JOSUA 22:11 - Bawm Common Language Bible Version

¹¹ Israel mi zawzawng chu an simh na le, “Ngâi u! Reuben, Gad leh saklei mi Manaseh phun tla nih Geliloth khua ah, kanmah lei thal Jordan vakap ah mâichâm an siam!” an ti.

JOSUA 22:11 ပူးပေါင်းရင်းမြစ်များ

JOHAN 1:28

Chubang thil chu Jordan lanh ah Bethani ah, Johan baptis nâk ah khan an ti asi.

JOHAN 20:1

Chun, ni sarih ni lakah ni masa chem ah, zîngtê, a mûi rih liauah, Mari Magdala mi chu thlân ah a va kal le, lung chu thlân ah mi ṭhinh hen a muh.

JOHAN 20:12

chun, vânmifial panih puan vâr aih hen, Jisu ruak zâunâk mun ah chun, pakhat a lû leiah, pakhat a kê leiah an to mi a muh.

DEUTERONOMY 12:11

LALPA nih amah nan sawnhnâk ding hen mun pakhat cho a thîm lai le, chunah chun thu kan pêk na mi thil zeizawng a sinah nan kalpi lai. Nan bâwlnâk duahphung tla leh bâwlnâk dang tla, parâ lû pakhat leh nan thil ap tla, a bîk hen LALPA sinah thilpêk nanna tiam mi tla LALPA sinah nan pêk ding asi.

JOSUA 2:7

Chu lalchem minung tla chu khuapi ah mi an suak le, kulh chu an khâr rawh. Jordan Va an kanhnâk mun tiang hen Israel thlingthlâktu tla chu kawrsen tla nih an va zauh.

JOSUA 22:10

Reuben, Gad leh saklei mi phun Manaseh chu Geliloth an va tleng le, Jordan thlanglei kap tiva kiang ah chun thinlung purh tak mi mâichâm lian tak an siam.

JOSUA 22:16

LALPA mi zawzawng ruangrûl ah an sinah thu an va sim. “Zei zia, Israel Pathian duh lo zia thilsual nan ti zia? Nanmah nih mâichâm nan siam mi hi LALPA lakah nan hel mi asi, amah chu nan zûl lo rawh ma hi!

JOSUA 22:19

Nan ram ah LALPA sawnhnâk ding hen a tlâklo tuktarâi chun a Puanin umnâk LALPA ram ah hawng ko u me. Kanmah lakah mi ram khawm hawng kan deih ko u, sikhawmsele LALPA lakah hel rîlmâl lah u. LALPA kan Pathian mâichâm nûnah mâichâm dang siam hen kan lakah khawm hel lah u.

LÂIRÊL 12:5

Efraim tla tek ding mi vêng ding hen Gilead mi nih Jordan tan khonâk mun an lâk. Efraim tla âuzawng nih suak ding an duh mi asi chun tan ding hen siangnâk ngiar ding asi, Gilead mi tla nih, “Efraim mi ma nan si?” ti hen, an deih na lai. “Silo,” a ti chun,