JOSUA 21:43 - Bawm Common Language Bible Version

⁴³ Churawhchun, LALPA nih an thlâktu tla rangah a tiamh na rawh hâwi hen Israel tla zawzawng rangah ram chu a pêk na rawh. Ram chu anna ting rawh chun chunah chun an um rawh.

JOSUA 21:43 ပူးပေါင်းရင်းမြစ်များ

GENESIS 12:7

LALPA chu Abram sinah â langh le, “Hi ram hi na thlâk tla ka pêk ding mi ram chu asi,” a ti. Abram nih chun LALPA a sinah a langhtu sinah mâichâm a siam.

GENESIS 13:15

na muh mi zawng chu nang leh na thlâk tla rangah nan tâ si kumza ding hen kan pêk awt asi.

GENESIS 28:4

Abraham rangah mal a sâwm mi hâwi hen, nang leh na thlâk tla mal an sâwm na seh, Abraham sinah a pêk mi na umnâk ram hi a ting rawh!” a ti.

2 CHRONICLES 20:8

Hi ram ah hin an um le, nangmah zahnâk ding hen Biakin an sak le,

NEHEMIAH 9:24

Kanaan ram chu an neh le, chunah um mi tla chu na neh na. Kanaan ram ah lal leh mi tla chu anmah duhzia zawng tikho ding hen na mi tla chu thiltikhonâk na pêk na.

NEHEMIAH 9:8

Na lakah zumhkâi hen na theih le, a sinah thudântuk na siam. Kanaan mi tla ram, Hit mi tla ram, Amor mi tla ram, Periz mi tla ram, Jebus mi tla ram, Girgasit mi tla ram, a thlâk tla umnâk ding hen na tiamh. Nang chu zumh na kâi ruangah na thutiam chu na lêt loh.

SAM 105:8

A thudântuk chu zungzâl hen a kil lai, a thutiam chu thlâk sângkhat tiang hen.

SAM 44:3

Na mi le tla nih ram chu an riamnâm hen an neh mi asi lo; anmah thiltikhonâk hen an neh mi khawm asi lo. Nangmah nih na umpi na mi an theih ruangah leh na thiltikhonâk leh na chaknâk ruangah asi. Chu nih chun na dâwt na ti a zauhtir.

SAM 78:55

A mi le tla mang hen ram luahtu tla chu a nar le; Israel phun tla a ṭhenh na, an in tla chu a mi le tla a pêk na.

EXODUS 3:8

churuang chun Aigupta ram ah an um mi chu suakpi na hen ram kâu tak pakhat neihnâk ding hen ram ningno tak, Kanaan mi tla, Hit mi tla, Amor mi tla, Periz mi tla, Hiv mi tla leh Jebus mi tla tuah an umnâk leiah kalpi na ding hen ka hawng ṭum asi.

JEREMIA 32:23

Sikhawmsele hi ram an hawng kal rawh chun mun an khuar le, na thupêk tla ngâilo hen na sîntir na mi hâwi hen khawm an um lo; ti ding hen thu na pêk na mi khawm an ti lo. Churuangah hi bang hâwi siatnâk zawzawng hi an tlûnah na hawng tlungtir rawh.

NUMBER 33:53

Chu ram chu ka nan pêk na mi asi ruangah luah ule, um u.

NUMBER 34:2

Israel tla rangah hi bang sîntirnâk tla hi a pêk: “Kanaan ram ka nan pêk na mi nan lût tik chun, a ramri ding mi chu hi hâwi asi lai.

DEUTERONOMY 11:31

Tuah LALPA nan Pathian nih an pêk na mi ram Jordan Va chu nan kanh awt rawh asi. Chunah chun nan va kal hen nan va um tikah chun

DEUTERONOMY 12:29

“An ram chu nan va rûn tikah phun tla chu a veih na lai le, nan va luah lai le, chunah chun nan va um lai.

DEUTERONOMY 17:14

“LALPA nan Pathian nih an pêk na ding mi ram nan va luah hen nan va um tik chun, nan kiangkam ah phun tla hâwi hen nan herh mi lalchem nan ruat bâk lai.

DEUTERONOMY 34:4

Churawhchun, LALPA nih Mosi sinah, “Hi ram hi Abraham, Isak leh Jakob sinah an thlâk tla rangah pêk ka tiamh mi ram chu asi. Muh lam chu kan muhtir lai le, sikhawmsele, chunah chun kan kaltir awtlo,” a ti.

JOSUA 1:6

Tum thlir le, zumh thlir hen um, an thlâktu tla sinah ka tiamh mi ram luah ding hen hi bang zapi ruitu na si awt ruangah.

LÂIRÊL 11:24

Lâk nawlh ding hen ma nanna tum? Nan pathian Kemos nih a nan pêk na mi zawng chu nanna ting kho. Sikhawmsele kannih lam chu LALPA, kan Pathian nih hawng kan pêk mi zawng chu kanna ting awt.

1 SAMUEL 12:8

Jakob leh a dâwngsung tla Aigupta ram ah an va kal liau khan Aigupta mi tla nih thungâi an nehsawh na le, an thlâk natu nih LALPA sinah ṭangpi an ngiar le, Mosi leh Aron, Aigupta ram thawk hen an suakpi natu chu, chu ram ah a fial na le, hi ram ah a umtir na.