hen bauh zek na seh.

SAM 136:2

Pathian zawzawng lakah rokual chem leh a dâwtnâk zungzâl asi mi sinah lâwmthu sim u.

SAM 37:6

Na repnâk, chu nî sunh chir liau hâwi hen a chêutir lai.

SAM 40:9

LALPA, na mi le pumhnâk ah chun ruang na kan suah mi thâwngthâng ka sim. Chu thusim chu ka bâng rêng lai lo ti na theih.

SAM 44:22

Nangmah ruangah zeiliau zawng ah thah hen kan um, dawrâ thah ding mi hâwi hen ruat kan si.

SAM 50:1

LALPA, Pathian zeizawng tikho nih saklei, thlanglei laikulh zawzawngah mi a kawh na le, thu a sim:

SAM 82:1

Pathian nih vân lâirêlnâk a ho na; Pathian tla pumhnâk lakah thu a thlûk:

SAM 95:3

LALPA chu Pathian chak asi ruangah leh pathian zawzawng lakah Pathian chak chem asi ruangah.

SAM 97:7

Mikip ruk sawnhtu chu ningzak saih hen a um; pathian zawzawng tla chu LALPA mâika ah an kûn.

EXODUS 18:11

Tu chun LALPA chu pathian zawzawng tla ngâk hen a rokual dauh ti ka theih rawh. Aigupta mi tla nih Israel tla zauhnawmh hen an nehsawh na mi lakah hi hâwi hen thil a ti ruangah,” a ti.

JEREMIA 12:3

Sikhawmsele; LALPA, ka thilti leh ka nan dâwt zia chu na theih hen na ka muh. Dawrâ thah ding hen an ruai mi hâwi hen hi misual tla hi nûk na le; thah ding tik a tlung tiang hen vêng rêt na.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

DANIAL 11:36

“Siria lal nih amah thu thu hen thil a ti lai. Zei pathian zawng, Pathian rokual chem khawm, Pathian rokual tak ngâk khawm hen lian dauh a ruat hen â khâwng lai. Pathian nih a rêpnâk tik a tlung lânlo chu, chubang chu a tikho lai. Pathian nih a thiltum mi hâwitê a ti lai.

DANIAL 2:47

Lal nih, “Na Pathian chu pathian zawzawng lakah a rokual chem le, lal tla tlûnah Lal asi le, thilthup tla langhtu asi. Thilthup na simhfiang ruangah chu chu ka theih mi asi,” a ti.

MIKAH 7:9

LALPA lakah thilsual kan ti, churuang chun a thinthawk kar vial chu kanna dawnh rarâm ding asi. Sikhawmsele a dawnghnâk ah chun hawng kan hum lai le, kan lakah thil diklo tla dik hen a hawng diktir lai. Chêu lakah hawng kan kalpi lai le; ruang hawng kan suah mi muh ding hen kan nung lai.

MALAKI 3:18

Veikhat chu ka mi tla nih mirep leh misual tlûnah thil a hawng um ding mi tla, ka rianṭuantu leh ṭuanlotu tlûnah â dang zia an muh teh lai,” a ti.

JOHAN 21:17

Chun, a veithumnâk ah chun a sinah, “Simon, Johan fapa, nangnih kei na ka dâwt ma?” a ti. A veithumnâk ah, “Nangnih na ka dâwt ma?” a sinah a ti ruangah chun Peter a lawksawng le, a sinah, “Lalpa, zeizawng na theih le, ka nan dâwt ti na theih,” a ti. Jisu nih a sinah, “Ka dawrâ tla zauhkhenh rawh.

THILTI 1:24

Chun, thla an cham le, “Nang Lalpa, minung zawzawng thinlung theihtu,

THILTI 25:11

Misual kasi hen thihnâk phah rê hen thil ka ti asi chun thih khawm ka êl loh. Sikhawmsele, hi bang an hawng ka phiarnâk thu hi a phûr zeikhawm a um lo chun âukhawm nih an sinah an hawng ka pêk kho lai loh. Kaisar sinah ka tlunh lai,” a ti.

2 KORIN 11:11

Zei ruangah me hi hi ka sim? Ka nan zângfah na lo ruangah masi? Pathian nih a theih!

2 KORIN 11:31

Jisu Pathian leh Pa, zungzâl a thawsuak hen um mi nih chun âwkrâwl ka sim lo zia a theih.

2 KORIN 5:11

Chun Lalpa ṭihnâk dân theih hen minung tla chu kan lêm tâwn le, Pathian sinah lam chun langhtir hen kan um tâwn; nanmah sia leh ṭha theihnâk ah khawm langhtir hen kan um ka lungum.

DEUTERONOMY 10:17

LALPA nan Pathian chu pathian zawzawng lâirêltu leh thiltikhonâk lakah Chungnungchem asi. Anih chu a chak hen a rokual le, ṭih ding mi tak asi. Mi thliar leh dang a nei lo le, nawhnâk khawm a lâk lo.

1 TIMOTHE 6:16

Amah cho nih thih kholonâk a nei, chêu naih kho lo rê ah a um le, amah chu âukhawm nih an muh dahlo, muh khawm an muh kho ber lo, amah sinah zungzâl chawnglawmhnâk leh thiltikhonâk um seh. Amen.

HEBRAI 4:13

Thilsiam Pathian mitmuh ah a lang lo mi rerêng a um loh. A thilsiam zawzawng chu a mitmuh ah langh leh pho hen a um. Kanmah ngelchel nih kan thilti zia kan phuang ngelchel ding mi chu amah sinah asi.

JOSUA 22:21

Reuben, Gad leh saklei mi Manaseh phun tla nih thlanglei ah mi phun dâwngsungkhur lakah a lû dauh si mi tla rangah an sâng na le:

THUPHUANG 19:16

Chun, a puan leh a kê ah min rîn, “lal tla Lal leh hotu tla Hotu,” ti hen a um.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

1 SAMUEL 15:23

A lakah helnâk hi dâwithiam hen a bang le, lungkhungnâk hi milem sawnh tluk hen a sual. LALPA thu na ngâilo ruangah lalchem siding an duh lo rawh,” a ti.

1 SAMUEL 2:3

Na puarsanhnâk kha bâng le, puar thâu tak hen thu na sim mi khawm bâng rawh. LALPA chu mi zawzawng thilti lakah lâirêltu leh theihtu Pathian asi ruangah.