JOSUA 22:18 - Bawm Common Language Bible Version

¹⁸ Tuhin LALPA chu nan zûl duh awtlo rawh mi masi? Tusûn ni hin LALPA lakah nan hel mi asi chun, thâituan ah Israel mikip lakah a thinthawk lai.

JOSUA 22:18 ပူးပေါင်းရင်းမြစ်များ

2 SAMUEL 24:1

LALPA thinrunhnâk chu Israel tla tlûnah a um fâwn, an lawksawngtir ding hen David chu a mang. LALPA nih a sinah, “Kal le, Israel leh Juda mipi rêl rawh,” a ti.

1 Lal 9:6

Sikhawmsele nangmah mawh na thlâk tla nih an ka zûl duh lo hen ka thupêk leh ka dân thu an ngâilo hen pathian dang tla nan sawnh chun,

2 Lal 17:21

LALPA nih Israel leh Juda a ṭhen nûnah, Israel tla nih Nebat fapa Jeroboam chu an lal rangah an thîm. Jeroboam nih chun LALPA kaltâk hen sualnâk ṭihnungkâi tla a tipi na.

1 CHRONICLES 21:1

Setan nih Israel mi tla lakah nawknâk tlungtir ding a duh le, David chu minung rêl ding duhnâk thinlung a pêk.

1 CHRONICLES 21:14

Churawhchun, LALPA nih Israel mi tla lakah thihnâk râi a lêngtir le, minung sîng sarih an thi.

2 CHRONICLES 25:27

Lalpa lakah a hel mi thawk hen Jerusalem ah a lakah helnâk karo a um. A dawnghnâk ah chun Lakis khuapi ah a tek le, khawmsele a mêlma tla nih an ṭhâwl le, chunah chun an thah.

2 CHRONICLES 34:33

Lalchem Josiah nih Israel mi lakah milem fihnungkâi zawzawng chu a veih hep, a dam sung zawzawngah LALPA an thlâktu Pathian rianṭuan ding hen zapi tla a ngiar na.

LEVITICUS 10:6

Churawhchun, Mosi nih Aron leh a fapa tla Eleazar leh Ithamar sinah, “Nan lungfâk ruangah nan nipuan thlêk lah ule, nan lû khawm thurhtir lah u. Chu hâwi nan ti chun nan thi lai le, zapi pumpi tlûnah LALPA a thinrun lai. Sikhawmsele LALPA mei thlâk nih a thah na mi asi ruangah nan unau Israel tla lam chu an lungfâk siang asi.

NUMBER 16:22

Sikhawmsele Mosi leh Aron chu an mêl tual lei hawih hen an kûn le, “Pathian, nang chu nungnâk bul zawzawng na si. Minung pakhat sual ruangah zapi minung tlûnah na rothawk na maw?” an ti.

NUMBER 32:15

Nannih Reuben leh Gad mi tla nih tuah LALPA nan zûl duh lo mi asi chun, hi ramkaro ah mi zapi zawzawng tla hi an kaltâk ving fâwn na lai le, siat-le-râwk an sinâk chu nanmah mawh asi lai,” a ti.

DEUTERONOMY 7:4

nan fa le tla chu LALPA lakah mi pathian dang sawnh ding hen an rui na awt ruangah. Chubang hâwi thil a hawng um sual chun, LALPA nan tlûnah a thinthawk lai le, an veih sawm na lai.

JOSUA 22:15

Gilead ram ah Reuben, Gad, saklei mi Manaseh phun tla sinah an va kal le,

JOSUA 22:16

LALPA mi zawzawng ruangrûl ah an sinah thu an va sim. “Zei zia, Israel Pathian duh lo zia thilsual nan ti zia? Nanmah nih mâichâm nan siam mi hi LALPA lakah nan hel mi asi, amah chu nan zûl lo rawh ma hi!

JOSUA 22:20

Zerah fapa Akan nih thu ngâi duh lo hen râwk dep ding mi thil a veih lo ruangah Israel tla rêp an si; amah Akan sual ruangah amah cho mazei a thi,” an ti.

JOSUA 7:1

Israel tla sinah LALPA thupêk, Jeriko khua sungah mi thil zeikhawm râwk ding mi thil rerêng lâk lo ding ti hen LALPA thupêk chu an zûl lo. Mi pakhat Akan an ti mi nih thupêk chu a zûl lo. Churuangah LALPA thinthawknâk chu Israel tlûnah a hawng tlung. (Akan chu Karmi fapa, Jabdi tupa, Juda phun lakah mi Zerah thlâk asi.)

JOSUA 7:11

Israel tla nih thilsual an ti! Zûl ding thu ka pêk na mi an buar rawh. Veih ding mi thil zeimawh tla an lâk. An fîr le, anmah thil nâwngah an siah.

JOSUA 7:21

“Thil kan tleih mi Babulon kawrfual dawh tak pakhat, tangkasa kilogram nih ding, ngûn a rih lei kilogramme khing ka muh. Thungâi ka duh le ka lâk. Ka puanin kiangah ka phûm le, a tanglei ah mi tangkasa hen nan tawng lai,” a ti.

1 SAMUEL 12:14

Nan lalchem leh nanmah nih LALPA, Pathian chu nan zûl hen nan zah hen a duhzia nan ti hen a thu nan ngâi hen a thupêk tla nan zûl chun zeizawng tluang tak hen a kal lai.

1 SAMUEL 12:20

“Ṭih lah u ” ti hen Samuel nih a sâng. “Chu hâwi hen thilsual ti menza khawm ule, LALPA lakah mi kâng dang ah hawitâk lo hen, nan thinlung zawzawng hen a nâwl zulh lehlam u.