JOSUA 21:44 - Bawm Common Language Bible Version

⁴⁴ Ram chu thlangam tak hen LALPA nih a pêk na le, an pu tla sinah a tiamh na rawh hâwi hen. Anmah dotu an mêlma zawzawng lakah pakhat khawm anmah do khotu an um lo, LALPA nih Israel tla chu an mêlma zawzawng lakah nehtu ah a siam na rawh ruangah.

JOSUA 21:44 ပူးပေါင်းရင်းမြစ်များ

2 CHRONICLES 13:16

Juda tla dotu Israel tla chu an tek le, Pathian nih Juda tla chu anmah ngâk hen a chaktir na.

EXODUS 23:31

Nan ram chu Agaba likâwlneng thawk hen Eufretis tiva tiang leh Mediteranian Tipi thawk hen ramkaro tiang ka kauh lai. Chu mi ram ah um mi tla tlûnah thiltikhonâk kan pêk na lai le, nan kalnâk zawng ah nan nar vima na lai.

EXODUS 33:14

LALPA nih a sinah, “Na sinah ka hawng lai le, nehnâk kan pêk lai,” a ti.

ISAI 63:14

Belh no nâk mun tivakuam ah ran tla kalpi mi hâwi hen LALPA nih a mi tla chu dinhnâk a pêk na. LALPA nih a mi tla a rui na le, a min zahkâitirtu an si.

DEUTERONOMY 2:36

LALPA kan Pathian nih khuapi zawzawng hawng kan lâk tir le, Arnon tivakuam kiangah mi Aroer thawk hen leh chu vakuam a lâi ram ah mi khuapi thawk hen Gilead lei mi lampi zawzawng tla khawm kan lâk. Kulhnei khuapi pakhat khawm ti kho lo kan nei loh.

DEUTERONOMY 21:10

“LALPA nan Pathian nih râltuknâk ah nehtu ah an siam na hen, mi nan tleih mi tla lakah,

HEBRAI 4:9

Chun, Pathian mi tla rangah chun ni sarih ni Pathian dinhnâk hâwi kha dinhnâk a um nget rih.

JOSUA 1:13

“Mosi, LALPA to-aw nih Jordan Va saklei kâng ram hi nan umnâk ding hen LALPA nan Pathian nih a nan pêk na ti a nan simh na kha.

JOSUA 1:15

Jordan Va thlanglei kâng ram, LALPA nan Pathian nih a pêk na mi an luah tiang hen ṭangpi na ding hen nan hâwi Israel tla mâi nan ruai na hen nan ṭangpi na ding asi. Him tak hen Israel fa tla rangah pêk asi tikah hi Jordan saklei Mosi, LALPA to-aw nih an pêk na mi nan ram ah hin nan hawng kîr lai le, nan um lai rawh,” a ti.

JOSUA 1:5

Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.

JOSUA 11:12

Josua nih hi khuapi tla zawzawng a lâk le, an lalchem tla khawm, minung zawzawng khawm LALPA to-aw Mosi nih thu a pêk hâwi hen a thah hep na.

JOSUA 11:23

Mosi nih thu a pêk hâwi hen Josua nih ram pumpi a lâk hep rawh. Anmah tâ si rawh ding hen Israel tla chu a pêk na le, anmah tingvo chiau a siam piak na, tingvo khat chu phun khat rang vima ding hen. Churawhchun, mi tla chu râl tuknâk chu anna dîn rawh.

JOSUA 11:8

LALPA nih Israel tla chu anmah a nehtir na le, Israel tla nih an do na le, marlei kângah Misrephot Maim leh Sidon tiang hen an ṭhâwl na, saklei kângah Mizpah kuam tiang an ṭhâwl na. An do vima na le, pakhattê khawm relh lo hen an thah hep na.

JOSUA 2:24

a sinah, “LALPA nih ram pumpi chu hawng kan pêk rawh ti kan theihfiang rawh. Chunah mi tla nih chun hawng kan ṭih hep,” an ti.

JOSUA 22:4

Tuah LALPA, nan Pathian nih a tiamh rawh hâwi hen nan hâwi Israel tla rangah thlangamnâk a pêk rawh. Churuang chun Jordan Va saklei ram LALPA to-aw Mosi rangah nan deih le, a nan pêk na mi ram ah tlung u rawh.

JOSUA 22:9

Churuangah Reuben leh Gad phun tla leh saklei mi Manaseh phun tla chu an in leiah an kîr rawh. Israel mi tla zawzawng Kanaan ram ah Siloh khua ah an mâk na le, Gilead ram Mosi mang hen LALPA nih thu a pêk na mi hâwi hen an lâk chia, anmah ram leiah chun tlung ding anna thawh rawh.

JOSUA 23:1

LALPA nih Israel tla rangah an kiangkam ah an mêlma lakah himnâk sâwt tak a pêk na nûnah chun Josua chu thungâi a tar rawh le,