JOSUA 2:9 - Bawm Common Language Bible Version

⁹ “LALPA nih hi ram hi an pêk na rawh ti ka theih. Ram sungah mikip nih an ṭih na ti ka theih rawh.

JOSUA 2:9 ပူးပေါင်းရင်းမြစ်များ

GENESIS 35:5

Jakob leh a fapa tla anna thawh awt liau chirah, an kiangkam mi khua lakah um mi tla tlûnah thil ningṭihkâi a hawng tlung le, Jakob leh a fa le tla chu an ṭhâwl na lo rawh.

2 SAMUEL 17:10

Churawhchun, chakeibaknei hâwi hen a râl a ṭha mi men nih na pa chu kawrsen rokual leh a mi le tla chu mi râlṭha tak an si ruangah an zâm lai.

2 Lal 5:15

Elisa sinah a minung tla zawng hen a va kîr nawlh le, a sinah, “Tu chun Israel Pathian cho lo chu zei Pathian khawm a um lo ti ka theih rawh, churuangah chun zângfahtê hen, Pu, lâwmman ka nan pêk mi hi hawng ka lâk piak,” â ti.

2 Lal 7:6

LALPA nih Siria tla chu kawrsen rualpi kal hâu hâwi hen rang leh kari tla kal hâu hâwi a theihtir na. Churawhchun, Siria tla nih chun Israel lalchem nih Hit mi leh Aigupta lalchem tla kanmah hawng kan do ding hen a sâwm na mi asi lai ti an ruat.

NEHEMIAH 6:16

Kan kiangah mi phun mêlma zawzawng nih kan dih mi an theih rawh chun, Pathian ṭangpi hen rianṭuan chu lîm asi rawh ti mikip nih an theih le, an mâi a mûi rawh.

ESTHER 8:17

Lal thusuah a tlengnâk ram ṭhen kip ah Juda tla nih lâwmnâk puai an tuah le, thungâi an lâwptlo. Chu hâwi a hawng si ruangah mi tam tak anmah ṭih ruangah Juda phun ah anna siam.

JOB LASUIBU 19:25

Sikhawmsele, vân ah mi âumawh a dawnghnâk ah chun ka himnâk ah a hawng kal awt ti ka theih.

SAM 112:10

Misual tla nih hi hi an muh chun a rothawk; an rothawk dadauh le, an vei thlo; an lungumnâk chu a tlâu pawt.

SAM 115:16

Vân lam chu LALPA tâ cho asi, tual lam chu minung rangah a pêk mi asi.

EXODUS 18:11

Tu chun LALPA chu pathian zawzawng tla ngâk hen a rokual dauh ti ka theih rawh. Aigupta mi tla nih Israel tla zauhnawmh hen an nehsawh na mi lakah hi hâwi hen thil a ti ruangah,” a ti.

EXODUS 23:27

“A nan do natu chu keimah hawng ka ṭih ding hen ka siam na lai; nan leido tla lakah nawknâk ka siam lai le, nan mêlma tla chu ka khirh na lai le, ka tek tir hep na lai.

THUSIMTU 8:12

Misual nih vei zâ thil sual a ti khawm ah a dam nget kho rih. Asi, thu an sim mi lakah: “Pathian thu na ngâi chun, thil zeizawng a dik lai.

ISAI 19:1

Hi hi Aigupta thu ah thuchah asi. LALPA chu sûm tlûnah chuan hen Aigupta ah a hawng kal. Aigupta ram ah milem tla chu a mâika ah an thir le, Aigupta minung tla chu an zer rawh.

ISAI 23:5

Aigupta mi tla khawm Tura â râwk ti an theih tik chun, an lâu khit lai le, an thla a kâm lai.

JEREMIA 27:5

“Ka thiltikhonâk rokual leh ka chaknâk hen laikulh, minung leh ramsa tual tlûnah um mi zawzawng chu ka siam na le; âutal ka thîm na mi chu ka pêk.

NAHUM 2:10

Ninevi chu a vei rawh, a karo hen a um, a lâwng keng rawh! Thinlung chu ningṭihnâk hen a khat le, chaknâk a vei le, khûp tla a thir; mêl a dâng rê.

