JOSUA 20:3 - Bawm Common Language Bible Version

³ Mi âunih mawh, mi a thah palh sual chun chu himnâk khua ah chun a va tek lai le, lehrûl samtu ding mi lakah mi chu a suak khonâk ding hen.

JOSUA 20:3 ပူးပေါင်းရင်းမြစ်များ

2 SAMUEL 14:11

Nunau nih, “LALPA, na Pathian sinah, ka fapa pakhat a thih ruangah ka unau tla nih a thahtu ka fapa rangah lehrûl sam ding an awt mi thu ah an thah lonâk ding hen hawng ka ngiar piak,” a ti. David nih a sâng le, “LALPA a nung mi min sâl hen ka sim asi, na fapa chu tâwmtê khawm nganfâk a tawng lai loh,” a ti.

LEVITICUS 4:2

LALPA mi lakah âuzawng nih hi bang dân tla hi zûl ding hen simh na a ti.

NUMBER 35:12

Chunah chun, thah hen a um mi minung unau tla nih phû an lam ding mi lakah a himnâk ding hen. Mi nih minung thahtu a phiar chun zatlâng lâirêlnâk lo hen thah ding asi lo.

NUMBER 35:19

A thi mi unau taksa tlâi naih chemtu nih a thahtupa rangah thah bâk ding â tâng. A tawngnâk zawng ah a thah bâk ding asi.

NUMBER 35:22

“Sikhawmsele, mi nih hua ruang silo hen, âumawh a tûl hen mawh, zei thil hen mawh a seh hen a thah palh kho.

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

JOSUA 20:2

Israel mi tla simh na ding hen thu a simh, “Mosi sinah an simh na ding hen thu ka pêk rawh hâwi hen himnâk khuapi thîm u.

JOSUA 20:4

Chu khua tla lakah zei mi khua tal ah a tek kho lai le, khuapi tual zâwllâi lâirêlnâk mun ah a va kal lai le, ruitu tla sinah thil a hawng umdân tla chu a va sim fiang lai. Churawhchun, annih nih khuapi sungah umnâk ding mun an pêk lai le, chunah chun a um kho lai.