NUMBER 20:14

Mosi nih Kades thawk hen Edom lalchem sinah mi a fial. “Hi thuchah hi nangmah chi-leh-kuang Israel phun tla thawk hen mi asi. Thil harsa kan tuar mi khawm na theih,

NUMBER 20:24

“Aron lam chu Israel tla rangah ram ka tiamh mi lakah a lût lai lo; a thi lai, Meribah ah ka thupêk nan ngâilo le, nan panih hen nan hel ruangah.

MATHAI 20:15

Ka tâ asi mi chu ka thu thu hen ka ti ding asi lo ma? Asi lo leh, kei ka ṭha ruangah nangnih na nahsuah mu?’ ti hen, a sâng.

DEUTERONOMY 11:25

Chu ram ah nan kalnâk kip ah LALPA nan Pathian nih chunah minung tla chu nanmah an ṭih na ding hen a siam na lai le, âukhawm nih a thutiam hâwi hen a nan kham kho na lai lai lo.

DEUTERONOMY 2:25

Tusûn ni thawk hen mun kip ah mi nih an ṭih na ding hen ka siam na lai. Mikip nan min an simnâk ko khawm ah lâu hen an thir lai,’ a ti.

DEUTERONOMY 28:10

Churawhchun, tual tlûnah minung zawzawng tla nih LALPA nih amah mi tak siding hen a nan thîm na mi nan si ti an muh lai le, an ṭih na lai rawh.

DEUTERONOMY 32:8

Chungnungchem nih chun phun tla chu an ram tla a ruat piak na le; Mi zapi tla chu an umnâk ding ruat piak na a tum. Phun kip rangah pathian a ruat piak chiau na.

HEBRAI 11:31

Lungnâk hen Rahab â zuar mi nu kha lunglo tla lakah thah bâk asi lo le, thlingthlâktu tla a lawmh na ruangah.

JOSUA 2:11

Chu chu kan theih kâ hen thungâi kan ningṭih, nanmah ruangah kan thinlung thungâi kan lâu. LALPA nan Pathian chu tual leh vân Pathian asi.

JOSUA 2:24

a sinah, “LALPA nih ram pumpi chu hawng kan pêk rawh ti kan theihfiang rawh. Chunah mi tla nih chun hawng kan ṭih hep,” an ti.

JOSUA 2:8

Zauh thlingthlâktu tla chu an it lântê ah Rahab chu a in tlûn chawnh lakah a kal le, an sinah,

JOSUA 5:1

Amor lalchem Jordan thlanglei mi zawzawng tla, Mediteranian Tipi kiangkam ah um mi Kanaan lalchem tla nih Israel mi tla nih an tan ver tiang hen LALPA nih Jordan Va tî chu a kangtir piak na ti an theih. Israel mi tla ruangah an thinlung a dâwk hep le, thungâi an ningṭih.

JOSUA 6:2

LALPA nih Josua sinah, “Jeriko khua chu lalchem tla leh an kawrsen râlṭha tla zawzawng nanmah kut ah ka siah rawh.

JOSUA 9:10

Amor lalchem panih Jordan saklei mi Hesbon lalchem Sihon leh Basan lalchem Og Astarot ah um mi lakah a thilti tla khawm kan theih.

JOSUA 9:24

Annih nih an sâng le, “Kan ti ko lai ma chu Pu, LALPA nan Pathian nih a to-aw Mosi sinah ram pumpi pêk hen an kalnâk kip ah minung tla chu ram ah um mi chu thah ding asi ti hen thu a pêk mi chu a dik asi ti kan theih ruangah asi. Kan ṭih na ruangah kan ti mi asi, thi ding kan ṭih ruangah.

JOSUA 9:9

Churawhchun, hi thu hi an simh, “Ram lât tak thawk hen hawng mi kan si Pu, LALPA na Pathian thâwngthâng kan theih ruangah hawng mi kan si. Aigupta ram ah a thilti tla kan theih le,

LÂIRÊL 7:14

A hâwipa nih a sâng le, “Israel tla nâmsâu Joash fapa Gideon ma chu! Chu lo chu zei dang khawm asi lai lo! Pathian nih Midian mi leh kan kawrsen zawzawng nehnâk a pêk mi ma chu!” a ti.